ปฐมวคฺโค

อถ โข มิลินฺโท ราชา เยนายสฺมา นาคเสโน เตนุปสงฺกมิ อุปสงฺกมิตฺวา
อายสฺมตา นาคเสเนน สทฺธึ สมฺโมทิ ฯ สมฺโมทนียํ กถํ สาราณียํ วีติสาเรตฺวา เอกมนฺตํ
นิสีทิ ฯ อายสฺมาปิ โข ปฏิสมฺโมทิเยว รญฺโญ มิลินฺทสฺส จิตฺตํ อาราเธสิ ฯ อถ โข
มิลินฺโท ราชา อายสฺมนฺตํ นาคเสนํ ปฐมํ ปญฺหํ ปุจฺฉิ สมุลฺลปิตุกาโม ภนฺเตติ ฯ
สมุลฺลเปหิ มหาราช อหํ โสตุกาโมติ ฯ สมุลฺลปิโต อหํ ภนฺเต ตฺวํ สุณาหีติ ฯ สุณามิ
มหาราช ตฺวํ สมุลฺลปาหีติ ฯ กึ ภนฺเต ตยา สุโตติ ฯ กึ มหาราช ตยา สมุลฺลปิโตติ ฯ
ปุจฺฉิตํ ภนฺเตติ ฯ วิสชฺชิตํ มหาราชาติ ฯ กึ ภนฺเต ตยา วิสชฺชิโตติ ฯ กึ มหาราช ตยา
ปุจฺฉิโตติ ฯ เอวํ วุตเต ปญฺจสตา โยนกา อายสฺมโต นาคเสนสฺส สาธุการํ ปวตฺเตตฺวา
มิลินฺทํ ราชานํ เอตทโวจุํ อิทานิ โช ตฺวํ มหาราช ภาสสฺสูติ ฯ
อถ โข มิลินฺโท ราชา อายสฺมนฺตํ นาคเสนํ ตทุตฺตรึ ปญฺหํ ปุจฺฉิ สมุลฺลปนฺตานํ
ปน ภนฺเต นามญฺจ โคตฺตญฺจ น ชานามิ กถาเยว จ น อุปฺปชฺชติ วากฺยํ น ปติฏฺฐติ
กึนาโมสิ ภนฺเตติ ฯ นาคเสโนติ โข มหาราช สพฺรหฺมจารี สมุทาจรนฺติ อปิ จ มา
ตาปิตโร นามํ กโรนฺติ นาคเสโนติ วา วิรเสโนติ วา สุรเสโนติ วา สีหเสโนติ วา อปิ จ
มหาราช สงฺขฺยยาสมญฺญา ปญฺญตฺติโวหาโร นาคเสโนติ เยน มหาราช สพฺรหฺมจารี
สมุทจรนฺติ ปุคฺคโล ตตฺถ น อุปลพฺภตีติ ฯ อถ โข มิลินฺโท ราชา เอวมาห สุณนฺตุ เม
โภนฺโต อิเม ปญฺจสตา โยนกา อสีติสหสฺสา ภิกฺขู อยํ นาคเสโนน เอวมาห นาคเสโนติ โข
มหาราช สพฺรหฺมจารี สมุทาจรนฺติ อปิ จ ปุคฺคโล ตตฺถ น อุปลพฺภตีติ ฯ สเจ ภนฺเต
นาคเสน สตฺโต นตฺถิ เยหิ ปตฺตจีวรํ ทินฺนํ ปิณฺปาตํ ทินฺนํ เสนาสนคิลาน-
ปจฺจยเภสชฺชปริกฺขารํ ทินฺนํ เตสํ กุสลํ นตฺถิ ตุวํ มาริโต ปาณาติปาโต นตฺถิ สเจ
ภนฺเต นาคเสน ปุคฺคโล น อุปลพฺภติ โกจรหิ ตุมฺหากํ จีวรํ ปิณฺฑปาตํ เสนาสนํ
คิลานปจฺจยเภสชฺชปริขารํ เทติ ดกจรหิ ตํ ภุญฺชติ โก สีลํ รกฺขติโก ภาวนํ อนุยุญฺชติ
โก มคฺคผลนิพฺพานํ สจฺฉิกโรติ โก ปาณาติปาตํ กโรติ โก อทินฺนํ อาทิยติ โก กาเมสุ มิจฺฉาจารํ
จรติ โก มุสาวาทํ ภณติ โก มชฺชํ ปิวติ โก ปญฺจานนฺตริยกมฺมํ กโรติ ตสฺมา
นตฺถิ กุสลํ นตฺถิ อกุสลํ นตฺถิ กุสลากุสลานํ กมฺมานํ กตฺตา วา กาเรตา วา นตฺถิ

สุกฏทุกกฏานํ กมฺมานํ ผลวิปาโก สเจ ภนฺเต นาคเสน โย ตุมฺเห มาเรติ นตฺถิ ตสฺสาปิ
