เมนู

อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปฏิจฺจ อวิตกฺกวิจารมตฺโต จ อวิตกฺกอวิจาโร จ ธมฺมา อุปฺปชฺชนฺติ อารมฺมณปจฺจยา – ปฏิสนฺธิกฺขเณ อวิตกฺกวิจารมตฺตํ เอกํ ขนฺธญฺจ วตฺถุญฺจ ปฏิจฺจ ตโย ขนฺธา วิจาโร จ…เป.… ทฺเว ขนฺเธ จ วตฺถุญฺจ ปฏิจฺจ ทฺเว ขนฺธา วิจาโร จฯ (4)

[13] สวิตกฺกสวิจารญฺจ อวิตกฺกวิจารมตฺตญฺจ ธมฺมํ ปฏิจฺจ สวิตกฺกสวิจาโร ธมฺโม อุปฺปชฺชติ อารมฺมณปจฺจยา – สวิตกฺกสวิจารํ เอกํ ขนฺธญฺจ วิตกฺกญฺจ ปฏิจฺจ ตโย ขนฺธา…เป.… ทฺเว ขนฺเธ จ วิตกฺกญฺจ ปฏิจฺจ ทฺเว ขนฺธาฯ ปฏิสนฺธิกฺขเณ…เป.…ฯ (1)

สวิตกฺกสวิจารญฺจ อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปฏิจฺจ สวิตกฺกสวิจาโร ธมฺโม อุปฺปชฺชติ อารมฺมณปจฺจยา – ปฏิสนฺธิกฺขเณ สวิตกฺกสวิจารํ เอกํ ขนฺธญฺจ วิตกฺกญฺจ วตฺถุญฺจ ปฏิจฺจ ตโย ขนฺธา…เป.… ทฺเว ขนฺเธ จ วิตกฺกญฺจ วตฺถุญฺจ ปฏิจฺจ ทฺเว ขนฺธาฯ (1)

(ทฺเว ปจฺจยา สชฺฌายมคฺเคน วิภตฺตา, เอวํ อวเสสา วีสติปจฺจยา วิภชิตพฺพาฯ)

วิปฺปยุตฺตปจฺจโย

[14] สวิตกฺกสวิจารํ ธมฺมํ ปฏิจฺจ สวิตกฺกสวิจาโร ธมฺโม อุปฺปชฺชติ วิปฺปยุตฺตปจฺจยา – สวิตกฺกสวิจารํ เอกํ ขนฺธํ ปฏิจฺจ ตโย ขนฺธา…เป.… วตฺถุํ วิปฺปยุตฺตปจฺจยาฯ ปฏิสนฺธิกฺขเณ สวิตกฺกสวิจารํ เอกํ ขนฺธํ ปฏิจฺจ ตโย ขนฺธา…เป.… วตฺถุํ วิปฺปยุตฺตปจฺจยาฯ (1)

สวิตกฺกสวิจารํ ธมฺมํ ปฏิจฺจ อวิตกฺกวิจารมตฺโต ธมฺโม อุปฺปชฺชติ วิปฺปยุตฺตปจฺจยา – สวิตกฺกสวิจาเร ขนฺเธ ปฏิจฺจ วิตกฺโก; วตฺถุํ วิปฺปยุตฺตปจฺจยาฯ ปฏิสนฺธิกฺขเณ…เป.…ฯ (2)

สวิตกฺกสวิจารํ ธมฺมํ ปฏิจฺจ อวิตกฺกอวิจาโร ธมฺโม อุปฺปชฺชติ วิปฺปยุตฺตปจฺจยา – สวิตกฺกสวิจาเร ขนฺเธ ปฏิจฺจ จิตฺตสมุฏฺฐานํ รูปํ, ขนฺเธ วิปฺปยุตฺตปจฺจยาฯ ปฏิสนฺธิกฺขเณ…เป.…ฯ (3)

สวิตกฺกสวิจารํ ธมฺมํ ปฏิจฺจ สวิตกฺกสวิจาโร จ อวิตกฺกอวิจาโร จ ธมฺมา อุปฺปชฺชนฺติ วิปฺปยุตฺตปจฺจยา – สวิตกฺกสวิจารํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป.… ขนฺธา วตฺถุํ วิปฺปยุตฺตปจฺจยา ฯ จิตฺตสมุฏฺฐานํ รูปํ ขนฺเธ วิปฺปยุตฺตปจฺจยาฯ ปฏิสนฺธิกฺขเณ…เป.…ฯ (4)

