มหคฺคตํ ธมฺมํ สํสฏฺโฐ มหคฺคโต ธมฺโม อุปฺปชฺชติ นอธิปติปจฺจยา – มหคฺคเต ขนฺเธ สํสฏฺฐา มหคฺคตา อธิปติ, วิปากํ มหคฺคตํ เอกํ ขนฺธํ สํสฏฺฐา…เป.… ปฏิสนฺธิกฺขเณ…เป.…ฯ (1)

อปฺปมาณํ ธมฺมํ สํสฏฺโฐ อปฺปมาโณ ธมฺโม อุปฺปชฺชติ นอธิปติปจฺจยา – อปฺปมาเณ ขนฺเธ สํสฏฺฐา อปฺปมาณา อธิปติฯ (1)

นปุเรชาตปจฺจโย

[47] ปริตฺตํ ธมฺมํ สํสฏฺโฐ ปริตฺโต ธมฺโม อุปฺปชฺชติ นปุเรชาตปจฺจยา – อรูเป ปริตฺตํ เอกํ ขนฺธํ สํสฏฺฐา ตโย ขนฺธา…เป.… ปฏิสนฺธิกฺขเณ…เป.…ฯ (1)

มหคฺคตํ ธมฺมํ สํสฏฺโฐ มหคฺคโต ธมฺโม อุปฺปชฺชติ นปุเรชาตปจฺจยา – อรูเป มหคฺคตํ เอกํ ขนฺธํ สํสฏฺฐา ตโย ขนฺธา…เป.… ปฏิสนฺธิกฺขเณ…เป.…ฯ (1)

อปฺปมาณํ ธมฺมํ สํสฏฺโฐ อปฺปมาโณ ธมฺโม อุปฺปชฺชติ นปุเรชาตปจฺจยา – อรูเป อปฺปมาณํ เอกํ ขนฺธํ สํสฏฺฐา ตโย ขนฺธา…เป.…ฯ (1)

นปจฺฉาชาต-นอาเสวนปจฺจยา

[48] ปริตฺตํ ธมฺมํ สํสฏฺโฐ ปริตฺโต ธมฺโม อุปฺปชฺชติ นปจฺฉาชาตปจฺจยา… นอาเสวนปจฺจยา – ปริตฺตํ เอกํ ขนฺธํ สํสฏฺฐา ตโย ขนฺธา…เป.… ปฏิสนฺธิกฺขเณ…เป.…ฯ (1)

มหคฺคตํ ธมฺมํ สํสฏฺโฐ มหคฺคโต ธมฺโม อุปฺปชฺชติ นอาเสวนปจฺจยา – วิปากํ มหคฺคตํ เอกํ ขนฺธํ สํสฏฺฐา ตโย ขนฺธา…เป.… ปฏิสนฺธิกฺขเณ…เป.… ฯ (1)

อปฺปมาณํ ธมฺมํ สํสฏฺโฐ อปฺปมาโณ ธมฺโม อุปฺปชฺชติ นอาเสวนปจฺจยา – วิปากํ อปฺปมาณํ เอกํ ขนฺธํ สํสฏฺฐา ตโย ขนฺธา…เป.…ฯ (1)

นกมฺมปจฺจโย

[49] ปริตฺตํ ธมฺมํ สํสฏฺโฐ ปริตฺโต ธมฺโม อุปฺปชฺชติ นกมฺมปจฺจยา – ปริตฺเต ขนฺเธ สํสฏฺฐา ปริตฺตา เจตนาฯ (1)

มหคฺคตํ ธมฺมํ สํสฏฺโฐ มหคฺคโต ธมฺโม อุปฺปชฺชติ นกมฺมปจฺจยา – มหคฺคเต ขนฺเธ สํสฏฺฐา มหคฺคตา เจตนาฯ (1)

อปฺปมาณํ ธมฺมํ สํสฏฺโฐ อปฺปมาโณ ธมฺโม อุปฺปชฺชติ นกมฺมปจฺจยา – กุสเล อปฺปมาเณ ขนฺเธ สํสฏฺฐา อปฺปมาณา เจตนาฯ (1)

นวิปากปจฺจโย

[50] ปริตฺตํ ธมฺมํ สํสฏฺโฐ ปริตฺโต ธมฺโม อุปฺปชฺชติ นวิปากปจฺจยา – ปริตฺตํ เอกํ ขนฺธํ สํสฏฺฐา ตโย ขนฺธา…เป.…ฯ (1)

มหคฺคตํ ธมฺมํ สํสฏฺโฐ มหคฺคโต ธมฺโม อุปฺปชฺชติ นวิปากปจฺจยา – มหคฺคตํ เอกํ ขนฺธํ สํสฏฺฐา ตโย ขนฺธา…เป.…ฯ (1)

อปฺปมาณํ ธมฺมํ สํสฏฺโฐ อปฺปมาโณ ธมฺโม อุปฺปชฺชติ นวิปากปจฺจยา – กุสลํ อปฺปมาณํ เอกํ ขนฺธํ สํสฏฺฐา ตโย ขนฺธา…เป.…ฯ (1)

นฌานปจฺจยาทิ

[51] ปริตฺตํ ธมฺมํ สํสฏฺโฐ ปริตฺโต ธมฺโม อุปฺปชฺชติ นฌานปจฺจยา… นมคฺคปจฺจยา… นวิปฺปยุตฺตปจฺจยา – อรูเป ปริตฺตํ เอกํ ขนฺธํ สํสฏฺฐา ตโย ขนฺธา…เป.…ฯ (1)

มหคฺคตํ ธมฺมํ สํสฏฺโฐ มหคฺคโต ธมฺโม อุปฺปชฺชติ นวิปฺปยุตฺตปจฺจยา – อรูเป มหคฺคตํ เอกํ ขนฺธํ สํสฏฺฐา ตโย ขนฺธา…เป.…ฯ (1)

อปฺปมาณํ ธมฺมํ สํสฏฺโฐ อปฺปมาโณ ธมฺโม อุปฺปชฺชติ นวิปฺปยุตฺตปจฺจยา – อรูเป อปฺปมาณํ เอกํ ขนฺธํ สํสฏฺฐา ตโย ขนฺธา…เป.…ฯ (1)

2. ปจฺจยปจฺจนียํ

2. สงฺขฺยาวาโร

[52] นเหตุยา เอกํ, นอธิปติยา ตีณิ, นปุเรชาเต ตีณิ, นปจฺฉาชาเต ตีณิ, นอาเสวเน ตีณิ, นกมฺเม ตีณิ, นวิปาเก ตีณิ, นฌาเน เอกํ, นมคฺเค เอกํ, นวิปฺปยุตฺเต ตีณิ (เอวํ คเณตพฺพํ)ฯ

ปจฺจนียํฯ

3. ปจฺจยานุโลมปจฺจนียํ

[53] เหตุปจฺจยา นอธิปติยา ตีณิ, นปุเรชาเต นปจฺฉาชาเต นอาเสวเน นกมฺเม นวิปาเก นวิปฺปยุตฺเต ตีณิ (เอวํ คณตพฺพํ)ฯ

อนุโลมปจฺจนียํฯ