เมนู

เหตุทุกํ

[35] เหตุปจฺจยา นอารมฺมเณ ปญฺจ, นอธิปติยา ทฺวาทส, นอนนฺตเร นสมนนฺตเร นอญฺญมญฺเญ นอุปนิสฺสเย ปญฺจ, นปุเรชาเต สตฺต, นปจฺฉาชาเต สตฺตรส, นอาเสวเน เอกาทส, นกมฺเม สตฺต, นวิปาเก สตฺตรส, นสมฺปยุตฺเต ปญฺจ, นวิปฺปยุตฺเต ตีณิ, โนนตฺถิยา โนวิคเต ปญฺจ (เอวํ คเณตพฺพํ)ฯ

อนุโลมปจฺจนียํฯ

4. ปจฺจยปจฺจนียานุโลมํ

นเหตุทุกํ

[36] นเหตุปจฺจยา อารมฺมเณ จตฺตาริ, อนนฺตเร สมนนฺตเร สหชาเต อญฺญมญฺเญ นิสฺสเย อุปนิสฺสเย ปุเรชาเต อาเสวเน กมฺเม จตฺตาริ, วิปาเก เอกํ, อาหาเร จตฺตาริ, อินฺทฺริเย ฌาเน จตฺตาริ, มคฺเค ตีณิ, สมฺปยุตฺเต วิปฺปยุตฺเต อตฺถิยา นตฺถิยา วิคเต จตฺตาริ, อวิคเต จตฺตาริ (เอวํ คเณตพฺพํ)ฯ

ปจฺจนียานุโลมํฯ

ปจฺจยวาโรฯ

4. นิสฺสยวาโร

(นิสฺสยวาโร ปจฺจยวารสทิโส)ฯ

5. สํสฏฺฐวาโร

1. ปจฺจยานุโลมํ

1. วิภงฺควาโร

เหตุปจฺจโย

[37] อาจยคามิํ ธมฺมํ สํสฏฺโฐ อาจยคามี ธมฺโม อุปฺปชฺชติ เหตุปจฺจยา – อาจยคามิํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ สํสฏฺฐา ทฺเว ขนฺธาฯ (1)

อปจยคามิํ ธมฺมํ สํสฏฺโฐ อปจยคามี ธมฺโม อุปฺปชฺชติ เหตุปจฺจยา – อปจยคามิํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ…เป.…ฯ (1)