สวิตกฺกสวิจารํ ธมฺมํ ปฏิจฺจ อวิตกฺกวิจารมตฺโต จ อวิตกฺกอวิจาโร จ ธมฺมา อุปฺปชฺชนฺติ วิปฺปยุตฺตปจฺจยา – สวิตกฺกสวิจาเร ขนฺเธ ปฏิจฺจ วิตกฺโก จ จิตฺตสมุฏฺฐานญฺจ รูปํฯ วิตกฺโก วตฺถุํ วิปฺปยุตฺตปจฺจยาฯ จิตฺตสมุฏฺฐานํ รูปํ ขนฺเธ วิปฺปยุตฺตปจฺจยาฯ ปฏิสนฺธิกฺขเณ…เป.…ฯ (5)

สวิตกฺกสวิจารํ ธมฺมํ ปฏิจฺจ สวิตกฺกสวิจาโร จ อวิตกฺกวิจารมตฺโต จ ธมฺมา อุปฺปชฺชนฺติ วิปฺปยุตฺตปจฺจยา – สวิตกฺกสวิจารํ เอกํ ขนฺธํ ปฏิจฺจ ตโย ขนฺธา วิตกฺโก จ…เป.… ทฺเว ขนฺเธ ปฏิจฺจ ทฺเว ขนฺธา วิตกฺโก จ, วตฺถุํ วิปฺปยุตฺตปจฺจยาฯ ปฏิสนฺธิกฺขเณ…เป.…ฯ (6)

สวิตกฺกสวิจารํ ธมฺมํ ปฏิจฺจ สวิตกฺกสวิจาโร จ อวิตกฺกวิจารมตฺโต จ อวิตกฺกอวิจาโร จ ธมฺมา อุปฺปชฺชนฺติ วิปฺปยุตฺตปจฺจยา – สวิตกฺกสวิจารํ เอกํ ขนฺธํ ปฏิจฺจ ตโย ขนฺธา วิตกฺโก จ จิตฺตสมุฏฺฐานญฺจ รูปํ…เป.… ทฺเว ขนฺเธ ปฏิจฺจ ทฺเว ขนฺธา วิตกฺโก จ จิตฺตสมุฏฺฐานญฺจ รูปํฯ ขนฺธา จ วิตกฺโก จ วตฺถุํ วิปฺปยุตฺตปจฺจยาฯ จิตฺตสมุฏฺฐานํ รูปํ ขนฺเธ วิปฺปยุตฺตปจฺจยาฯ ปฏิสนฺธิกฺขเณ…เป.…ฯ (7)

[15] อวิตกฺกวิจารมตฺตํ ธมฺมํ ปฏิจฺจ อวิตกฺกวิจารมตฺโต ธมฺโม อุปฺปชฺชติ…เป.… อวิตกฺกวิจารมตฺตํ เอกํ ขนฺธํ ปฏิจฺจ ตโย ขนฺธา…เป.… ทฺเว ขนฺเธ…เป.… วตฺถุํ วิปฺปยุตฺตปจฺจยาฯ ปฏิสนฺธิกฺขเณ…เป.…ฯ (1)

อวิตกฺกวิจารมตฺตํ ธมฺมํ ปฏิจฺจ สวิตกฺกสวิจาโร ธมฺโม อุปฺปชฺชติ วิปฺปยุตฺตปจฺจยา – วิตกฺกํ ปฏิจฺจ สวิตกฺกสวิจารา ขนฺธา, วตฺถุํ วิปฺปยุตฺตปจฺจยา ฯ ปฏิสนฺธิกฺขเณ…เป.…ฯ (2)

อวิตกฺกวิจารมตฺตํ ธมฺมํ ปฏิจฺจ อวิตกฺกอวิจาโร ธมฺโม อุปฺปชฺชติ วิปฺปยุตฺตปจฺจยา – อวิตกฺกวิจารมตฺเต ขนฺเธ ปฏิจฺจ วิจาโร จ จิตฺตสมุฏฺฐานญฺจ รูปํ, วิจาโร วตฺถุํ วิปฺปยุตฺตปจฺจยาฯ จิตฺตสมุฏฺฐานํ รูปํ ขนฺเธ วิปฺปยุตฺตปจฺจยาฯ วิตกฺกํ ปฏิจฺจ จิตฺตสมุฏฺฐานํ รูปํ, วิตกฺกํ วิปฺปยุตฺตปจฺจยาฯ ปฏิสนฺธิกฺขเณ…เป.…ฯ (3)

