สุทฺธํ

[44] นเหตุยา เตตฺติํส, นอารมฺมเณ สตฺต, นอธิปติยา สตฺตติํส , นอนนฺตเร สตฺต, นสมนนฺตเร สตฺต, นอญฺญมญฺเญ สตฺต, นอุปนิสฺสเย สตฺต, นปุเรชาเต สตฺตติํส, นปจฺฉาชาเต สตฺตติํส, นอาเสวเน สตฺตติํส, นกมฺเม สตฺต, นวิปาเก เตวีส, นอาหาเร เอกํ นอินฺทฺริเย เอกํ, นฌาเน เอกํ, นมคฺเค เตตฺติํส, นสมฺปยุตฺเต สตฺต, นวิปฺปยุตฺเต เอกาทส, โนนตฺถิยา สตฺต, โนวิคเต สตฺต (สํขิตฺตํ)ฯ

(ยถา กุสลตฺติเก ปจฺจนียคณนา, เอวํ คเณตพฺพํฯ)

ปจฺจนียํฯ

3. ปจฺจยานุโลมปจฺจนียํ

[45] เหตุปจฺจยา นอารมฺมเณ สตฺต…เป.… โนวิคเต สตฺตฯ

(ยถา กุสลตฺติเก อนุโลมปจฺจนียคณนา, เอวํ คเณตพฺพํฯ)

4. ปจฺจยปจฺจนียานุโลมํ

นเหตุทุกํ

[46] นเหตุปจฺจยา อารมฺมเณ จุทฺทส, อนนฺตเร สมนนฺตเร จุทฺทส, สหชาเต เตตฺติํส, อญฺญมญฺเญ พาวีส, นิสฺสเย เตตฺติํส, อุปนิสฺสเย จุทฺทส, ปุเรชาเต ฉ, อาเสวเน ปญฺจ, กมฺเม เตตฺติํส…เป.… ฌาเน เตตฺติํส, มคฺเค ตีณิ, สมฺปยุตฺเต จุทฺทส, วิปฺปยุตฺเต เตตฺติํส…เป.… อวิคเต เตตฺติํส (สํขิตฺตํ)ฯ

(ยถา กุสลตฺติเก ปจฺจนียานุโลมคณนา, เอวํ คเณตพฺพํฯ)

ปฏิจฺจวาโรฯ

2. สหชาตวาโร

(สหชาตวาโรปิ ปฏิจฺจวารสทิโส กาตพฺโพฯ)

3. ปจฺจยวาโร

1. ปจฺจยานุโลมํ

เหตุปจฺจโย

[47] สวิตกฺกสวิจารํ ธมฺมํ ปจฺจยา สวิตกฺกสวิจาโร ธมฺโม อุปฺปชฺชติ เหตุปจฺจยา – สวิตกฺกสวิจารํ เอกํ ขนฺธํ ปจฺจยา ตโย ขนฺธา…เป.… ทฺเว ขนฺธา… สตฺตฯ

อวิตกฺกวิจารมตฺตํ ธมฺมํ ปจฺจยา… ปญฺจ (ปฏิจฺจวารสทิสา)ฯ

อวิตกฺกอวิจารํ ธมฺมํ ปจฺจยา อวิตกฺกอวิจาโร ธมฺโม อุปฺปชฺชติ เหตุปจฺจยา – อวิตกฺกอวิจารํ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ ปจฺจยา…เป.… วิจารํ ปจฺจยา จิตฺตสมุฏฺฐานํ รูปํฯ ปฏิสนฺธิกฺขเณ…เป.… วตฺถุํ ปจฺจยา อวิตกฺกอวิจารา ขนฺธา, วตฺถุํ ปจฺจยา วิจาโรฯ (1)

อวิตกฺกอวิจารํ ธมฺมํ ปจฺจยา สวิตกฺกสวิจาโร ธมฺโม อุปฺปชฺชติ…เป.… วตฺถุํ ปจฺจยา สวิตกฺกสวิจารา ขนฺธาฯ ปฏิสนฺธิกฺขเณ…เป.…ฯ (2)

อวิตกฺกอวิจารํ ธมฺมํ ปจฺจยา อวิตกฺกวิจารมตฺโต ธมฺโม…เป.… วิจารํ ปจฺจยา อวิตกฺกวิจารมตฺตา ขนฺธา, วตฺถุํ ปจฺจยา อวิตกฺกวิจารมตฺตา ขนฺธา, วตฺถุํ ปจฺจยา วิตกฺโกฯ ปฏิสนฺธิกฺขเณ…เป.…ฯ (3)

อวิตกฺกอวิจารํ ธมฺมํ ปจฺจยา สวิตกฺกสวิจาโร จ อวิตกฺกอวิจาโร จ ธมฺมา อุปฺปชฺชนฺติ…เป.… วตฺถุํ ปจฺจยา สวิตกฺกสวิจารา ขนฺธา, มหาภูเต ปจฺจยา จิตฺตสมุฏฺฐานํ รูปํฯ ปฏิสนฺธิกฺขเณ…เป.…ฯ (4)

