เมนู

อวิตกฺกอวิจารํ ธมฺมํ สํสฏฺโฐ อวิตกฺกวิจารมตฺโต ธมฺโม…เป.… วิจารํ สํสฏฺฐา อวิตกฺกวิจารมตฺตา ขนฺธาฯ ปฏิสนฺธิกฺขเณ วิจารํ สํสฏฺฐา…เป.…ฯ (2)

อวิตกฺกวิจารมตฺตญฺจ อวิตกฺกอวิจารญฺจ ธมฺมํ สํสฏฺโฐ อวิตกฺกวิจารมตฺโต ธมฺโม…เป.… อวิตกฺกวิจารมตฺตํ เอกํ ขนฺธญฺจ วิจารญฺจ สํสฏฺฐา ตโย ขนฺธา…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ (1)

สวิตกฺกสวิจารญฺจ อวิตกฺกวิจารมตฺตญฺจ ธมฺมํ สํสฏฺโฐ สวิตกฺกสวิจาโร ธมฺโม อุปฺปชฺชติ เหตุปจฺจยา – สวิตกฺกสวิจารํ เอกํ ขนฺธญฺจ วิตกฺกญฺจ สํสฏฺฐา ตโย ขนฺธา…เป.… ทฺเว ขนฺเธ จ วิตกฺกญฺจ…เป.… ปฏิสนฺธิกฺขเณ…เป.…ฯ (1)

(เหตุปจฺจยํ อนุมชฺชนฺเตน สพฺเพ ปจฺจยา วิตฺถาเรตพฺพา)ฯ

สุทฺธํ

[62] เหตุยา เอกาทส, อารมฺมเณ อธิปติยา อนนฺตเร สมนนฺตเร สหชาเต อญฺญมญฺเญ นิสฺสเย อุปนิสฺสเย ปุเรชาเต อาเสวเน กมฺเม วิปาเก อาหาเร อินฺทฺริเย ฌาเน มคฺเค สมฺปยุตฺเต วิปฺปยุตฺเต อตฺถิยา นตฺถิยา วิคเต อวิคเต สพฺพตฺถ เอกาทสฯ

อนุโลมํฯ

2. ปจฺจยปจฺจนียํ

(ปจฺจนียํ กาตพฺพํ อสมฺโมหนฺเตนฯ)

[63] นเหตุยา ฉ, นอธิปติยา เอกาทส, นปุเรชาเต เอกาทส, นปจฺฉาชาเต เอกาทส, นอาเสวเน เอกาทส, นกมฺเม สตฺต, นวิปาเก เอกาทส, นฌาเน เอกํ, นมคฺเค ฉ, นวิปฺปยุตฺเต เอกาทสฯ

ปจฺจนียํฯ

3. ปจฺจยานุโลมปจฺจนียํ