เนวเสกฺขนาเสกฺขํ ธมฺมํ ปจฺจยา เสกฺโข จ เนวเสกฺขนาเสกฺโข จ ธมฺมา อุปฺปชฺชนฺติ เหตุปจฺจยา – วตฺถุํ ปจฺจยา เสกฺขา ขนฺธา, มหาภูเต ปจฺจยา จิตฺตสมุฏฺฐานํ รูปํฯ (4)

เนวเสกฺขนาเสกฺขํ ธมฺมํ ปจฺจยา อเสกฺโข จ เนวเสกฺขนาเสกฺโข จ ธมฺมา อุปฺปชฺชนฺติ เหตุปจฺจยา – วตฺถุํ ปจฺจยา อเสกฺขา ขนฺธา, มหาภูเต ปจฺจยา จิตฺตสมุฏฺฐานํ รูปํฯ (5)

[20] เสกฺขญฺจ เนวเสกฺขนาเสกฺขญฺจ ธมฺมํ ปจฺจยา เสกฺโข ธมฺโม อุปฺปชฺชติ เหตุปจฺจยา – เสกฺขํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺธาฯ (1)

เสกฺขญฺจ เนวเสกฺขนาเสกฺขญฺจ ธมฺมํ ปจฺจยา เนวเสกฺขนาเสกฺโข ธมฺโม อุปฺปชฺชติ เหตุปจฺจยา – เสกฺเข ขนฺเธ จ มหาภูเต จ ปจฺจยา จิตฺตสมุฏฺฐานํ รูปํฯ (2)

เสกฺขญฺจ เนวเสกฺขนาเสกฺขญฺจ ธมฺมํ ปจฺจยา เสกฺโข จ เนวเสกฺขนาเสกฺโข จ ธมฺมา อุปฺปชฺชนฺติ เหตุปจฺจยา – เสกฺขํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺธาฯ เสกฺเข ขนฺเธ จ มหาภูเต จ ปจฺจยา จิตฺตสมุฏฺฐานํ รูปํฯ (3)

อเสกฺขญฺจ เนวเสกฺขนาเสกฺขญฺจ ธมฺมํ ปจฺจยา… ตีณิ (เสกฺขสทิสา)ฯ

อารมฺมณปจฺจโย

[21] เสกฺขํ ธมฺมํ ปจฺจยา เสกฺโข ธมฺโม อุปฺปชฺชติ อารมฺมณปจฺจยา… เอกํฯ

อเสกฺขํ ธมฺมํ ปจฺจยา อเสกฺโข ธมฺโม… เอกํฯ

เนวเสกฺขนาเสกฺขํ ธมฺมํ ปจฺจยา เนวเสกฺขนาเสกฺโข ธมฺโม อุปฺปชฺชติ อารมฺมณปจฺจยา… เอกํ, วตฺถุํ ปจฺจยา เนวเสกฺขนาเสกฺขา ขนฺธา, จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํ, วตฺถุํ ปจฺจยา เนวเสกฺขนาเสกฺขา ขนฺธาฯ (1)

เนวเสกฺขนาเสกฺขํ ธมฺมํ ปจฺจยา เสกฺโข ธมฺโม อุปฺปชฺชติ อารมฺมณปจฺจยา – วตฺถุํ ปจฺจยา เสกฺขา ขนฺธาฯ (2)

เนวเสกฺขนาเสกฺขํ ธมฺมํ ปจฺจยา อเสกฺโข ธมฺโม อุปฺปชฺชติ อารมฺมณปจฺจยา – วตฺถุํ ปจฺจยา อเสกฺขา ขนฺธาฯ (3)

เสกฺขญฺจ เนวเสกฺขนาเสกฺขญฺจ ธมฺมํ ปจฺจยา เสกฺโข ธมฺโม อุปฺปชฺชติ อารมฺมณปจฺจยา – เสกฺขํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺธาฯ (1)

อเสกฺขญฺจ เนวเสกฺขนาเสกฺขญฺจ ธมฺมํ ปจฺจยา อเสกฺโข ธมฺโม อุปฺปชฺชติ อารมฺมณปจฺจยา – อเสกฺขํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺธาฯ (1)

อธิปติปจฺจยาทิ

[22] เสกฺขํ ธมฺมํ ปจฺจยา เสกฺโข ธมฺโม อุปฺปชฺชติ อธิปติปจฺจยา… อนนฺตรปจฺจยา… สมนนฺตรปจฺจยา… สหชาตปจฺจยา… อญฺญมญฺญปจฺจย… นิสฺสยปจฺจยา … อุปนิสฺสยปจฺจยา… ปุเรชาตปจฺจยา… อาเสวนปจฺจยา – เสกฺขํ เอกํ ขนฺธํ ปจฺจยา ตโย ขนฺธา…เป.…

เนวเสกฺขนาเสกฺขํ ธมฺมํ ปจฺจยา เนวเสกฺขนาเสกฺโข ธมฺโม อุปฺปชฺชติ อาเสวนปจฺจยา – เนวเสกฺขนาเสกฺขํ เอกํ ขนฺธํ ปจฺจยา…เป.… วตฺถุํ ปจฺจยา เนวเสกฺขนาเสกฺขา ขนฺธาฯ (1)

เนวเสกฺขนาเสกฺขํ ธมฺมํ ปจฺจยา เสกฺโข ธมฺโม อุปฺปชฺชติ อาเสวนปจฺจยา – วตฺถุํ ปจฺจยา เสกฺขา ขนฺธาฯ (2)

เสกฺขญฺจ เนวเสกฺขนาเสกฺขญฺจ ธมฺมํ ปจฺจยา เสกฺโข ธมฺโม อุปฺปชฺชติ อาเสวนปจฺจยา – เสกฺขํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺธาฯ (1)

กมฺมปจฺจยาทิ

[23] เสกฺขํ ธมฺมํ ปจฺจยา เสกฺโข ธมฺโม อุปฺปชฺชติ กมฺมปจฺจยา… วิปากปจฺจยา – วิปากํ เสกฺขํ เอกํ ขนฺธํ…เป.… อาหารปจฺจยา… อินฺทฺริยปจฺจยา… ฌานปจฺจยา… มคฺคปจฺจยา… สมฺปยุตฺตปจฺจยา… วิปฺปยุตฺตปจฺจยา… อตฺถิปจฺจยา… นตฺถิปจฺจยา… วิคตปจฺจยา… อวิคตปจฺจยาฯ

1. ปจฺจยานุโลมํ

2. สงฺขฺยาวาโร