เมนู

อาจยคามิญฺจ เนวาจยคามินาปจยคามิญฺจ ธมฺมํ ปจฺจยา อาจยคามี จ เนวาจยคามินาปจยคามี จ ธมฺมา อุปฺปชฺชนฺติ เหตุปจฺจยา – อาจยคามิํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ…เป.… อาจยคามี ขนฺเธ จ มหาภูเต จ ปจฺจยา จิตฺตสมุฏฺฐานํ รูปํฯ (3)

อปจยคามิญฺจ เนวาจยคามินาปจยคามิญฺจ ธมฺมํ ปจฺจยา อปจยคามี ธมฺโม… ตีณิฯ

อารมฺมณปจฺจโย

[21] อาจยคามิํ ธมฺมํ ปจฺจยา อาจยคามี ธมฺโม อุปฺปชฺชติ อารมฺมณปจฺจยา – อาจยคามิํ เอกํ ขนฺธํ ปจฺจยา…เป.…ฯ (1)

อปจยคามิํ ธมฺมํ ปจฺจยา อปจยคามี ธมฺโม… เอกํฯ

เนวาจยคามินาปจยคามิํ ธมฺมํ ปจฺจยา เนวาจยคามินาปจยคามี ธมฺโม อุปฺปชฺชติ อารมฺมณปจฺจยา… เนวาจยคามินาปจยคามิํ เอกํ ขนฺธํ ปจฺจยา ตโย ขนฺธา…เป.… ทฺเว ขนฺเธ…เป.… ปฏิสนฺธิกฺขเณ…เป.… วตฺถุํ ปจฺจยา ขนฺธา, จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํฯ วตฺถุํ ปจฺจยา เนวาจยคามินาปจยคามี ขนฺธาฯ (1)

เนวาจยคามินาปจยคามิํ ธมฺมํ ปจฺจยา อาจยคามี ธมฺโม อุปฺปชฺชติ อารมฺมณปจฺจยา – วตฺถุํ ปจฺจยา อาจยคามี ขนฺธาฯ (2)

เนวาจยคามินาปจยคามิํ ธมฺมํ ปจฺจยา อปจยคามี ธมฺโม อุปฺปชฺชติ อารมฺมณปจฺจยา – วตฺถุํ ปจฺจยา อปจยคามี ขนฺธาฯ (3)

อาจยคามิญฺจ เนวาจยคามินาปจยคามิญฺจ ธมฺมํ ปจฺจยา อาจยคามี ธมฺโม อุปฺปชฺชติ อารมฺมณปจฺจยา – อาจยคามิํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ…เป.…ฯ (1)

อปจยคามิญฺจ เนวาจยคามินาปจยคามิญฺจ ธมฺมํ ปจฺจยา อปจยคามี ธมฺโม อุปฺปชฺชติ อารมฺมณปจฺจยา – อปจยคามิํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ…เป.…ฯ (1)

อธิปติปจฺจโย

[22] อาจยคามิํ ธมฺมํ ปจฺจยา อาจยคามี ธมฺโม อุปฺปชฺชติ อธิปติปจฺจยา… ตีณิฯ

อปจยคามิํ ธมฺมํ ปจฺจยา อปจยคามี ธมฺโม… ตีณิฯ