เมนู

อวิตกฺกวิจารมตฺตํ ธมฺมํ ปฏิจฺจ อวิตกฺกอวิจาโร ธมฺโม อุปฺปชฺชติ นวิปฺปยุตฺตปจฺจยา – อรูเป อวิตกฺกวิจารมตฺเต ขนฺเธ ปฏิจฺจ วิจาโรฯ (3)

อวิตกฺกวิจารมตฺตํ ธมฺมํ ปฏิจฺจ อวิตกฺกวิจารมตฺโต จ อวิตกฺกอวิจาโร จ ธมฺมา อุปฺปชฺชนฺติ นวิปฺปยุตฺตปจฺจยา – อรูเป อวิตกฺกวิจารมตฺตํ เอกํ ขนฺธํ ปฏิจฺจ ตโย ขนฺธา วิจาโร จ…เป.… ทฺเว ขนฺเธ ปฏิจฺจ ทฺเว ขนฺธา วิจาโร จฯ (4)

อวิตกฺกอวิจารํ ธมฺมํ ปฏิจฺจ อวิตกฺกอวิจาโร ธมฺโม อุปฺปชฺชติ นวิปฺปยุตฺตปจฺจยา – อรูเป อวิตกฺกอวิจารํ เอกํ ขนฺธํ ปฏิจฺจ ตโย ขนฺธา…เป.… ทฺเว ขนฺเธ ปฏิจฺจ ทฺเว ขนฺธา; พาหิรํ… อาหารสมุฏฺฐานํ… อุตุสมุฏฺฐานํ… อสญฺญสตฺตานํ เอกํ มหาภูตํ ปฏิจฺจ…เป.…ฯ (1)

อวิตกฺกอวิจารํ ธมฺมํ ปฏิจฺจ อวิตกฺกวิจารมตฺโต ธมฺโม อุปฺปชฺชติ นวิปฺปยุตฺตปจฺจยา – อรูเป วิจารํ ปฏิจฺจ อวิตกฺกวิจารมตฺตา ขนฺธาฯ (2)

อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปฏิจฺจ อวิตกฺกวิจารมตฺโต ธมฺโม อุปฺปชฺชติ นวิปฺปยุตฺตปจฺจยา – อรูเป อวิตกฺกวิจารมตฺตํ เอกํ ขนฺธญฺจ วิจารญฺจ ปฏิจฺจ ตโย ขนฺธา…เป.… ทฺเว ขนฺเธ จ วิจารญฺจ ปฏิจฺจ ทฺเว ขนฺธาฯ (1)

สวิตกฺกสวิจารญฺจ อวิตกฺกวิจารมตฺตญฺจ ธมฺมํ ปฏิจฺจ สวิตกฺกสวิจาโร ธมฺโม อุปฺปชฺชติ นวิปฺปยุตฺตปจฺจยา – อรูเป สวิตกฺกสวิจารํ เอกํ ขนฺธญฺจ วิตกฺกญฺจ ปฏิจฺจ ตโย ขนฺธา…เป.… ทฺเว ขนฺเธ จ วิตกฺกญฺจ ปฏิจฺจ ทฺเว ขนฺธาฯ (1)

โนนตฺถิ-โนวิคตปจฺจยา

[43] สวิตกฺกสวิจารํ ธมฺมํ ปฏิจฺจ อวิตกฺกอวิจาโร ธมฺโม อุปฺปชฺชติ โนนตฺถิปจฺจยา… โนวิคตปจฺจยา… (สํขิตฺตํ)ฯ

2. ปจฺจยปจฺจนียํ

2. สงฺขฺยาวาโร

สุทฺธํ

[44] นเหตุยา เตตฺติํส, นอารมฺมเณ สตฺต, นอธิปติยา สตฺตติํส , นอนนฺตเร สตฺต, นสมนนฺตเร สตฺต, นอญฺญมญฺเญ สตฺต, นอุปนิสฺสเย สตฺต, นปุเรชาเต สตฺตติํส, นปจฺฉาชาเต สตฺตติํส, นอาเสวเน สตฺตติํส, นกมฺเม สตฺต, นวิปาเก เตวีส, นอาหาเร เอกํ นอินฺทฺริเย เอกํ, นฌาเน เอกํ, นมคฺเค เตตฺติํส, นสมฺปยุตฺเต สตฺต, นวิปฺปยุตฺเต เอกาทส, โนนตฺถิยา สตฺต, โนวิคเต สตฺต (สํขิตฺตํ)ฯ

(ยถา กุสลตฺติเก ปจฺจนียคณนา, เอวํ คเณตพฺพํฯ)

ปจฺจนียํฯ

3. ปจฺจยานุโลมปจฺจนียํ

[45] เหตุปจฺจยา นอารมฺมเณ สตฺต…เป.… โนวิคเต สตฺตฯ

(ยถา กุสลตฺติเก อนุโลมปจฺจนียคณนา, เอวํ คเณตพฺพํฯ)

4. ปจฺจยปจฺจนียานุโลมํ

นเหตุทุกํ

[46] นเหตุปจฺจยา อารมฺมเณ จุทฺทส, อนนฺตเร สมนนฺตเร จุทฺทส, สหชาเต เตตฺติํส, อญฺญมญฺเญ พาวีส, นิสฺสเย เตตฺติํส, อุปนิสฺสเย จุทฺทส, ปุเรชาเต ฉ, อาเสวเน ปญฺจ, กมฺเม เตตฺติํส…เป.… ฌาเน เตตฺติํส, มคฺเค ตีณิ, สมฺปยุตฺเต จุทฺทส, วิปฺปยุตฺเต เตตฺติํส…เป.… อวิคเต เตตฺติํส (สํขิตฺตํ)ฯ

(ยถา กุสลตฺติเก ปจฺจนียานุโลมคณนา, เอวํ คเณตพฺพํฯ)

ปฏิจฺจวาโรฯ

2. สหชาตวาโร

(สหชาตวาโรปิ ปฏิจฺจวารสทิโส กาตพฺโพฯ)

3. ปจฺจยวาโร

1. ปจฺจยานุโลมํ

เหตุปจฺจโย

[47] สวิตกฺกสวิจารํ ธมฺมํ ปจฺจยา สวิตกฺกสวิจาโร ธมฺโม อุปฺปชฺชติ เหตุปจฺจยา – สวิตกฺกสวิจารํ เอกํ ขนฺธํ ปจฺจยา ตโย ขนฺธา…เป.… ทฺเว ขนฺธา… สตฺตฯ