กมฺม-วิปากทุกานิ

[275] กมฺมปจฺจยา …เป.… วิปากปจฺจยา เหตุยา เอกํ, อารมฺมเณ เอกํ, อธิปติยา เอกํ, อนนฺตเร เอกํ, สมนนฺตเร เอกํ, สหชาเต เอกํ, อญฺญมญฺเญ เอกํ, นิสฺสเย เอกํ, อุปนิสฺสเย เอกํ, ปุเรชาเต เอกํ, กมฺเม เอกํ, อาหาเร เอกํ, อินฺทฺริเย เอกํ, ฌาเน เอกํ, มคฺเค เอกํ, สมฺปยุตฺเต เอกํ, วิปฺปยุตฺเต เอกํ, อตฺถิยา เอกํ, นตฺถิยา เอกํ, วิคเต เอกํ, อวิคเต เอกํ…เป.…ฯ

อาหาราทิทุกานิ

[276] อาหารปจฺจยา…เป.… อินฺทฺริยปจฺจยา… ฌานปจฺจยา… มคฺคปจฺจยา… สมฺปยุตฺตปจฺจยา… วิปฺปยุตฺตปจฺจยา… อตฺถิปจฺจยา นตฺถิปจฺจยา… วิคตปจฺจยา…เป.…ฯ

อวิคตปจฺจยา เหตุยา สตฺตรส, อารมฺมเณ สตฺต…เป.… วิคเต สตฺตฯ

ปจฺจยวาเร อนุโลมํฯ

2. ปจฺจยปจฺจนียํ

1. วิภงฺควาโร

นเหตุปจฺจโย

[277] อกุสลํ ธมฺมํ ปจฺจยา อกุสโล ธมฺโม อุปฺปชฺชติ น เหตุปจฺจยา – วิจิกิจฺฉาสหคเต อุทฺธจฺจสหคเต ขนฺเธ ปจฺจยา วิจิกิจฺฉาสหคโต อุทฺธจฺจสหคโต โมโหฯ (1)

อพฺยากตํ ธมฺมํ ปจฺจยา อพฺยากโต ธมฺโม อุปฺปชฺชติ นเหตุปจฺจยา – อเหตุกํ วิปากาพฺยากตํ กิริยาพฺยากตํ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ ปจฺจยา ทฺเว ขนฺธา จิตฺตสมุฏฺฐานญฺจ รูปํ; อเหตุกปฏิสนฺธิกฺขเณ วิปากาพฺยากตํ เอกํ ขนฺธํ ปจฺจยา ตโย ขนฺธา กฏตฺตา จ รูปํ…เป.… ทฺเว ขนฺเธ ปจฺจยา ทฺเว ขนฺธา กฏตฺตา จ รูปํ; ขนฺเธ ปจฺจยา วตฺถุ, วตฺถุํ ปจฺจยา ขนฺธา; เอกํ มหาภูตํ ปจฺจยา ตโย มหาภูตา…เป.… มหาภูเต ปจฺจยา จิตฺตสมุฏฺฐานํ รูปํ กฏตฺตารูปํ อุปาทารูปํ; พาหิรํ … อาหารสมุฏฺฐานํ… อุตุสมุฏฺฐานํ … อสญฺญสตฺตานํ เอกํ มหาภูตํ ปจฺจยา ตโย มหาภูตา…เป.… มหาภูเต ปจฺจยา กฏตฺตารูปํ อุปาทารูปํฯ จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํ; วตฺถุํ ปจฺจยา อเหตุกา วิปากาพฺยากตา กิริยาพฺยากตา ขนฺธาฯ (1)

อพฺยากตํ ธมฺมํ ปจฺจยา อกุสโล ธมฺโม อุปฺปชฺชติ นเหตุปจฺจยา – วตฺถุํ ปจฺจยา วิจิกิจฺฉาสหคโต อุทฺธจฺจสหคโต โมโหฯ (2)

อกุสลญฺจ อพฺยากตญฺจ ธมฺมํ ปจฺจยา อกุสโล ธมฺโม อุปฺปชฺชติ นเหตุปจฺจยา – วิจิกิจฺฉาสหคเต อุทฺธจฺจสหคเต ขนฺเธ จ วตฺถุญฺจ ปจฺจยา วิจิกิจฺฉาสหคโต อุทฺธจฺจสหคโต โมโหฯ (1)

นอารมฺมณปจฺจโย

[278] กุสลํ ธมฺมํ ปจฺจยา อพฺยากโต ธมฺโม อุปฺปชฺชติ นอารมฺมณปจฺจยา – กุสเล ขนฺเธ ปจฺจยา จิตฺตสมุฏฺฐานํ รูปํฯ