อวิตกฺกวิจารมตฺตํ ธมฺมํ ปฏิจฺจ สวิตกฺกสวิจาโร จ อวิตกฺกอวิจาโร จ ธมฺมา อุปฺปชฺชนฺติ วิปฺปยุตฺตปจฺจยา – วิตกฺกํ ปฏิจฺจ สวิตกฺกสวิจารา ขนฺธา จิตฺตสมุฏฺฐานญฺจ รูปํ, ขนฺธา วตฺถุํ วิปฺปยุตฺตปจฺจยาฯ จิตฺตสมุฏฺฐานํ รูปํ วิตกฺกํ วิปฺปยุตฺตปจฺจยาฯ ปฏิสนฺธิกฺขเณ…เป.…ฯ (4)

อวิตกฺกวิจารมตฺตํ ธมฺมํ ปฏิจฺจ อวิตกฺกวิจารมตฺโต จ อวิตกฺกอวิจาโร จ ธมฺมา อุปฺปชฺชนฺติ วิปฺปยุตฺตปจฺจยา – อวิตกฺกวิจารมตฺตํ เอกํ ขนฺธํ ปฏิจฺจ ตโย ขนฺธา วิจาโร จ จิตฺตสมุฏฺฐานญฺจ รูปํ…เป.… ทฺเว ขนฺเธ ปฏิจฺจ ทฺเว ขนฺธา วิจาโร จ จิตฺตสมุฏฺฐานญฺจ รูปํฯ ขนฺธา จ วิจาโร จ วตฺถุํ วิปฺปยุตฺตปจฺจยาฯ จิตฺตสมุฏฺฐานํ รูปํ ขนฺเธ วิปฺปยุตฺตปจฺจยาฯ ปฏิสนฺธิกฺขเณ…เป.…ฯ (5)

[16] อวิตกฺกอวิจารํ ธมฺมํ ปฏิจฺจ อวิตกฺกอวิจาโร ธมฺโม อุปฺปชฺชติ วิปฺปยุตฺตปจฺจยา – อวิตกฺกอวิจารํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… ขนฺธา วตฺถุํ วิปฺปยุตฺตปจฺจยา, จิตฺตสมุฏฺฐานํ รูปํ ขนฺเธ วิปฺปยุตฺตปจฺจยาฯ วิจารํ ปฏิจฺจ จิตฺตสมุฏฺฐานํ รูปํ, วิจารํ วิปฺปยุตฺตปจฺจยาฯ ปฏิสนฺธิกฺขเณ…เป.… ปฏิสนฺธิกฺขเณ วิจารํ ปฏิจฺจ กฏตฺตารูปํ, วิจารํ วิปฺปยุตฺตปจฺจยาฯ ขนฺเธ ปฏิจฺจ วตฺถุ, วตฺถุํ ปฏิจฺจ ขนฺธาฯ ขนฺธา วตฺถุํ วิปฺปยุตฺตปจฺจยาฯ วตฺถุ ขนฺเธ วิปฺปยุตฺตปจฺจยาฯ วิจารํ ปฏิจฺจ วตฺถุ, วตฺถุํ ปฏิจฺจ วิจาโร, วิจาโร วตฺถุํ วิปฺปยุตฺตปจฺจยาฯ วตฺถุ วิจารํ วิปฺปยุตฺตปจฺจยา; เอกํ มหาภูตํ ปฏิจฺจ ตโย มหาภูตา…เป.… มหาภูเต ปฏิจฺจ จิตฺตสมุฏฺฐานํ รูปํ กฏตฺตารูปํ อุปาทารูปํ, ขนฺเธ วิปฺปยุตฺตปจฺจยาฯ (1)

อวิตกฺกอวิจารํ ธมฺมํ ปฏิจฺจ สวิตกฺกสวิจาโร ธมฺโม อุปฺปชฺชติ วิปฺปยุตฺตปจฺจยา – ปฏิสนฺธิกฺขเณ วตฺถุํ ปฏิจฺจ สวิตกฺกสวิจารา ขนฺธา, วตฺถุํ วิปฺปยุตฺตปจฺจยาฯ (2)

