เมนู

[26] นเหตุยา จตฺตาริ, นอารมฺมเณ จตฺตาริ, นอธิปติยา จตฺตาริ, นอนนฺตเร จตฺตาริ (สํขิตฺตํ, สพฺพตฺถ จตฺตาริ), นปุเรชาเต นปจฺฉาชาเต นอาเสวเน…เป.… นวิปฺปยุตฺเต จตฺตาริ…เป.… โนอวิคเต จตฺตาริ (เอวํ คเณตพฺพํ)ฯ

ปจฺจนียํฯ

3. ปจฺจยานุโลมปจฺจนียํ

[27] เหตุปจฺจยา นอารมฺมเณ ทฺเว, นอธิปติยา ทฺเว, นอนนฺตเร นสมนนฺตเร นอุปนิสฺสเย นอาเสวเน นกมฺเม…เป.… โนนตฺถิยา โนวิคเต ทฺเว (สพฺพตฺถ ทฺเวฯ เอวํ คเณตพฺพํ)ฯ

อนุโลมปจฺจนียํฯ

4. ปจฺจยปจฺจนียานุโลมํ

[28] นเหตุปจฺจยา อารมฺมเณ จตฺตาริ, อธิปติยา ตีณิ, อนนฺตเร จตฺตาริ, สมนนฺตเร จตฺตาริ, สหชาเต อญฺญมญฺเญ นิสฺสเย ทฺเว, อุปนิสฺสเย จตฺตาริ, อาเสวเน ตีณิ, กมฺเม จตฺตาริ, วิปาเก ทฺเว…เป.… สมฺปยุตฺเต ทฺเว, อตฺถิยา ทฺเว, นตฺถิยา จตฺตาริ, วิคเต จตฺตาริ, อวิคเต ทฺเว (เอวํ คเณตพฺพํ)ฯ

ปจฺจนียานุโลมํฯ

ปญฺหาวาโรฯ

อชฺฌตฺตารมฺมณตฺติกํ นิฏฺฐิตํฯ

22. สนิทสฺสนสปฺปฏิฆตฺติกํ

1. ปฏิจฺจวาโร

1. ปจฺจยานุโลมํ

1. วิภงฺควาโร

เหตุปจฺจโย

[1] อนิทสฺสนสปฺปฏิฆํ ธมฺมํ ปฏิจฺจ อนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา – อนิทสฺสนสปฺปฏิฆํ เอกํ มหาภูตํ ปฏิจฺจ ทฺเว มหาภูตา, ทฺเว มหาภูเต ปฏิจฺจ เอกํ มหาภูตํฯ อนิทสฺสนสปฺปฏิเฆ มหาภูเต ปฏิจฺจ อนิทสฺสนสปฺปฏิฆํ จิตฺตสมุฏฺฐานํ รูปํ กฏตฺตารูปํ อุปาทารูปํฯ โผฏฺฐพฺพายตนํ ปฏิจฺจ จกฺขายตนํ…เป.… รสายตนํ…เป.…ฯ (1)

อนิทสฺสนสปฺปฏิฆํ ธมฺมํ ปฏิจฺจ สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา – อนิทสฺสนสปฺปฏิเฆ มหาภูเต ปฏิจฺจ สนิทสฺสนสปฺปฏิฆํ จิตฺตสมุฏฺฐานํ รูปํ กฏตฺตารูปํ อุปาทารูปํฯ โผฏฺฐพฺพายตนํ ปฏิจฺจ รูปายตนํฯ (2)

อนิทสฺสนสปฺปฏิฆํ ธมฺมํ ปฏิจฺจ อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา – อนิทสฺสนสปฺปฏิเฆ มหาภูเต ปฏิจฺจ อนิทสฺสนอปฺปฏิฆํ จิตฺตสมุฏฺฐานํ รูปํ กฏตฺตารูปํ อุปาทารูปํฯ โผฏฺฐพฺพายตนํ ปฏิจฺจ อาโปธาตุ, อิตฺถินฺทฺริยํ…เป.… กพฬีกาโร อาหาโรฯ (3)

อนิทสฺสนสปฺปฏิฆํ ธมฺมํ ปฏิจฺจ สนิทสฺสนสปฺปฏิโฆ จ อนิทสฺสนอปฺปฏิโฆ จ ธมฺมา อุปฺปชฺชนฺติ เหตุปจฺจยา – อนิทสฺสนสปฺปฏิเฆ มหาภูเต ปฏิจฺจ สนิทสฺสนสปฺปฏิฆญฺจ อนิทสฺสนอปฺปฏิฆญฺจ จิตฺตสมุฏฺฐานํ รูปํ กฏตฺตารูปํ อุปาทารูปํฯ โผฏฺฐพฺพายตนํ ปฏิจฺจ รูปายตนํ, อาโปธาตุ, อินฺทฺริยํ…เป.… กพฬีกาโร อาหาโรฯ (4)

อนิทสฺสนสปฺปฏิฆํ ธมฺมํ ปฏิจฺจ อนิทสฺสนสปฺปฏิโฆ จ อนิทสฺสนอปฺปฏิโฆ จ ธมฺมา อุปฺปชฺชนฺติ เหตุปจฺจยา – อนิทสฺสนสปฺปฏิฆํ เอกํ มหาภูตํ ปฏิจฺจ ทฺเว มหาภูตา อาโปธาตุ จ, ทฺเว มหาภูเต ปฏิจฺจ เอกํ มหาภูตํ อาโปธาตุ จฯ อนิทสฺสนสปฺปฏิเฆ มหาภูเต ปฏิจฺจ อนิทสฺสนสปฺปฏิฆญฺจ อนิทสฺสนอปฺปฏิฆญฺจ จิตฺตสมุฏฺฐานํ รูปํ กฏตฺตารูปํ อุปาทารูปํฯ โผฏฺฐพฺพายตนํ ปฏิจฺจ จกฺขายตนํ…เป.… รสายตนํ, อาโปธาตุ, อิตฺถินฺทฺริยํ…เป.… กพฬีกาโร อาหาโรฯ (5)