เหตุปจฺจโย

[1] เสกฺขํ ธมฺมํ ปฏิจฺจ เสกฺโข ธมฺโม อุปฺปชฺชติ เหตุปจฺจยา – เสกฺขํ เอกํ ขนฺธํ ปฏิจฺจ ตโย ขนฺธา…เป.… ทฺเว ขนฺเธ…เป.…ฯ (1)

เสกฺขํ ธมฺมํ ปฏิจฺจ เนวเสกฺขนาเสกฺโข [เนวเสขานาเสโข (สี.), เนวเสกฺขานาเสกฺโข (สฺยา. ก.)] ธมฺโม อุปฺปชฺชติ เหตุปจฺจยา – เสกฺเข ขนฺเธ ปฏิจฺจ จิตฺตสมุฏฺฐานํ รูปํฯ (2)

เสกฺขํ ธมฺมํ ปฏิจฺจ เสกฺโข จ เนวเสกฺขนาเสกฺโข จ ธมฺมา อุปฺปชฺชนฺติ เหตุปจฺจยา – เสกฺขํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.…ฯ (3)

[2] อเสกฺขํ ธมฺมํ ปฏิจฺจ อเสกฺโข ธมฺโม อุปฺปชฺชติ เหตุปจฺจยา – อเสกฺขํ เอกํ ขนฺธํ ปฏิจฺจ ตโย ขนฺธา…เป.…ฯ (1)

อเสกฺขํ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ เหตุปจฺจยา – อเสกฺเข ขนฺเธ ปฏิจฺจ จิตฺตสมุฏฺฐานํ รูปํฯ (2)

อเสกฺขํ ธมฺมํ ปฏิจฺจ อเสกฺโข จ เนวเสกฺขนาเสกฺโข จ ธมฺมา…เป.… อเสกฺขํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.…ฯ (3)

[3] เนวเสกฺขนาเสกฺขํ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ เหตุปจฺจยา – เนวเสกฺขนาเสกฺขํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… ปฏิสนฺธิกฺขเณ …เป.… ขนฺเธ ปฏิจฺจ วตฺถุ, วตฺถุํ ปฏิจฺจ ขนฺธา, เอกํ มหาภูตํ ปฏิจฺจ ตโย มหาภูตา…เป.… ทฺเว มหาภูเต ปฏิจฺจ ทฺเว มหาภูตา, มหาภูเต ปฏิจฺจ จิตฺตสมุฏฺฐานํ รูปํ กฏตฺตารูปํ อุปาทารูปํฯ (1)

เสกฺขญฺจ เนวเสกฺขนาเสกฺขญฺจ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ เหตุปจฺจยา – เสกฺเข ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํฯ (1)

อเสกฺขญฺจ เนวเสกฺขนาเสกฺขญฺจ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ เหตุปจฺจยา – อเสกฺเข ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํฯ (1)

อารมฺมณปจฺจยาทิ

[4] เสกฺขํ ธมฺมํ ปฏิจฺจ เสกฺโข ธมฺโม อุปฺปชฺชติ อารมฺมณปจฺจยา… อธิปติปจฺจยา (ปฏิสนฺธิ นตฺถิ)… อนนฺตรปจฺจยา… สมนนฺตรปจฺจยา… สหชาตปจฺจยา (สพฺเพ มหาภูตา กาตพฺพา)… อญฺญมญฺญปจฺจยา… นิสฺสยปจฺจยา… อุปนิสฺสยปจฺจยา… ปุเรชาตปจฺจยา… อาเสวนปจฺจยา – เสกฺขํ เอกํ ขนฺธํ ปฏิจฺจ ตโย ขนฺธา…เป.… ทฺเว ขนฺเธ…เป.…ฯ

เนวเสกฺขนาเสกฺขํ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ อาเสวนปจฺจยา – เนวเสกฺขนาเสกฺขํ เอกํ ขนฺธํ ปฏิจฺจ ตโย ขนฺธา…เป.… ทฺเว ขนฺเธ …เป.… กมฺมปจฺจยา, วิปากปจฺจยา – วิปากํ เสกฺขํ เอกํ ขนฺธํ ปฏิจฺจ ตโย ขนฺธา…เป.… ทฺเว ขนฺเธ…เป.… (ตีณิ, ปริปุณฺณํ)ฯ

อเสกฺขํ ธมฺมํ ปฏิจฺจ อเสกฺโข ธมฺโม อุปฺปชฺชติ วิปากปจฺจยา – อเสกฺขํ เอกํ ขนฺธํ ปฏิจฺจ… ตีณิฯ

เนวเสกฺขนาเสกฺขํ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ วิปากปจฺจยา – วิปากํ เนวเสกฺขนาเสกฺขํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… ปฏิสนฺธิกฺขเณ…เป.… ขนฺเธ ปฏิจฺจ วตฺถุ, วตฺถุํ ปฏิจฺจ ขนฺธา, เอกํ มหาภูตํ…เป.…ฯ (1)

เสกฺขญฺจ เนวเสกฺขนาเสกฺขญฺจ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ วิปากปจฺจยา – วิปาเก เสกฺเข ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํฯ (1)

อเสกฺขญฺจ เนวเสกฺขนาเสกฺขญฺจ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ วิปากปจฺจยา – อเสกฺเข ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํฯ (1)