อวิตกฺกอวิจารํ ธมฺมํ ปจฺจยา อวิตกฺกวิจารมตฺโต จ อวิตกฺกอวิจาโร จ ธมฺมา…เป.… วิจารํ ปจฺจยา อวิตกฺกวิจารมตฺตา ขนฺธา จิตฺตสมุฏฺฐานญฺจ รูปํ, วตฺถุํ ปจฺจยา อวิตกฺกวิจารมตฺตา ขนฺธา, มหาภูเต ปจฺจยา จิตฺตสมุฏฺฐานํ รูปํ, วตฺถุํ ปจฺจยา วิตกฺโก, มหาภูเต ปจฺจยา จิตฺตสมุฏฺฐานํ รูปํ, วตฺถุํ ปจฺจยา อวิตกฺกวิจารมตฺตา ขนฺธา จ วิจาโร จฯ ปฏิสนฺธิกฺขเณ…เป.…ฯ (5)

อวิตกฺกอวิจารํ ธมฺมํ ปจฺจยา สวิตกฺกสวิจาโร จ อวิตกฺกวิจารมตฺโต จ ธมฺมา…เป.… วตฺถุํ ปจฺจยา สวิตกฺกสวิจารา ขนฺธา จ วิตกฺโก จฯ ปฏิสนฺธิกฺขเณ…เป.…ฯ (6)

อวิตกฺกอวิจารํ ธมฺมํ ปจฺจยา สวิตกฺกสวิจาโร จ อวิตกฺกวิจารมตฺโต จ อวิตกฺกอวิจาโร จ ธมฺมา…เป.… วตฺถุํ ปจฺจยา สวิตกฺกสวิจารา ขนฺธา จ วิตกฺโก จ, มหาภูเต ปจฺจยา จิตฺตสมุฏฺฐานํ รูปํฯ ปฏิสนฺธิกฺขเณ…เป.…ฯ (7)

[48] สวิตกฺกสวิจารญฺจ อวิตกฺกอวิจารญฺจ ธมฺมํ ปจฺจยา สวิตกฺกสวิจาโร ธมฺโม…เป.… สวิตกฺกสวิจารํ เอกํ ขนฺธญฺจ วตฺถุญฺจ ปจฺจยา ตโย ขนฺธา …เป.… ทฺเว ขนฺเธ…เป.… ปฏิสนฺธิกฺขเณ…เป.… สวิตกฺกสวิจารญฺจ อวิตกฺกอวิจารญฺจ ธมฺมํ ปจฺจยา อวิตกฺกวิจารมตฺโต ธมฺโม…เป.… (ปฐมอุทาหรเณ ปวตฺเต ปฏิสนฺธิกฺขเณ สตฺต ปญฺหา กาตพฺพา)ฯ

อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปจฺจยา สวิตกฺกสวิจาโร ธมฺโม …เป.… วิตกฺกญฺจ วตฺถุญฺจ ปจฺจยา สวิตกฺกสวิจารา ขนฺธาฯ ปฏิสนฺธิกฺขเณ…เป.…ฯ (1)

อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปจฺจยา อวิตกฺกวิจารมตฺโต ธมฺโม…เป.… อวิตกฺกวิจารมตฺตํ เอกํ ขนฺธญฺจ วิจารญฺจ ปจฺจยา ตโย ขนฺธา…เป.… อวิตกฺกวิจารมตฺตํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ปฏิสนฺธิกฺขเณ อวิตกฺกวิจารมตฺตํ เอกํ ขนฺธญฺจ วิจารญฺจ ปจฺจยา ตโย ขนฺธา…เป.… ปฏิสนฺธิกฺขเณ อวิตกฺกวิจารมตฺตํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.…ฯ (2)

อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปจฺจยา อวิตกฺกอวิจาโร ธมฺโม อุปฺปชฺชติ…เป.… อวิตกฺกวิจารมตฺเต ขนฺเธ จ วิจารญฺจ ปจฺจยา จิตฺตสมุฏฺฐานํ รูปํ, อวิตกฺกวิจารมตฺเต ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ, วิตกฺกญฺจ มหาภูเต จ ปจฺจยา จิตฺตสมุฏฺฐานํ รูปํ, อวิตกฺกวิจารมตฺเต ขนฺเธ จ วตฺถุญฺจ ปจฺจยา วิจาโร (เอวํ ปฏิสนฺธิกฺขเณ จตฺตาโร)ฯ (3)

อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปจฺจยา สวิตกฺกสวิจาโร จ อวิตกฺกอวิจาโร จ ธมฺมา อุปฺปชฺชนฺติ…เป.… วิตกฺกญฺจ วตฺถุญฺจ ปจฺจยา สวิตกฺกสวิจารา ขนฺธา, วิตกฺกญฺจ มหาภูเต จ ปจฺจยา จิตฺตสมุฏฺฐานํ รูปํฯ ปฏิสนฺธิกฺขเณ…เป.…ฯ (4)

อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปจฺจยา อวิตกฺกวิจารมตฺโต จ อวิตกฺกอวิจาโร จ ธมฺมา อุปฺปชฺชนฺติ…เป.… อวิตกฺกวิจารมตฺตํ เอกํ ขนฺธญฺจ วิจารญฺจ ปจฺจยา ตโย ขนฺธา จิตฺตสมุฏฺฐานญฺจ รูปํ…เป.… อวิตกฺกวิจารมตฺตํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… อวิตกฺกวิจารมตฺเต ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ, อวิตกฺกวิจารมตฺตํ เอกํ ขนฺธญฺจ วตฺถุญฺจ ปจฺจยา ตโย ขนฺธา วิจาโร จ…เป.… ปฏิสนฺธิกฺขเณ ตโย ขนฺธา…เป.…ฯ (5)

(อวเสเสสุ ทฺวีสุ ฆฏเนสุ ปวตฺติ ปฏิสนฺธิ วิตฺถาเรตพฺพาฯ)

เหตุปจฺจโยฯ

(เหตุปจฺจยํ อนุมชฺชนฺเตน ปจฺจยวาโร วิตฺถาเรตพฺโพฯ ยถา ปฏิจฺจคณนา เอวํ คเณตพฺพาฯ อธิปติยา สตฺตติํส, ปุเรชาเต จ อาเสวเน จ เอกวีส, อยํ เอตฺถ วิเสโสฯ)

2. ปจฺจยปจฺจนียํ

[49] ปจฺจนีเย – นเหตุยา เตตฺติํส ปญฺหา, สตฺตสุ ฐาเนสุ สตฺต โมหา อุทฺธริตพฺพา มูลปเทสุเยวฯ นอารมฺมเณ สตฺต จิตฺตสมุฏฺฐานา อุทฺธริตพฺพาฯ

นอธิปติปจฺจโย

[50] สวิตกฺกสวิจารมูลกา สตฺต ปญฺหา นอธิปติยา กาตพฺพาฯ

อวิตกฺกวิจารมตฺตํ ธมฺมํ ปจฺจยา อวิตกฺกวิจารมตฺโต ธมฺโม อุปฺปชฺชติ นอธิปติปจฺจยา – อวิตกฺกวิจารมตฺเต ขนฺเธ ปจฺจยา อวิตกฺกวิจารมตฺตา อธิปติ, วิปากํ อวิตกฺกวิจารมตฺตํ เอกํ ขนฺธํ ปจฺจยา ตโย ขนฺธา…เป.… ปฏิสนฺธิกฺขเณ…เป.…ฯ (1)

อวิตกฺกวิจารมตฺตํ ธมฺมํ ปจฺจยา (ยถา ปฏิจฺจนเย ตถา ปญฺจ ปญฺหา กาตพฺพา)ฯ

[51] อวิตกฺกอวิจารํ ธมฺมํ ปจฺจยา อวิตกฺกอวิจาโร ธมฺโม อุปฺปชฺชติ…เป.… อวิตกฺกอวิจาเร ขนฺเธ ปจฺจยา อวิตกฺกอวิจารา อธิปติ, วิปากํ อวิตกฺกอวิจารํ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ…เป.… วิปากํ วิจารํ ปจฺจยา จิตฺตสมุฏฺฐานํ รูปํฯ ปฏิสนฺธิกฺขเณ…เป.… วตฺถุํ ปจฺจยา อวิตกฺกอวิจารา อธิปติ, วตฺถุํ ปจฺจยา วิปากา อวิตกฺกอวิจารา ขนฺธา จ วิจาโร จ…เป.…ฯ (1)

อวิตกฺกอวิจารํ ธมฺมํ ปจฺจยา สวิตกฺกสวิจาโร ธมฺโม…เป.… วตฺถุํ ปจฺจยา สวิตกฺกสวิจารา ขนฺธาฯ ปฏิสนฺธิกฺขเณ…เป.…ฯ (2)

อวิตกฺกอวิจารํ ธมฺมํ ปจฺจยา อวิตกฺกวิจารมตฺโต ธมฺโม…เป.… วิจารํ ปจฺจยา อวิตกฺกวิจารมตฺตา อธิปติ, วตฺถุํ ปจฺจยา อวิตกฺกวิจารมตฺตา อธิปติ, วิปากํ วิจารํ ปจฺจยา อวิตกฺกวิจารมตฺตา ขนฺธา, วตฺถุํ ปจฺจยา วิปากา อวิตกฺกวิจารมตฺตา ขนฺธาฯ ปฏิสนฺธิกฺขเณ…เป.…ฯ (3)