อวิตกฺกอวิจารํ ธมฺมํ ปฏิจฺจ อวิตกฺกวิจารมตฺโต ธมฺโม อุปฺปชฺชติ วิปฺปยุตฺตปจฺจยา – วิจารํ ปฏิจฺจ อวิตกฺกวิจารมตฺตา ขนฺธา, วตฺถุํ วิปฺปยุตฺตปจฺจยาฯ ปฏิสนฺธิกฺขเณ วิจารํ ปฏิจฺจ อวิตกฺกวิจารมตฺตา ขนฺธา, วตฺถุํ วิปฺปยุตฺตปจฺจยาฯ ปฏิสนฺธิกฺขเณ วตฺถุํ ปฏิจฺจ อวิตกฺกวิจารมตฺตา ขนฺธา, วตฺถุํ วิปฺปยุตฺตปจฺจยาฯ ปฏิสนฺธิกฺขเณ วตฺถุํ ปฏิจฺจ วิตกฺโก, วตฺถุํ วิปฺปยุตฺตปจฺจยาฯ (3)

อวิตกฺกอวิจารํ ธมฺมํ ปฏิจฺจ สวิตกฺกสวิจาโร จ อวิตกฺกอวิจาโร จ ธมฺมา อุปฺปชฺชนฺติ วิปฺปยุตฺตปจฺจยา – ปฏิสนฺธิกฺขเณ วตฺถุํ ปฏิจฺจ สวิตกฺกสวิจารา ขนฺธา, มหาภูเต ปฏิจฺจ กฏตฺตารูปํ, ขนฺธา วตฺถุํ วิปฺปยุตฺตปจฺจยาฯ กฏตฺตารูปํ ขนฺเธ วิปฺปยุตฺตปจฺจยาฯ (4)

อวิตกฺกอวิจารํ ธมฺมํ ปฏิจฺจ อวิตกฺกวิจารมตฺโต จ อวิตกฺกอวิจาโร จ ธมฺมา อุปฺปชฺชนฺติ วิปฺปยุตฺตปจฺจยา – วิจารํ ปฏิจฺจ อวิตกฺกวิจารมตฺตา ขนฺธา จ จิตฺตสมุฏฺฐานญฺจ รูปํ…เป.… ขนฺธา วตฺถุํ วิปฺปยุตฺตปจฺจยาฯ จิตฺตสมุฏฺฐานํ รูปํ วิจารํ วิปฺปยุตฺตปจฺจยาฯ ปฏิสนฺธิกฺขเณ วิจารํ ปฏิจฺจ อวิตกฺกวิจารมตฺตา ขนฺธา จ กฏตฺตา จ รูปํ, ขนฺธา วตฺถุํ วิปฺปยุตฺตปจฺจยาฯ กฏตฺตารูปํ วิจารํ วิปฺปยุตฺตปจฺจยาฯ ปฏิสนฺธิกฺขเณ วตฺถุํ ปฏิจฺจ อวิตกฺกวิจารมตฺตา ขนฺธา มหาภูเต ปฏิจฺจ กฏตฺตารูปํ, ขนฺธา วตฺถุํ วิปฺปยุตฺตปจฺจยาฯ กฏตฺตารูปํ ขนฺเธ วิปฺปยุตฺตปจฺจยาฯ ปฏิสนฺธิกฺขเณ วตฺถุํ ปฏิจฺจ วิตกฺโก, มหาภูเต ปฏิจฺจ กฏตฺตารูปํ, วิตกฺโก วตฺถุํ วิปฺปยุตฺตปจฺจยาฯ กฏตฺตารูปํ ขนฺเธ วิปฺปยุตฺตปจฺจยาฯ ปฏิสนฺธิกฺขเณ วตฺถุํ ปฏิจฺจ อวิตกฺกวิจารมตฺตา ขนฺธา จ วิจาโร จ, วตฺถุํ วิปฺปยุตฺตปจฺจยาฯ (5)

อวิตกฺกอวิจารํ ธมฺมํ ปฏิจฺจ สวิตกฺกสวิจาโร จ อวิตกฺกวิจารมตฺโต จ ธมฺมา อุปฺปชฺชนฺติ วิปฺปยุตฺตปจฺจยา – ปฏิสนฺธิกฺขเณ วตฺถุํ ปฏิจฺจ สวิตกฺกสวิจารา ขนฺธา จ วิตกฺโก จ, วตฺถุํ วิปฺปยุตฺตปจฺจยาฯ (6)