ปาณาติปาโต ตุมฺหากํ ภนฺเต นาคเสน นตฺถิ อาจริโย นตฺถิ อุปชฺฌาโย นตฺถิ อุปสมฺปทา
นาคเสโนติ มํ มหาราช สพฺรหฺมจารี สมุทาจรนฺตีติ ยํ วทสิ กตโม เอตฺถ นาคเสโน
กึ นุ โข ภนฺเต อุวํ ปริปุจฺฉนฺตานํ อมฺหากํ ภนฺเต ตํ สทฺทํ ปริสุยฺยสีติ ฯ เอวํ มหาราช
สทฺทํ ปริสุยฺยามีติ ฯ สเจ ภนฺเต สทฺทํ ปริสุยฺยสิ อตฺถิ เอตฺถ นาคเสโนติ ฯ น หิ
มหาราชาติ ฯ กึ ภนฺเต นาคเสน เกสา วา นาคเสโนติ ฯ น หิ มหาราชาติ ฯ โลมา
วา นาคเสโนติ ฯ หิ มหาราชาติ ฯ นขา วา นาคเสโนติ ฯ น หิ มหาราชาติ ฯ
ทนฺตา วา นาคเสโนติ ฯ น หิ มหาราชาติ ฯ ตโจ วา นาคเสโนติ ฯ น หิ
มหาราชาติ ฯ มํสํ วา นาคเสโนติ ฯ น หิ มหาราชาติ ฯ นหารู วา อฏฺฐี วา อฏฺฐีมิญฺชํ
วา วกฺกํ วา หทยํ วา ยกนํ วา กิโลมิกํ วา ปิหกํ วา ปปฺผาสํ วา อนฺตํ วา
อนฺตคุณํ วา อุทริยํ วา กรีสํ วา ปิตฺตํ วา เสมฺหํ วา ปุพฺโพ วา โลหิตํ วา เสโท วา เมโท
วา อสฺสุ วา วสา วา เขโฬ วา สิงฺฆานิกา วา ฬสิกา วา มุตฺตํ วา มตฺถกํ วา มตฺถลุงฺคํ
วา นาคเสโนติ ฯ น หิ มหาราชาติ ฯ รูปํ วา นาคเสโนติ ฯ เวทนา วา นาคเสโนติ ฯ
สญฺญา วา นาคเสโนติ ฯ สงฺขารา วา นาคเสโนติ ฯ วิญฺญาณํ วา นาคเสโนติ ฯ
น หิ มหาราชาติ ฯ จกฺขุธาตุ วา รูปธาตุ วา โสตธาตุ วา สทฺทธาตุ วา ฆานธาตุ วา
คนฺธธาตุ วา ชิวฺหาธาตุ วา รสธาตุ วา กายธาตุ วา โผฏฺฐพฺพธาตุ วา มโนธาตุ วา
นาคเสโนติ ฯ น หิ มหาราชาติ ฯ กึ ปน ภนฺเต รูปํ เวทนา สญฺญา สงฺขารา วิญฺญาณํ
นาคเสโนติ ฯ น หิ มหาราชาติ ฯ กึ ปน ภนฺเต อญฺญตร รูปํ เวทนา สญฺญา สงฺขารา
วิญญาณํ วา นาคเสโนติ ฯ น หิ มหาราชาติ ฯ ตว ภนฺเต ปริปุจฺฉนฺโต น ปสฺสามิ
น ทุฏิขามิ นาคเสนํ นตฺถิ ตฺวํ ภนฺเต อลิกํ ภาสสิ มุสาวาทํ วทสีติ ฯ เอวํ วุตฺเต อถ โข
อายสฺมา นาคเสโน อรหา ปฏิสมฺภิทปฺปตฺโต เมตฺตาภวนิโย มิลินฺทสฺส รญฺโญ เจตสา
เจโตปริวิตกฺกมญฺญาย มุหุตฺตํ ตุณฺหี อโหสิ ฯ มุหุตฺตํ ตุณฺหี หุตฺวา มิลินฺทํ ราชานํ
เอตทโวจ ตฺวํ มหาราช อจฺจนฺตํ สุขุามาโล ขตฺติยสุขุมาโล มชฺฌนฺติกสมยํ อุณฺหาตเป
นครโต นิกฺขมิตฺวา มม สนฺติกํ ปาเทน อาคจฺฉสิ สกฺขราสุ ปาทนฺตํ ปริกฺขตาสุ ปาทา
รุชฺฌนฺติ กาโย กิลมติ จิตฺตํ อุปหญฺญฺติ ตว ทุกฺขสหคตํ กายวิญฺญาณํ อุปฺปชฺชติ ฯ ตํ
กิสฺส เหตุ จ ตสฺมา จณฺฑิโย จณฺฑิยวาจํ ภสติ ตฺวํ มหาราช ขรนฺตํ ปฏิสํเสเทสิ กินฺนุ
ตฺวํ ปาเทนาคโตสิ อุทาหุ วาหเนนาติ ฯ อถ โข มิลินฺโท ราชา อายสฺมนฺตํ นาคเสนํ