(ยถา ปฏิจฺจวาเร นอารมฺมณปจฺจยา, เอวํ วิตฺถาเรตพฺพํฯ)

นอธิปติปจฺจโย

[279] กุสลํ ธมฺมํ ปจฺจยา กุสโล ธมฺโม อุปฺปชฺชติ นอธิปติปจฺจยา – กุสลํ เอกํ ขนฺธํ ปจฺจยา… ตีณิฯ

อกุสลํ ธมฺมํ ปจฺจยา… ตีณิฯ

อพฺยากตํ ธมฺมํ ปจฺจยา…เป.… ปฏิสนฺธิกฺขเณ…เป.… (อพฺยากตํ ปริปุณฺณํ กาตพฺพํ)ฯ พาหิรํ… อาหารสมุฏฺฐานํ… อุตุสมุฏฺฐานํ… อสญฺญสตฺตานํ เอกํ มหาภูตํ ปจฺจยา…เป.… จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํ, วตฺถุํ ปจฺจยา วิปากาพฺยากตา กิริยาพฺยากตา ขนฺธาฯ

อพฺยากตํ ธมฺมํ ปจฺจยา กุสโล ธมฺโม อุปฺปชฺชติ นอธิปติปจฺจยา, วตฺถุํ ปจฺจยา กุสลา ขนฺธา…เป.…ฯ

(ยถา อนุโลเม สหชาตปจฺจยํ, เอวํ คเณตพฺพํฯ)

นอนนฺตราทิปจฺจยา

[280] กุสลํ ธมฺมํ ปจฺจยา อพฺยากโต ธมฺโม อุปฺปชฺชติ นอนนฺตรปจฺจยา… นสมนนฺตรปจฺจยา… นอญฺญมญฺญปจฺจยา… นอุปนิสฺสยปจฺจยา… นปุเรชาตปจฺจยาฯ

(ยถา ปฏิจฺจวาเร, เอวํ วิตฺถาเรตพฺพํฯ)

นปจฺฉาชาตาทิปจฺจยา

[281] กุสลํ ธมฺมํ ปจฺจยา กุสโล ธมฺโม อุปฺปชฺชติ นปจฺฉาชาตปจฺจยา… นอาเสวนปจฺจยา…เป.… จกฺขายตนํ ปจฺจยา…เป.… (นปจฺฉาชาตปจฺจยมฺปิ นอาเสวนปจฺจยมฺปิ ปริปุณฺณํ, สตฺตรสฯ)

(ยถา อนุโลเม สหชาตปจฺจยํ, เอวํ วิตฺถาเรตพฺพํฯ)

นกมฺมปจฺจโย

[282] กุสลํ ธมฺมํ ปจฺจยา กุสโล ธมฺโม อุปฺปชฺชติ นกมฺมปจฺจยา – กุสเล ขนฺเธ ปจฺจยา กุสลา เจตนาฯ (1)

อกุสลํ ธมฺมํ ปจฺจยา อกุสโล ธมฺโม อุปฺปชฺชติ นกมฺมปจฺจยา – อกุสเล ขนฺเธ ปจฺจยา อกุสลา เจตนาฯ (1)

อพฺยากตํ ธมฺมํ ปจฺจยา อพฺยากโต ธมฺโม อุปฺปชฺชติ นกมฺมปจฺจยา, กิริยาพฺยากเต ขนฺเธ ปจฺจยา กิริยาพฺยากตา เจตนา; พาหิรํ… อาหารสมุฏฺฐานํ… อุตุสมุฏฺฐานํ เอกํ มหาภูตํ ปจฺจยา…เป.… อุปาทารูปํ, วตฺถุํ ปจฺจยา กิริยาพฺยากตา เจตนาฯ (1)

อพฺยากตํ ธมฺมํ ปจฺจยา กุสโล ธมฺโม อุปฺปชฺชติ นกมฺมปจฺจยา – วตฺถุํ ปจฺจยา กุสลา เจตนาฯ (2)

อพฺยากตํ ธมฺมํ ปจฺจยา อกุสโล ธมฺโม อุปฺปชฺชติ นกมฺมปจฺจยา – วตฺถุํ ปจฺจยา อกุสลา เจตนาฯ (3)

กุสลญฺจ อพฺยากตญฺจ ธมฺมํ ปจฺจยา กุสโล ธมฺโม อุปฺปชฺชติ นกมฺมปจฺจยา – กุสเล ขนฺเธ จ วตฺถุญฺจ ปจฺจยา กุสลา เจตนาฯ (1)