สวิตกฺกสวิจารญฺจ อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปจฺจยา สวิตกฺกสวิจาโร ธมฺโม อุปฺปชฺชติ นกมฺมปจฺจยา – สวิตกฺกสวิจาเร ขนฺเธ จ วิตกฺกญฺจ วตฺถุญฺจ ปจฺจยา สวิตกฺกสวิจารา เจตนาฯ (1)

(นวิปาเก สตฺตติํส ปญฺหา กาตพฺพาฯ นอาหาร-นอินฺทฺริย-นฌาน-นมคฺค-นสมฺปยุตฺตนวิปฺปยุตฺต-โนนตฺถิ-โนวิคตปจฺจยา วิตฺถาเรตพฺพาฯ)

2. ปจฺจยปจฺจนียํ

2. สงฺขฺยาวาโร

สุทฺธํ

[56] นเหตุยา เตตฺติํส, นอารมฺมเณ สตฺต, นอธิปติยา สตฺตติํส, นอนนฺตเร นสมนนฺตเร นอญฺญมญฺเญ นอุปนิสฺสเย สตฺต, นปุเรชาเต นปจฺฉาชาเต นอาเสวเน สตฺตติํส, นกมฺเม เอกาทส, นวิปาเก สตฺตติํส, นอาหาเร เอกํ, นอินฺทฺริเย เอกํ, นฌาเน เอกํ, นมคฺเค เตตฺติํส, นสมฺปยุตฺเต สตฺต, นวิปฺปยุตฺเต เอกาทส, โนนตฺถิยา สตฺต, โนวิคเต สตฺตฯ

3. ปจฺจยานุโลมปจฺจนียํ

[57] เหตุปจฺจยา นอารมฺมเณ สตฺต…เป.… โนวิคเต สตฺตฯ

อนุโลมปจฺจนียํฯ

4. ปจฺจยปจฺจนียานุโลมํ

[58] นเหตุปจฺจยา อารมฺมเณ อนนฺตเร สมนนฺตเร จุทฺทส, สหชาเต เตตฺติํส, อญฺญมญฺเญ พาวีส, นิสฺสเย เตตฺติํส, อุปนิสฺสเย ปุเรชาเต จุทฺทส, อาเสวเน เตรส, กมฺเม วิปาเก อาหาเร อินฺทฺริเย ฌาเน เตตฺติํส, มคฺเค ปญฺจ, สมฺปยุตฺเต จุทฺทส, วิปฺปยุตฺเต อตฺถิยา เตตฺติํส…เป.… อวิคเต เตตฺติํสฯ

ปจฺจนียานุโลมํฯ

ปจฺจยวาโรฯ

4. นิสฺสยวาโร

(นิสฺสยมฺปิ นินฺนานํ)

5. สํสฏฺฐวาโร

1. ปจฺจยานุโลมํ

เหตุปจฺจโย

[59] สวิตกฺกสวิจารํ ธมฺมํ สํสฏฺโฐ สวิตกฺกสวิจาโร ธมฺโม อุปฺปชฺชติ เหตุปจฺจยา – สวิตกฺกสวิจารํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ (1)

สวิตกฺกสวิจารํ ธมฺมํ สํสฏฺโฐ อวิตกฺกวิจารมตฺโต ธมฺโม…เป.… สวิตกฺกสวิจาเร ขนฺเธ สํสฏฺโฐ วิตกฺโกฯ ปฏิสนฺธิกฺขเณ…เป.…ฯ (2)

สวิตกฺกสวิจารํ ธมฺมํ สํสฏฺโฐ สวิตกฺกสวิจาโร จ อวิตกฺกวิจารมตฺโต จ ธมฺมา…เป.… สวิตกฺกสวิจารํ เอกํ ขนฺธํ สํสฏฺฐา ตโย ขนฺธา วิตกฺโก จ…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ (3)

[60] อวิตกฺกวิจารมตฺตํ ธมฺมํ สํสฏฺโฐ อวิตกฺกวิจารมตฺโต ธมฺโม อุปฺปชฺชติ เหตุปจฺจยา – อวิตกฺกวิจารมตฺตํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ (1)

อวิตกฺกวิจารมตฺตํ ธมฺมํ สํสฏฺโฐ สวิตกฺกสวิจาโร ธมฺโม…เป.… วิตกฺกํ สํสฏฺฐา สวิตกฺกสวิจารา ขนฺธาฯ ปฏิสนฺธิกฺขเณ…เป.…ฯ (2)

อวิตกฺกวิจารมตฺตํ ธมฺมํ สํสฏฺโฐ อวิตกฺกอวิจาโร ธมฺโม…เป.… อวิตกฺกวิจารมตฺเต ขนฺเธ สํสฏฺโฐ วิจาโรฯ ปฏิสนฺธิกฺขเณ อวิตกฺกวิจารมตฺเต ขนฺเธ สํสฏฺโฐ วิจาโรฯ (3)

อวิตกฺกวิจารมตฺตํ ธมฺมํ สํสฏฺโฐ อวิตกฺกวิจารมตฺโต จ อวิตกฺกอวิจาโร จ ธมฺมา …เป.… อวิตกฺกวิจารมตฺตํ เอกํ ขนฺธํ สํสฏฺฐา ตโย ขนฺธา วิจาโร จ…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ (4)

[61] อวิตกฺกอวิจารํ ธมฺมํ สํสฏฺโฐ อวิตกฺกอวิจาโร ธมฺโม อุปฺปชฺชติ เหตุปจฺจยา – อวิตกฺกอวิจารํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ สํสฏฺฐา…เป.… ปฏิสนฺธิกฺขเณ…เป.…ฯ (1)