เนวทสฺสเนน นภาวนาย ปหาตพฺโพ ธมฺโม เนวทสฺสเนน นภาวนาย ปหาตพฺพสฺส ธมฺมสฺส…เป.… เนวทสฺสเนน นภาวนาย ปหาตพฺโพ เอโก ขนฺโธ ติณฺณนฺนํ ขนฺธานํ อญฺญมญฺญปจฺจเยน ปจฺจโย…เป.… ทฺเว ขนฺธา…เป.… ปฏิสนฺธิกฺขเณ เนวทสฺสเนน นภาวนาย ปหาตพฺโพ เอโก ขนฺโธ ติณฺณนฺนํ ขนฺธานํ วตฺถุสฺส จ อญฺญมญฺญปจฺจเยน ปจฺจโย…เป.… ทฺเว ขนฺธา…เป.… ขนฺธา วตฺถุสฺส…เป.… วตฺถุ ขนฺธานํ…เป.… เอกํ มหาภูตํ ติณฺณนฺนํ มหาภูตานํ อญฺญมญฺญปจฺจเยน ปจฺจโย…เป.… อสญฺญสตฺตานํ…เป.…ฯ (1)

นิสฺสยปจฺจโย

[81] ทสฺสเนน ปหาตพฺโพ ธมฺโม ทสฺสเนน ปหาตพฺพสฺส ธมฺมสฺส นิสฺสยปจฺจเยน ปจฺจโย… ตีณิฯ

ภาวนาย ปหาตพฺโพ ธมฺโม ภาวนาย ปหาตพฺพสฺส ธมฺมสฺส… ตีณิฯ

เนวทสฺสเนน นภาวนาย ปหาตพฺโพ ธมฺโม เนวทสฺสเนน นภาวนาย ปหาตพฺพสฺส ธมฺมสฺส นิสฺสยปจฺจเยน ปจฺจโย – เนวทสฺสเนน นภาวนาย ปหาตพฺโพ เอโก ขนฺโธ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ…เป.… ทฺเว ขนฺธา…เป.… ปฏิสนฺธิกฺขเณ…เป.… ขนฺธา วตฺถุสฺส…เป.… วตฺถุ ขนฺธานํ…เป.… เอกํ มหาภูตํ…เป.… อสญฺญสตฺตานํ…เป.… จกฺขายตนํ จกฺขุวิญฺญาณสฺส…เป.… กายายตนํ กายวิญฺญาณสฺส…เป.… วตฺถุ…เป.…ฯ (1)

เนวทสฺสเนน นภาวนาย ปหาตพฺโพ ธมฺโม ทสฺสเนน ปหาตพฺพสฺส ธมฺมสฺส นิสฺสยปจฺจเยน ปจฺจโย – วตฺถุ ทสฺสเนน ปหาตพฺพานํ ขนฺธานํ นิสฺสยปจฺจเยน ปจฺจโยฯ (2)

เนวทสฺสเนน นภาวนาย ปหาตพฺโพ ธมฺโม ภาวนาย ปหาตพฺพสฺส ธมฺมสฺส นิสฺสยปจฺจเยน ปจฺจโย – วตฺถุ ภาวนาย ปหาตพฺพานํ ขนฺธานํ นิสฺสยปจฺจเยน ปจฺจโยฯ (3)

[82] ทสฺสเนน ปหาตพฺโพ จ เนวทสฺสเนน นภาวนาย ปหาตพฺโพ จ ธมฺมา ทสฺสเนน ปหาตพฺพสฺส ธมฺมสฺส นิสฺสยปจฺจเยน ปจฺจโย – ทสฺสเนน ปหาตพฺโพ เอโก ขนฺโธ จ วตฺถุ จ ติณฺณนฺนํ ขนฺธานํ นิสฺสยปจฺจเยน ปจฺจโย…เป.… ทฺเว ขนฺธา…เป.…ฯ (1)

ทสฺสเนน ปหาตพฺโพ จ เนวทสฺสเนน นภาวนาย ปหาตพฺโพ จ ธมฺมา เนวทสฺสเนน นภาวนาย ปหาตพฺพสฺส ธมฺมสฺส นิสฺสยปจฺจเยน ปจฺจโย – ทสฺสเนน ปหาตพฺพา ขนฺธา จ มหาภูตา จ จิตฺตสมุฏฺฐานานํ รูปานํ นิสฺสยปจฺจเยน ปจฺจโยฯ (2)

ภาวนาย ปหาตพฺโพ จ เนวทสฺสเนน นภาวนาย ปหาตพฺโพ จ ธมฺมา ภาวนาย ปหาตพฺพสฺส ธมฺมสฺส นิสฺสยปจฺจเยน ปจฺจโย – ภาวนาย ปหาตพฺโพ เอโก ขนฺโธ จ วตฺถุ จ ติณฺณนฺนํ ขนฺธานํ นิสฺสยปจฺจเยน ปจฺจโย…เป.… ทฺเว ขนฺธา…เป.…ฯ (1)

ภาวนาย ปหาตพฺโพ จ เนวทสฺสเนน นภาวนาย ปหาตพฺโพ จ ธมฺมา เนวทสฺสเนน นภาวนาย ปหาตพฺพสฺส ธมฺมสฺส นิสฺสยปจฺจเยน ปจฺจโย – ภาวนาย ปหาตพฺพา ขนฺธา จ มหาภูตา จ จิตฺตสมุฏฺฐานานํ รูปานํ นิสฺสยปจฺจเยน ปจฺจโยฯ (2)

อุปนิสฺสยปจฺจโย

[83] ทสฺสเนน ปหาตพฺโพ ธมฺโม ทสฺสเนน ปหาตพฺพสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ทสฺสเนน ปหาตพฺพํ ราคํ อุปนิสฺสาย ปาณํ หนติ, อทินฺนํ อาทิยติ…เป.… สงฺฆํ ภินฺทติฯ ทสฺสเนน ปหาตพฺพํ โทสํ… โมหํ… ทิฏฺฐิํ… ปตฺถนํ อุปนิสฺสาย ปาณํ หนติ…เป.… สงฺฆํ ภินฺทติฯ ทสฺสเนน ปหาตพฺโพ ราโค… โทโส… โมโห… ทิฏฺฐิ… ปตฺถนา ทสฺสเนน ปหาตพฺพสฺส ราคสฺส.. โทสสฺส… โมหสฺส… ทิฏฺฐิยา… ปตฺถนาย อุปนิสฺสยปจฺจเยน ปจฺจโยฯ (1)

ทสฺสเนน ปหาตพฺโพ ธมฺโม เนวทสฺสเนน นภาวนาย ปหาตพฺพสฺส ธมฺมสฺส อุปนิสฺสยปจฺจเยน ปจฺจโย – อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ทสฺสเนน ปหาตพฺพํ ราคํ อุปนิสฺสาย ทานํ เทติ, สีลํ สมาทิยติ, อุโปสถกมฺมํ กโรติ…เป.… สมาปตฺติํ อุปฺปาเทติฯ ทสฺสเนน ปหาตพฺพํ โทสํ…เป.… ปตฺถนํ อุปนิสฺสาย ทานํ เทติ…เป.… สมาปตฺติํ อุปฺปาเทติฯ ทสฺสเนน ปหาตพฺโพ ราโค… โทโส… โมโห… ทิฏฺฐิ… ปตฺถนา สทฺธาย…เป.… ปญฺญาย กายิกสฺส สุขสฺส, กายิกสฺส ทุกฺขสฺส ผลสมาปตฺติยา อุปนิสฺสยปจฺจเยน ปจฺจโยฯ (2)