อวิตกฺกอวิจารํ ธมฺมํ ปฏิจฺจ สวิตกฺกสวิจาโร จ อวิตกฺกวิจารมตฺโต จ อวิตกฺกอวิจาโร จ ธมฺมา อุปฺปชฺชนฺติ วิปฺปยุตฺตปจฺจยา – ปฏิสนฺธิกฺขเณ วตฺถุํ ปฏิจฺจ สวิตกฺกสวิจารา ขนฺธา จ วิตกฺโก จ, มหาภูเต ปฏิจฺจ กฏตฺตารูปํ, ขนฺธา จ วิตกฺโก จ, วตฺถุํ วิปฺปยุตฺตปจฺจยาฯ กฏตฺตารูปํ ขนฺเธ วิปฺปยุตฺตปจฺจยาฯ (7)

[17] สวิตกฺกสวิจารญฺจ อวิตกฺกอวิจารญฺจ ธมฺมํ ปฏิจฺจ สวิตกฺกสวิจาโร ธมฺโม อุปฺปชฺชติ วิปฺปยุตฺตปจฺจยา – ปฏิสนฺธิกฺขเณ สวิตกฺกสวิจารํ เอกํ ขนฺธญฺจ วตฺถุญฺจ ปฏิจฺจ ตโย ขนฺธา, วตฺถุํ วิปฺปยุตฺตปจฺจยาฯ (1)

สวิตกฺกสวิจารญฺจ อวิตกฺกอวิจารญฺจ ธมฺมํ ปฏิจฺจ อวิตกฺกวิจารมตฺโต ธมฺโม…เป.… ปฏิสนฺธิกฺขเณ สวิตกฺกสวิจาเร ขนฺเธ จ วตฺถุญฺจ ปฏิจฺจ วิตกฺโก, วตฺถุํ วิปฺปยุตฺตปจฺจยาฯ (2)

สวิตกฺกสวิจารญฺจ อวิตกฺกอวิจารญฺจ ธมฺมํ ปฏิจฺจ อวิตกฺกอวิจาโร ธมฺโม…เป.… สวิตกฺกสวิจาเร ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํ, ขนฺเธ วิปฺปยุตฺตปจฺจยาฯ ปฏิสนฺธิกฺขเณ…เป.…ฯ (3)

สวิตกฺกสวิจารญฺจ อวิตกฺกอวิจารญฺจ ธมฺมํ ปฏิจฺจ สวิตกฺกสวิจาโร จ อวิตกฺกอวิจาโร จ ธมฺมา…เป.… ปฏิสนฺธิกฺขเณ สวิตกฺกสวิจารํ เอกํ ขนฺธญฺจ วตฺถุญฺจ ปฏิจฺจ ตโย ขนฺธา…เป.… ทฺเว ขนฺเธ จ วตฺถุญฺจ ปฏิจฺจ ทฺเว ขนฺธา, สวิตกฺกสวิจาเร ขนฺเธ จ มหาภูเต จ ปฏิจฺจ กฏตฺตารูปํ, ขนฺธา วตฺถุํ วิปฺปยุตฺตปจฺจยาฯ กฏตฺตารูปํ ขนฺเธ วิปฺปยุตฺตปจฺจยาฯ (4)

สวิตกฺกสวิจารญฺจ อวิตกฺกอวิจารญฺจ ธมฺมํ ปฏิจฺจ อวิตกฺกวิจารมตฺโต จ อวิตกฺกอวิจาโร จ ธมฺมา…เป.… ปฏิสนฺธิกฺขเณ สวิตกฺกสวิจาเร ขนฺเธ จ วตฺถุญฺจ ปฏิจฺจ วิตกฺโก, สวิตกฺกสวิจาเร ขนฺเธ จ มหาภูเต จ ปฏิจฺจ กฏตฺตารูปํ, วิตกฺโก วตฺถุํ วิปฺปยุตฺตปจฺจยาฯ กฏตฺตารูปํ ขนฺเธ วิปฺปยุตฺตปจฺจยาฯ (5)

