อพฺยากตํ ธมฺมํ ปจฺจยา อพฺยากโต ธมฺโม อุปฺปชฺชติ อญฺญมญฺญปจฺจยา – วิปากาพฺยากตํ กิริยาพฺยากตํ เอกํ ขนฺธํ ปจฺจยา ตโย ขนฺธา…เป.… ทฺเว ขนฺเธ ปจฺจยา ทฺเว ขนฺธา; ปฏิสนฺธิกฺขเณ วิปากาพฺยากตํ เอกํ ขนฺธํ ปจฺจยา ตโย ขนฺธา วตฺถุ จ…เป.… ทฺเว ขนฺเธ ปจฺจยา ทฺเว ขนฺธา วตฺถุ จ, ขนฺเธ ปจฺจยา วตฺถุ, วตฺถุํ ปจฺจยา ขนฺธา; เอกํ มหาภูตํ ปจฺจยา ตโย มหาภูตา…เป.… ทฺเว มหาภูเต ปจฺจยา ทฺเว มหาภูตา; พาหิรํ… อาหารสมุฏฺฐานํ… อุตุสมุฏฺฐานํ… อสญฺญสตฺตานํ เอกํ มหาภูตํ ปจฺจยา ตโย มหาภูตา…เป.… ทฺเว มหาภูเต ปจฺจยา ทฺเว มหาภูตา, จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํ, วตฺถุํ ปจฺจยา วิปากาพฺยากตา กิริยาพฺยากตา ขนฺธาฯ

อพฺยากตํ ธมฺมํ ปจฺจยา กุสโล ธมฺโม อุปฺปชฺชติ อญฺญมญฺญปจฺจยา – วตฺถุํ ปจฺจยา กุสลา ขนฺธาฯ

(ยถา อารมฺมณปจฺจยํ, เอวํ วิตฺถาเรตพฺพํฯ)

นิสฺสยปจฺจโย

[257] กุสลํ ธมฺมํ ปจฺจยา กุสโล ธมฺโม อุปฺปชฺชติ นิสฺสยปจฺจยา – กุสลํ เอกํ ขนฺธํ ปจฺจยา ตโย ขนฺธาฯ

(ยถา สหชาตปจฺจยํ, เอวํ วิตฺถาเรตพฺพํฯ)

อุปนิสฺสยปจฺจโย

[258] กุสลํ ธมฺมํ ปจฺจยา กุสโล ธมฺโม อุปฺปชฺชติ อุปนิสฺสยปจฺจยา – กุสลํ เอกํ ขนฺธํ ปจฺจยาฯ (อารมฺมณปจฺจยสทิสํฯ)

ปุเรชาตปจฺจโย

[259] กุสลํ ธมฺมํ ปจฺจยา กุสโล ธมฺโม อุปฺปชฺชติ ปุเรชาตปจฺจยาฯ กุสลํ เอกํ ขนฺธํ ปจฺจยา ตโย ขนฺธา…เป.… ทฺเว ขนฺเธ ปจฺจยา ทฺเว ขนฺธาฯ วตฺถุํ ปุเรชาตปจฺจยาฯ (1)

อกุสลํ ธมฺมํ ปจฺจยา อกุสโล ธมฺโม อุปฺปชฺชติ ปุเรชาตปจฺจยา – อกุสลํ เอกํ ขนฺธํ ปจฺจยา ตโย ขนฺธา…เป.… ทฺเว ขนฺเธ ปจฺจยา ทฺเว ขนฺธาฯ วตฺถุํ ปุเรชาตปจฺจยาฯ (1)

อพฺยากตํ ธมฺมํ ปจฺจยา อพฺยากโต ธมฺโม อุปฺปชฺชติ ปุเรชาตปจฺจยา – วิปากาพฺยากตํ กิริยาพฺยากตํ เอกํ ขนฺธํ ปจฺจยา ตโย ขนฺธา…เป.… ทฺเว ขนฺเธ ปจฺจยา ทฺเว ขนฺธา, วตฺถุํ ปุเรชาตปจฺจยา, จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํ, วตฺถุํ ปจฺจยา วิปากาพฺยากตา กิริยาพฺยากตา ขนฺธา, วตฺถุํ ปุเรชาตปจฺจยาฯ

อพฺยากตํ ธมฺมํ ปจฺจยา กุสโล ธมฺโม อุปฺปชฺชติ ปุเรชาตปจฺจยา – วตฺถุํ ปจฺจยา กุสลา ขนฺธา, วตฺถุํ ปุเรชาตปจฺจยาฯ

อพฺยากตํ ธมฺมํ ปจฺจยา อกุสโล ธมฺโม อุปฺปชฺชติ ปุเรชาตปจฺจยา – วตฺถุํ ปจฺจยา อกุสลา ขนฺธา, วตฺถุํ ปุเรชาตปจฺจยาฯ (3)

กุสลญฺจ อพฺยากตญฺจ ธมฺมํ ปจฺจยา กุสโล ธมฺโม อุปฺปชฺชติ ปุเรชาตปจฺจยา – กุสลํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ จ วตฺถุญฺจ ปจฺจยา ทฺเว ขนฺธา, วตฺถุํ ปุเรชาตปจฺจยาฯ (1)

อกุสลญฺจ อพฺยากตญฺจ ธมฺมํ ปจฺจยา อกุสโล ธมฺโม อุปฺปชฺชติ ปุเรชาตปจฺจยา – อกุสลํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ จ วตฺถุญฺจ ปจฺจยา ทฺเว ขนฺธา, วตฺถุํ ปุเรชาตปจฺจยาฯ (1)

อาเสวนปจฺจโย

[260] กุสลํ ธมฺมํ ปจฺจยา กุสโล ธมฺโม อุปฺปชฺชติ อาเสวนปจฺจยา – กุสลํ เอกํ ขนฺธํ ปจฺจยา…เป.…ฯ

อกุสลํ ธมฺมํ ปจฺจยา อกุสโล ธมฺโม อุปฺปชฺชติ อาเสวนปจฺจยา – อกุสลํ เอกํ ขนฺธํ ปจฺจยา…เป.…ฯ

อพฺยากตํ ธมฺมํ ปจฺจยา อพฺยากโต ธมฺโม อุปฺปชฺชติ อาเสวนปจฺจยา – กิริยาพฺยากตํ เอกํ ขนฺธํ ปจฺจยา ตโย ขนฺธา, ตโย ขนฺเธ ปจฺจยา เอโก ขนฺโธ, ทฺเว ขนฺเธ ปจฺจยา ทฺเว ขนฺธา, วตฺถุํ ปจฺจยา กิริยาพฺยากตา ขนฺธาฯ

อพฺยากตํ ธมฺมํ ปจฺจยา กุสโล ธมฺโม อุปฺปชฺชติ อาเสวนปจฺจยา – วตฺถุํ ปจฺจยา กุสลา ขนฺธาฯ

อพฺยากตํ ธมฺมํ ปจฺจยา อกุสโล ธมฺโม อุปฺปชฺชติ อาเสวนปจฺจยา – วตฺถุํ ปจฺจยา อกุสลา ขนฺธาฯ

กุสลญฺจ อพฺยากตญฺจ ธมฺมํ ปจฺจยา…เป.…ฯ