เมนู

จตุตฺถวคฺโค


ภนฺเต นาคเสน ภาสิตํ เจต ภควตา มม วา ภิกฺขเว ปเร วณฺณํ ภาเสยฺยุํ
ธมฺมสฺส วา สงฺฆสฺส วา วณฺณํ ภาเสยฺยุํ ตตฺร ตุมฺเหหิ น อานนฺโท น โสมนสฺสํ
น เจตโส อุพฺพิลฺลาวิตตฺถํ กรณียนฺติ ฯ ปุน จ ตถาคโต เสลสฺส พฺราหฺมณสฺส ยถาภูเต
วณฺเณ ภญฺญมาเน อานนฺทิโต สุมโน อุพฺพิลฺลาวิโต ภิยิโย อุตฺตรึ สกคุณํ อภาสิ
ราชา หมสฺมิ เลส ธมฺมราชา อนุตฺตโร
ธมฺเมน จกฺกํ วตฺเตมิ จกฺกํ อปฺปฏิวตฺติยนฺติ ฯ
ยทิ ภนฺเต นาคเสน ตถาคเตน ภาสิตํ มม วา ภิกฺขเว ปเร วณฺณํ ภาเสยฺยุํ ธมฺมสฺส
วา สงฺฆสฺส วา วณฺณํ ภาเสยฺยุํ ตตฺร ตุมฺเหหิ น อานนฺโท น โสมนสฺสํ น เจตโส
อุพฺพิลฺลาวิตตฺถํ กรณียนฺติ เตนหิ เสลสฺส พฺราหฺมณสฺส ยถาภูเต วณฺเณ ภญฺญมาเน
อานนฺทิโต สุมโน อุพฺพิลฺลาวิโต อุตฺตรึ สกคุณํ อภาสีติ ยํ วจนํ ตํ มิจฺฉา ฯ ยทิ
เสลสฺส พฺรามหฺมณสฺส ยถาภูเต วณฺเณ ภญฺญมาเน อานนฺทิโต สุมโน อุพฺพิลฺลาวฺโต อุตฺตรึ
สกคุณํ อภาสิ เตนหิ มม วา ภิกฺขเว ปเร วณฺรํ ภาเสยฺยุํ ฯ เป ฯ กรณียนฺติ ตมฺปิ
วจนํ มิจฺฉา ฯ อยมฺปิ อุภโต โกฏิโก ปญฺโห ตยา วิสชฺชิตพฺโพติ ฯ
ภาสิตํปิ เหตํ มหาราช ภควตา มม วา ภิกฺขเว ปเร วณฺณํ ภาเสยฺยุํ
ธมฺมสฺส วา สงฺฆสฺส วา ฯ เป ฯ น อุพฺพิลฺลาวิตตฺตํ กรณียนิติ ฯ เสเลน พฺราหฺมเณน
ยถาภูเตน วณฺเณ ภญฺญมาเน อุตฺตรึ สกคุรํ ปริกิตฺเตสิ
ราชา หมสฺมิ เสล ฯ เป ฯ จกฺกํ อปฺปฏิวตฺติยนฺติ ฯ
ปฐมํ มหาราช ภควา ธมฺาสฺส สภาวลกฺขณํ สภาวอธิคตํ ยถาภูตํ ตถาภูตํ ตทตฺถํ
ปริทีเปนฺโต อภาสิ มม วา ภิกฺขเว ปเร วณฺณํ ภาเสยฺยุํ ฯ เป ฯ น อุพฺพิลฺลาวิตตฺตํ
กรณียนฺติ ฯ ยํ ปน เสเลน พฺราหฺมเณน ยถาภูเต วณฺเณ ภญฺญมาเน อุตฺตรึ สกคุณํ
ปริกิตฺเตสิ ราชา หมสฺมิ ฯ เป ฯ อนุตฺตโรติ ตํปิ น ลาภเตหุ น ยสเหตุ น ปกฺขเหตุ
น อนฺเตวาสิกมฺยตาย อถ โข อนุกมฺปาย การุณิกาย หิตวเสน สตฺตานํ เอวมิมสฺส

ธมฺมสฺส ปฏิเวโธ ภวิสฺสติ ติณฺณญฺจ มาณวกสตานนฺติ เอวํ อุตฺตรึ สกคุณํ อภาสิ
ราชา หมสฺมิ เสล ฯ เป ฯ จกฺกํ อปฺปฏิวตฺติยนฺติ ฯ
สาธุ ภนฺเต นารเสน เอวเมตํ ตถา สมฺปกิจฺฉามีติ ฯ

วณฺณภณนปญฺโห ปฐโม ฯ


ภนฺเต นาคเสน ภาสิตํปิ เหตํ ภควตา
อหึสาย ปรํ โลเก ปิโย โหหิสิ มามโกติ ฯ
ปุน จ ภควตา ภณิตํ
นิคฺคเห นิคฺคหารหํ ปคฺคเห ปคฺคหารหนฺติ ฯ
นิคฺคโห นาม ภนฺเต นาคเสน หตฺถจฺเฉชฺชํ ปาทจฺเฉชฺชํ วโธ พนฺธนํ กรณํ มรณํ
สนฺตติวิโกปนํ ฯ น เอตํ วจนํ ภควโต ยุตฺตํ น จ ภควา อรหติ เอตํ วจนํ
วตฺตุํ ฯ ยทิ ภนฺเต นาคเสน ภควตา ภณิตํ
อหึสาย ปรํ โลเก ปิโย โหหิสิ มามโกติ
เตนหิ
นิคฺคเห นิคฺคหารหํ ปคฺคเห ปคฺคหารหนฺติ
ยํ วจนํ ตํ มิจฺฉา ฯ ยทิ ภควตา ภณิตํ
นิคฺคเห นิคฺคหารหํ ปคฺคเห ปคฺคหารหนฺติ
เตนหิ
อหึสาย ปรํ โลเก ปิโย โหหิสิ มามโกติ
ตมฺปิ วจนํ มิจฺฉา ฯ อยํ อุภโต โกฏิโก ปญฺโห ตยา วิสชฺชิตพฺโพติ ฯ
ภาสิตํปิ เหตํ มหาราช ภควตา
อหึสาย ปรํ โลเก ปิโย โหหิสิ มามโกติ ฯ