สวิตกฺกสวิจารญฺจ อวิตกฺกอวิจารญฺจ ธมฺมํ ปฏิจฺจ สวิตกฺกสวิจาโร จ อวิตกฺกวิจารมตฺโต จ ธมฺมา…เป.… ปฏิสนฺธิกฺขเณ สวิตกฺกสวิจารํ เอกํ ขนฺธญฺจ วตฺถุญฺจ ปฏิจฺจ ตโย ขนฺธา วิตกฺโก จ…เป.… ทฺเว ขนฺเธ จ วตฺถุญฺจ ปฏิจฺจ ทฺเว ขนฺธา วิตกฺโก จ, วตฺถุํ วิปฺปยุตฺตปจฺจยาฯ (6)

สวิตกฺกสวิจารญฺจ อวิตกฺกอวิจารญฺจ ธมฺมํ ปฏิจฺจ สวิตกฺกสวิจาโร จ อวิตกฺกวิจารมตฺโต จ อวิตกฺกอวิจาโร จ ธมฺมา…เป.… ปฏิสนฺธิกฺขเณ สวิตกฺกสวิจารํ เอกํ ขนฺธญฺจ วตฺถุญฺจ ปฏิจฺจ ตโย ขนฺธา วิตกฺโก จ…เป.… ทฺเว ขนฺเธ จ วตฺถุญฺจ ปฏิจฺจ ทฺเว ขนฺธา วิตกฺโก จฯ สวิตกฺกสวิจาเร ขนฺเธ จ มหาภูเต จ ปฏิจฺจ กฏตฺตารูปํฯ ขนฺธา จ วิตกฺโก จ, วตฺถุํ วิปฺปยุตฺตปจฺจยาฯ กฏตฺตารูปํ ขนฺเธ วิปฺปยุตฺตปจฺจยาฯ (7)

[18] อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปฏิจฺจ สวิตกฺกสวิจาโร ธมฺโม…เป.… ปฏิสนฺธิกฺขเณ วิตกฺกญฺจ วตฺถุญฺจ ปฏิจฺจ สวิตกฺกสวิจารา ขนฺธา, วตฺถุํ วิปฺปยุตฺตปจฺจยาฯ (1)

อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปฏิจฺจ อวิตกฺกวิจารมตฺโต ธมฺโม…เป.… อวิตกฺกวิจารมตฺตํ เอกํ ขนฺธญฺจ วิจารญฺจ ปฏิจฺจ ตโย ขนฺธา…เป.… ทฺเว ขนฺเธ จ…เป.… วตฺถุํ วิปฺปยุตฺตปจฺจยาฯ ปฏิสนฺธิกฺขเณ อวิตกฺกวิจารมตฺตํ เอกํ ขนฺธญฺจ วิจารญฺจ ปฏิจฺจ ตโย ขนฺธา…เป.… ทฺเว ขนฺเธ จ…เป.… วตฺถุํ วิปฺปยุตฺตปจฺจยาฯ ปฏิสนฺธิกฺขเณ อวิตกฺกวิจารมตฺตํ เอกํ ขนฺธญฺจ วตฺถุญฺจ ปฏิจฺจ ตโย ขนฺธา…เป.… ทฺเว ขนฺเธ จ…เป.… วตฺถุํ วิปฺปยุตฺตปจฺจยาฯ (2)

อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปฏิจฺจ อวิตกฺกอวิจาโร ธมฺโม…เป.… อวิตกฺกวิจารมตฺเต ขนฺเธ จ วิจารญฺจ ปฏิจฺจ จิตฺตสมุฏฺฐานํ รูปํฯ ขนฺเธ จ วิจารญฺจ วิปฺปยุตฺตปจฺจยาฯ อวิตกฺกวิจารมตฺเต ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํฯ ขนฺเธ วิปฺปยุตฺตปจฺจยาฯ วิตกฺกญฺจ มหาภูเต จ ปฏิจฺจ จิตฺตสมุฏฺฐานํ รูปํฯ วิตกฺกํ วิปฺปยุตฺตปจฺจยาฯ ปฏิสนฺธิกฺขเณ อวิตกฺกวิจารมตฺเต ขนฺเธ จ วิจารญฺจ ปฏิจฺจ กฏตฺตารูปํฯ ขนฺเธ จ วิจารญฺจ วิปฺปยุตฺตปจฺจยาฯ ปฏิสนฺธิกฺขเณ อวิตกฺกวิจารมตฺเต ขนฺเธ จ มหาภูเต จ ปฏิจฺจ กฏตฺตารูปํฯ ขนฺเธ วิปฺปยุตฺตปจฺจยาฯ ปฏิสนฺธิกฺขเณ วิตกฺกญฺจ มหาภูเต จ ปฏิจฺจ กฏตฺตารูปํฯ วิตกฺกํ วิปฺปยุตฺตปจฺจยาฯ ปฏิสนฺธิกฺขเณ อวิตกฺกวิจารมตฺเต ขนฺเธ จ วตฺถุญฺจ ปฏิจฺจ วิจาโรฯ วตฺถุํ วิปฺปยุตฺตปจฺจยาฯ (3)

อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปฏิจฺจ สวิตกฺกสวิจาโร จ อวิตกฺกอวิจาโร จ ธมฺมา อุปฺปชฺชนฺติ วิปฺปยุตฺตปจฺจยา – ปฏิสนฺธิกฺขเณ วิตกฺกญฺจ วตฺถุญฺจ ปฏิจฺจ สวิตกฺกสวิจารา ขนฺธาฯ วิตกฺกญฺจ มหาภูเต จ ปฏิจฺจ กฏตฺตารูปํฯ ขนฺธา วตฺถุํ วิปฺปยุตฺตปจฺจยาฯ กฏตฺตารูปํ วิตกฺกํ วิปฺปยุตฺตปจฺจยาฯ (4)

อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปฏิจฺจ อวิตกฺกวิจารมตฺโต จ อวิตกฺกอวิจาโร จ ธมฺมา…เป.… อวิตกฺกวิจารมตฺตํ เอกํ ขนฺธญฺจ วิจารญฺจ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป.… ขนฺธา วตฺถุํ วิปฺปยุตฺตปจฺจยาฯ จิตฺตสมุฏฺฐานํ รูปํ ขนฺเธ จ วิจารญฺจ วิปฺปยุตฺตปจฺจยาฯ ปฏิสนฺธิกฺขเณ อวิตกฺกวิจารมตฺตํ เอกํ ขนฺธญฺจ วิจารญฺจ ปฏิจฺจ ตโย ขนฺธา กฏตฺตา จ รูปํ…เป.… ขนฺธา วตฺถุํ วิปฺปยุตฺตปจฺจยาฯ กฏตฺตารูปํ ขนฺเธ จ วิจารญฺจ วิปฺปยุตฺตปจฺจยาฯ ปฏิสนฺธิกฺขเณ อวิตกฺกวิจารมตฺตํ เอกํ ขนฺธญฺจ วตฺถุญฺจ ปฏิจฺจ ตโย ขนฺธา…เป.… ทฺเว ขนฺเธ จ…เป.… อวิตกฺกวิจารมตฺเต ขนฺเธ จ มหาภูเต จ ปฏิจฺจ กฏตฺตารูปํฯ ขนฺธา วตฺถุํ วิปฺปยุตฺตปจฺจยาฯ กฏตฺตารูปํ ขนฺเธ วิปฺปยุตฺตปจฺจยาฯ ปฏิสนฺธิกฺขเณ อวิตกฺกวิจารมตฺตํ เอกํ ขนฺธญฺจ วตฺถุญฺจ ปฏิจฺจ ตโย ขนฺธา วิจาโร จ…เป.… ทฺเว ขนฺเธ จ…เป.… วตฺถุํ วิปฺปยุตฺตปจฺจยาฯ (5)

[19] สวิตกฺกสวิจารญฺจ อวิตกฺกวิจารมตฺตญฺจ ธมฺมํ ปฏิจฺจ สวิตกฺกสวิจาโร ธมฺโม อุปฺปชฺชติ…เป.… สวิตกฺกสวิจารํ เอกํ ขนฺธญฺจ วิตกฺกญฺจ ปฏิจฺจ ตโย ขนฺธา…เป.… ทฺเว ขนฺเธ จ…เป.… วตฺถุํ วิปฺปยุตฺตปจฺจยาฯ ปฏิสนฺธิกฺขเณ…เป.… วตฺถุํ วิปฺปยุตฺตปจฺจยาฯ (1)

