อาจยคามี ธมฺโม อปจยคามิสฺส ธมฺมสฺส อนนฺตรปจฺจเยน ปจฺจโย – โคตฺรภุ มคฺคสฺส… โวทานํ มคฺคสฺส อนนฺตรปจฺจเยน ปจฺจโยฯ (2)

อาจยคามี ธมฺโม เนวาจยคามินาปจยคามิสฺส ธมฺมสฺส อนนฺตรปจฺจเยน ปจฺจโย – อาจยคามี ขนฺธา วุฏฺฐานสฺส อนนฺตรปจฺจเยน ปจฺจโยฯ เสกฺขานํ อนุโลมํ ผลสมาปตฺติยา, นิโรธา วุฏฺฐหนฺตสฺส เนวสญฺญานาสญฺญายตนกุสลํ ผลสมาปตฺติยา อนนฺตรปจฺจเยน ปจฺจโยฯ (3)

อปจยคามี ธมฺโม เนวาจยคามินาปจยคามิสฺส ธมฺมสฺส อนนฺตรปจฺจเยน ปจฺจโย – มคฺโค ผลสฺส อนนฺตรปจฺจเยน ปจฺจโยฯ (1)

เนวาจยคามินาปจยคามี ธมฺโม เนวาจยคามินาปจยคามิสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา เนวาจยคามินาปจยคามี ขนฺธา ปจฺฉิมานํ ปจฺฉิมานํ เนวาจยคามินาปจยคามีนํ ขนฺธานํ อนนฺตรปจฺจเยน ปจฺจโยฯ ภวงฺคํ อาวชฺชนาย… กิริยํ วุฏฺฐานสฺส… อรหโต อนุโลมํ ผลสมาปตฺติยา… นิโรธา วุฏฺฐหนฺตสฺส เนวสญฺญานาสญฺญายตนกิริยํ ผลสมาปตฺติยา อนนฺตรปจฺจเยน ปจฺจโยฯ (1)

เนวาจยคามินาปจยคามี ธมฺโม อาจยคามิสฺส ธมฺมสฺส อนนฺตรปจฺจเยน ปจฺจโย – อาวชฺชนา อาจยคามีนํ ขนฺธานํ อนนฺตรปจฺจเยน ปจฺจโยฯ (2)

สมนนฺตรปจฺจยาทิ

[53] อาจยคามี ธมฺโม อาจยคามิสฺส ธมฺมสฺส สมนนฺตรปจฺจเยน ปจฺจโย…เป.… (อนนฺตรสทิสํ)ฯ (สหชาตปจฺจเย ปฏิจฺจวาเร สหชาตวารสทิสา นว ปญฺหาฯ อญฺญมญฺญปจฺจเย ปฏิจฺจวาเร อญฺญมญฺญสทิสํ ตีณิฯ นิสฺสยปจฺจเย ปจฺจยวาเร นิสฺสยวารสทิสํฯ จตฺตาริปิ หิ วิสุํ ฆฏนา นตฺถิฯ เตรส ปญฺหาฯ)

อุปนิสฺสยปจฺจโย

[54] อาจยคามี ธมฺโม อาจยคามิสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – อาจยคามิํ สทฺธํ อุปนิสฺสาย ทานํ เทติ, สีลํ…เป.… อุโปสถกมฺมํ…เป.… ฌานํ…เป.… วิปสฺสนํ…เป.… อภิญฺญํ…เป.… สมาปตฺติํ อุปฺปาเทติ, มานํ ชปฺเปติ, ทิฏฺฐิํ คณฺหาติ, อาจยคามิํ สีลํ… สุตํ… จาคํ… ปญฺญํ… ราคํ… โทสํ… โมหํ… มานํ… ทิฏฺฐิํ… ปตฺถนํ อุปนิสฺสาย ทานํ เทติฯ สีลํ…เป.… อุโปสถกมฺมํ…เป.… ฌานํ…เป.… วิปสฺสนํ…เป.… อภิญฺญํ…เป.… สมาปตฺติํ…เป.… ปาณํ หนติ…เป.… สงฺฆํ ภินฺทติฯ อาจยคามี สทฺธา…เป.… ปญฺญา, ราโค…เป.… ปตฺถนา อาจยคามิยา สทฺธาย…เป.… ปญฺญาย, ราคสฺส…เป.… ปตฺถนาย อุปนิสฺสยปจฺจเยน ปจฺจโยฯ ปฐมสฺส ฌานสฺส ปริกมฺมํ ปฐมสฺส ฌานสฺส อุปนิสฺสยปจฺจเยน ปจฺจโย…เป.…ฯ เนวสญฺญานาสญฺญายตนสฺส ปริกมฺมํ เนวสญฺญานาสญฺญายตนสฺส อุปนิสฺสยปจฺจเยน ปจฺจโยฯ ปฐมํ ฌานํ ทุติยสฺส ฌานสฺส…เป.… อากิญฺจญฺญายตนํ เนวสญฺญานาสญฺญายตนสฺส อุปนิสฺสยปจฺจเยน ปจฺจโยฯ (1)

อาจยคามี ธมฺโม อปจยคามิสฺส ธมฺมสฺส อุปนิสฺสยปจฺจเยน ปจฺจโย – อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ปฐมสฺส มคฺคสฺส ปริกมฺมํ ปฐมสฺส มคฺคสฺส…เป.… จตุตฺถสฺส มคฺคสฺส ปริกมฺมํ จตุตฺถสฺส มคฺคสฺส อุปนิสฺสยปจฺจเยน ปจฺจโยฯ (2)

อาจยคามี ธมฺโม เนวาจยคามินาปจยคามิสฺส ธมฺมสฺส อุปนิสฺสยปจฺจเยน ปจฺจโย – อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – อาจยคามิํ สทฺธํ อุปนิสฺสาย อตฺตานํ อาตาเปติ ปริตาเปติ ปริยิฏฺฐิมูลกํ ทุกฺขํ ปจฺจนุโภติฯ อาจยคามิํ สีลํ…เป.… ปญฺญํฯ ราคํ…เป.… ปตฺถนํ อุปนิสฺสาย อตฺตานํ อาตาเปติ ปริตาเปติ ปริยิฏฺฐิมูลกํ ทุกฺขํ ปจฺจนุโภติฯ อาจยคามี สทฺธา…เป.… ปญฺญาฯ ราโค…เป.… ปตฺถนา, กายิกสฺส สุขสฺส, กายิกสฺส ทุกฺขสฺส ผลสมาปตฺติยา อุปนิสฺสยปจฺจเยน ปจฺจโยฯ กุสลากุสลํ กมฺมํ วิปากสฺส อุปนิสฺสยปจฺจเยน ปจฺจโยฯ (3)

[55] อปจยคามี ธมฺโม อปจยคามิสฺส ธมฺมสฺส อุปนิสฺสยปจฺจเยน ปจฺจโยฯ ปกตูปนิสฺสโย – ปฐโม มคฺโค ทุติยสฺส มคฺคสฺส…เป.… ตติโย มคฺโค จตุตฺถสฺส มคฺคสฺส อุปนิสฺสยปจฺจเยน ปจฺจโยฯ (1)

อปจยคามี ธมฺโม อาจยคามิสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, ปกตูปนิสฺสโย…เป.…ฯ