เมนู

ภาวนาย ปหาตพฺพเหตุโก ธมฺโม ภาวนาย ปหาตพฺพเหตุกสฺส จ เนวทสฺสเนน นภาวนาย ปหาตพฺพเหตุกสฺส จ ธมฺมสฺส กมฺมปจฺจเยน ปจฺจโย – ภาวนาย ปหาตพฺพเหตุกา เจตนา สมฺปยุตฺตกานํ ขนฺธานํ โมหสฺส จ จิตฺตสมุฏฺฐานานญฺจ รูปานํ กมฺมปจฺจเยน ปจฺจโยฯ (3)

[98] เนวทสฺสเนน นภาวนาย ปหาตพฺพเหตุโก ธมฺโม เนวทสฺสเนน นภาวนาย ปหาตพฺพเหตุกสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกาฯ สหชาตา – เนวทสฺสเนน นภาวนาย ปหาตพฺพเหตุกา เจตนา สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ กมฺมปจฺจเยน ปจฺจโยฯ ปฏิสนฺธิกฺขเณ…เป.…ฯ นานากฺขณิกา – เนวทสฺสเนน นภาวนาย ปหาตพฺพเหตุกา เจตนา วิปากานํ ขนฺธานํ กฏตฺตา จ รูปานํ กมฺมปจฺจเยน ปจฺจโยฯ (1)

วิปากปจฺจโย

[99] เนวทสฺสเนน นภาวนาย ปหาตพฺพเหตุโก ธมฺโม เนวทสฺสเนน นภาวนาย ปหาตพฺพเหตุกสฺส ธมฺมสฺส วิปากปจฺจเยน ปจฺจโย (ปวตฺติปฏิสนฺธิ) วิปากา ขนฺธา วตฺถุสฺส…เป.…ฯ

อาหารปจฺจโย

[100] ทสฺสเนน ปหาตพฺพเหตุโก ธมฺโม ทสฺสเนน ปหาตพฺพเหตุกสฺส ธมฺมสฺส อาหารปจฺจเยน ปจฺจโย – ทสฺสเนน ปหาตพฺพเหตุกา อาหารา สมฺปยุตฺตกานํ ขนฺธานํ อาหารปจฺจเยน ปจฺจโยฯ (1)

ทสฺสเนน ปหาตพฺพเหตุโก ธมฺโม เนวทสฺสเนน นภาวนาย ปหาตพฺพเหตุกสฺส ธมฺมสฺส อาหารปจฺจเยน ปจฺจโย – ทสฺสเนน ปหาตพฺพเหตุกา อาหารา โมหสฺส จิตฺตสมุฏฺฐานานญฺจ รูปานํ อาหารปจฺจเยน ปจฺจโยฯ (2)

ทสฺสเนน ปหาตพฺพเหตุโก ธมฺโม ทสฺสเนน ปหาตพฺพเหตุกสฺส จ เนวทสฺสเนน นภาวนาย ปหาตพฺพเหตุกสฺส จ ธมฺมสฺส อาหารปจฺจเยน ปจฺจโย – ทสฺสเนน ปหาตพฺพเหตุกา อาหารา สมฺปยุตฺตกานํ ขนฺธานํ โมหสฺส จ จิตฺตสมุฏฺฐานานญฺจ รูปานํ อาหารปจฺจเยน ปจฺจโยฯ (3)

ภาวนาย ปหาตพฺพเหตุโก ธมฺโม… ตีณิ (ทสฺสเนน สทิสํ)ฯ

เนวทสฺสเนน นภาวนาย ปหาตพฺพเหตุโก ธมฺโม เนวทสฺสเนน นภาวนาย ปหาตพฺพเหตุกสฺส ธมฺมสฺส อาหารปจฺจเยน ปจฺจโย – เนวทสฺสเนน นภาวนาย ปหาตพฺพเหตุกา อาหารา สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อาหารปจฺจเยน ปจฺจโยฯ ปฏิสนฺธิกฺขเณ…เป.… กพฬีกาโร อาหาโร อิมสฺส กายสฺส อาหารปจฺจเยน ปจฺจโยฯ

อินฺทฺริยปจฺจยาทิ

[101] ทสฺสเนน ปหาตพฺพเหตุโก ธมฺโม ทสฺสเนน ปหาตพฺพเหตุกสฺส ธมฺมสฺส อินฺทฺริยปจฺจเยน ปจฺจโย… ตีณิ (อาหารสทิสํฯ โมโห กาตพฺโพ)ฯ

ภาวนาย ปหาตพฺพเหตุโก ธมฺโม… ตีณิฯ

เนวทสฺสเนน นภาวนาย ปหาตพฺพเหตุโก ธมฺโม เนวทสฺสเนน นภาวนาย ปหาตพฺพเหตุกสฺส ธมฺมสฺส อินฺทฺริยปจฺจเยน ปจฺจโย – เนวทสฺสเนน นภาวนาย ปหาตพฺพเหตุกา อินฺทฺริยา สมฺปยุตฺตกานํ ขนฺธานํ…เป.… จกฺขุนฺทฺริยํ จกฺขุวิญฺญาณสฺส…เป.… กายินฺทฺริยํ กายวิญฺญาณสฺส…เป.… รูปชีวิตินฺทฺริยํ กฏตฺตารูปานํ อินฺทฺริยปจฺจเยน ปจฺจโย… ฌานปจฺจเยน ปจฺจโย… มคฺคปจฺจเยน ปจฺจโย… (อิเม สเหตุกา กาตพฺพา) สมฺปยุตฺตปจฺจเยน ปจฺจโย (ปฏิจฺจวาเร สมฺปยุตฺตวารสทิสํ)ฯ

วิปฺปยุตฺตปจฺจโย

[102] ทสฺสเนน ปหาตพฺพเหตุโก ธมฺโม เนวทสฺสเนน นภาวนาย ปหาตพฺพเหตุกสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปจฺฉาชาตํ (ทสฺสนตฺติกสทิสํ)ฯ

ภาวนาย ปหาตพฺพเหตุโก ธมฺโม เนวทสฺสเนน นภาวนาย ปหาตพฺพเหตุกสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปจฺฉาชาตํ (ทสฺสนตฺติกสทิสํ)ฯ

เนวทสฺสเนน นภาวนาย ปหาตพฺพเหตุโก ธมฺโม เนวทสฺสเนน นภาวนาย ปหาตพฺพเหตุกสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปุเรชาตํ, ปจฺฉาชาตํ (ทสฺสนตฺติกสทิสํ)ฯ