สวิตกฺกสวิจารญฺจ อวิตกฺกวิจารมตฺตญฺจ ธมฺมํ ปฏิจฺจ อวิตกฺกอวิจาโร ธมฺโม อุปฺปชฺชติ…เป.… สวิตกฺกสวิจาเร ขนฺเธ จ วิตกฺกญฺจ ปฏิจฺจ จิตฺตสมุฏฺฐานํ รูปํฯ ขนฺเธ จ วิตกฺกญฺจ วิปฺปยุตฺตปจฺจยาฯ ปฏิสนฺธิกฺขเณ…เป.… ขนฺเธ จ วิตกฺกญฺจ วิปฺปยุตฺตปจฺจยาฯ (2)

สวิตกฺกสวิจารญฺจ อวิตกฺกวิจารมตฺตญฺจ ธมฺมํ ปฏิจฺจ สวิตกฺกสวิจาโร จ อวิตกฺกอวิจาโร จ ธมฺมา อุปฺปชฺชนฺติ…เป.… สวิตกฺกสวิจารํ เอกํ ขนฺธญฺจ วิตกฺกญฺจ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… ขนฺธา วตฺถุํ วิปฺปยุตฺตปจฺจยาฯ จิตฺตสมุฏฺฐานํ รูปํ ขนฺเธ จ วิตกฺกญฺจ วิปฺปยุตฺตปจฺจยาฯ ปฏิสนฺธิกฺขเณ…เป.… ขนฺธา วตฺถุํ วิปฺปยุตฺตปจฺจยาฯ กฏตฺตารูปํ ขนฺเธ จ วิตกฺกญฺจ วิปฺปยุตฺตปจฺจยาฯ (3)

[20] สวิตกฺกสวิจารญฺจ อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปฏิจฺจ สวิตกฺกสวิจาโร ธมฺโม อุปฺปชฺชติ…เป.… ปฏิสนฺธิกฺขเณ สวิตกฺกสวิจารํ เอกํ ขนฺธญฺจ วิตกฺกญฺจ วตฺถุญฺจ ปฏิจฺจ ตโย ขนฺธา…เป.… ทฺเว ขนฺเธ…เป.… ขนฺธา วตฺถุํ วิปฺปยุตฺตปจฺจยาฯ (1)

สวิตกฺกสวิจารญฺจ อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปฏิจฺจ อวิตกฺกอวิจาโร ธมฺโม อุปฺปชฺชติ…เป.… สวิตกฺกสวิจาเร ขนฺเธ จ วิตกฺกญฺจ มหาภูเต จ ปฏิจฺจ จิตฺตสมุฏฺฐานํ รูปํฯ ขนฺเธ จ วิตกฺกญฺจ วิปฺปยุตฺตปจฺจยาฯ ปฏิสนฺธิกฺขเณ…เป.… ขนฺเธ จ วิตกฺกญฺจ วิปฺปยุตฺตปจฺจยาฯ (2)

สวิตกฺกสวิจารญฺจ อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปฏิจฺจ สวิตกฺกสวิจาโร จ อวิตกฺกอวิจาโร จ ธมฺมา อุปฺปชฺชนฺติ วิปฺปยุตฺตปจฺจยา – ปฏิสนฺธิกฺขเณ สวิตกฺกสวิจารํ เอกํ ขนฺธญฺจ วิตกฺกญฺจ วตฺถุญฺจ ปฏิจฺจ ตโย ขนฺธา…เป.… ทฺเว ขนฺเธ จ…เป.… สวิตกฺกสวิจาเร ขนฺเธ จ วิตกฺกญฺจ มหาภูเต จ ปฏิจฺจ กฏตฺตารูปํ ฯ ขนฺธา วตฺถุํ วิปฺปยุตฺตปจฺจยาฯ กฏตฺตารูปํ ขนฺเธ จ วิตกฺกญฺจ วิปฺปยุตฺตปจฺจยาฯ (3)

อตฺถิ-อวิคตปจฺจยา

[21] สวิตกฺกสวิจารํ ธมฺมํ ปฏิจฺจ สวิตกฺกสวิจาโร ธมฺโม อุปฺปชฺชติ อตฺถิปจฺจยา…เป.… นตฺถิปจฺจยา, วิคตปจฺจยา, อวิคตปจฺจยา (สํขิตฺตํ)ฯ

1. ปจฺจยานุโลมํ

2. สงฺขฺยาวาโร