เอตทโวจ นาหํ ภนฺเต นาคเสน ตว สนฺติกํ ปาเทน อาคจฺฉามิ รเถน โข อหํ ภนฺเต นาคเสน

ตว สนฺติกํ อาคจฺฉามีติ ฯ สุณนฺตุ เม โภนฺโต ปญฺจสตา ดยนกา อสีติสหสฺสา จ ภิกฺขู
อยํ มิลินฺโท ราชา เอวมาห รเถน โข อหํ ภนฺเต ตว สนฺติกํ อาคจฺฉามีติ ฯ อถ โข
อายสฺมา นาคเสโน มิลินฺทํ ราชานํ เอตทโวจ รโถติ วจนํ มหาราช วเทสีติ ฯ
วทามิหํ ภนฺเต นาคเสนาติ ฯ สเจ ตฺวํ มหาราช รเถน อาคจฺฉสิ รถํ เม อาดรเจสิ อีสา
รโถติ ฯ น หิ ภนฺเตติ ฯ อกฺขํ วา รโถติ ฯ น หิ ภนฺเตติ ฯ อกฺเขสุ วา รโถติ ฯ
น หิ ภนฺเตติ ฯ จกฺกํ วา รโถติ ฯ น หิ ภนฺเตติ ฯ จกฺเกสุ วา รโถติ ฯ น หิ
ภนฺเตติ ฯ รถทณฺฑกํ วา รโถติ ฯ น หิ ภนฺเตติ ฯ รถปญฺชรํ วา รโถติ ฯ
น หิ ภนฺเตติ ฯ รสฺมิโย วา รโถติ ฯ น หิ ภนฺเตติ ฯ รสฺมิเยสุ วา รโถติ ฯ น หิ
ภนฺเตติ ฯ ปโฏทยฏฺฐิ วา รโถติ ฯ น หิ ภนฺเตติ ฯ ปโฏทยฏฺฐมฺหิ วา รโถติ ฯ น
หิ ภนฺเตติ ฯ ยุคํ วา รโถติ ฯ น หิ ภนฺเตติ ฯ ยุเคสุ วา รโถติ ฯ น หิ
ภนฺเตติ ฯ ตว มหาราช ปริปุจฺฉิตํ รถํ น ปสฺสามิ รโถ นตฺถิ ตฺวํ มหาราช อลิกํ
ภาสสิ มุสาวาทํ วเทสิ ตฺวํ อิมสฺมึ ชมฺพูทีเป อคฺคราชา กิสฺสา ปน ตฺวํ มหาราช
ภายิตฺวา มุสา ภาสสีติ ฯ เอวํ วุตฺเต ปญฺจสตา โยนกา อายสฺมนฺตํ นาคเสนํ
สาธุการํ ปวตฺเตตฺวา มิลินฺทํ ราชานํ เอตทโวจุํ อิทานิ ตฺวํ มหาราช ภาสสฺสูติ ฯ
อถ โข มิลินฺโท ราชา อายสฺมนฺตํ นาคเสนํ เอตทโวจ นาหํ ภนฺเต นาคเสน มุสา
ภณามิ อีสญฺจ ปฏิจฺจ อกฺชญฺจ ปฏิจฺจ จกฺกญฺจ ปฏิจฺจ รถทณฺฑกญฺจ ปฏิจฺจ รถปญฺชรญฺจ
ปฏิจฺจ รสฺมิญฺจ ปฏิจฺจ ปโฏทยฏฺฐิญฺจ ปฏิจฺจ ยุคญฺจ ปฏิจฺจ รโถติ ปญฺญตฺตึ คจฺฉตีติ
ฯ สุฏฺฐุ โข มหาราช ชาเนยฺยาสิ เอวเมว โข มหาราชา อหญฺจ นาคเสโนติ ฯ เกสญฺจ
ปฏิจฺจ โลมญฺจ ปฏิจฺจ นขญฺจ ปฏิจฺจ ทนฺตญฺจ ปฏิจฺจ ตจญฺจ ปฏิจฺจ มํสญิจ ปฏิจฺจ
นฺหารุญฺจ ปฏิจฺจ อฏฺฐิญฺจ ปฏิจฺจ ฯ เป ฯ มตฺถลุงฺคญฺจ ปฏิจฺจ นาคเสโนติ นามปญฺญตฺติ
คญฺฉตีติ ฯ ภาสิตํ มหาราช ปฏิจฺฉราย ภิกฺขุนิยา ภควโต สมฺมุขา จ
ยถาปิ องฺคสมฺภารา โหติ สทฺโท รโถ อิติ
เอวํ ขนฺเธสุ สนฺเตสุ โหติ สตฺโตติ สมฺมตีติ ฯ
อจฺฉริยํ ภนฺเต นาคเสน อพฺภูตํ ภนฺเต นาคเสน อติวิจิตฺรานิ ปญฺหาปฏิภาณานิ วิสชฺชิตานิ
ยทิ พุทฺโธ ติฏฺเฐยฺย สาธุการํ ปวตฺเตยฺย สาธุ ภนเต นาคเสน วิจิตฺรานิ ปญฺหาปฏิภาณานิ
วิสชฺชิตานีติ ฯ

นามปญฺโห ปฐโม ฯ