สํกิลิฏฺฐสํกิเลสิโก จ อสํกิลิฏฺฐสํกิเลสิโก จ ธมฺมา อสํกิลิฏฺฐสํกิเลสิกสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํ, อาหารํ, อินฺทฺริยํฯ สหชาตา – สํกิลิฏฺฐสํกิเลสิกา ขนฺธา จ มหาภูตา จ จิตฺตสมุฏฺฐานานํ รูปานํ อตฺถิปจฺจเยน ปจฺจโยฯ ปจฺฉาชาตา – สํกิลิฏฺฐสํกิเลสิกา ขนฺธา จ กพฬีกาโร อาหาโร จ ปุเรชาตสฺส อิมสฺส กายสฺส อตฺถิปจฺจเยน ปจฺจโยฯ ปจฺฉาชาตา – สํกิลิฏฺฐสํกิเลสิกา ขนฺธา จ รูปชีวิตินฺทฺริยญฺจ กฏตฺตารูปานํ อตฺถิปจฺจเยน ปจฺจโยฯ (2)

นตฺถิ-วิคตาวิคตปจฺจยา

[30] สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส นตฺถิปจฺจเยน ปจฺจโย… วิคตปจฺจเยน ปจฺจโย… อวิคตปจฺจเยน ปจฺจโยฯ

1. ปจฺจยานุโลมํ

2. สงฺขฺยาวาโร

สุทฺธํ

[31] เหตุยา สตฺต, อารมฺมเณ ฉ, อธิปติยา อฏฺฐ, อนนฺตเร สตฺต, สมนนฺตเร สตฺต, สหชาเต นว, อญฺญมญฺเญ ตีณิ, นิสฺสเย เตรส, อุปนิสฺสเย อฏฺฐ, ปุเรชาเต ตีณิ, ปจฺฉาชาเต ตีณิ, อาเสวเน ตีณิ, กมฺเม สตฺต, วิปาเก จตฺตาริ, อาหาเร สตฺต, อินฺทฺริเย สตฺต, ฌาเน สตฺต, มคฺเค สตฺต, สมฺปยุตฺเต ตีณิ, วิปฺปยุตฺเต ปญฺจ, อตฺถิยา เตรส, นตฺถิยา สตฺต, วิคเต สตฺต, อวิคเต เตรสฯ

เหตุสภาคํ

เหตุปจฺจยา อธิปติยา จตฺตาริ, สหชาเต สตฺต, อญฺญมญฺเญ ตีณิ, นิสฺสเย สตฺต, วิปาเก จตฺตาริ, อินฺทฺริเย จตฺตาริ, มคฺเค จตฺตาริ, สมฺปยุตฺเต ตีณิ, วิปฺปยุตฺเต ตีณิ, อตฺถิยา สตฺต, อวิคเต สตฺตฯ

เหตุสามญฺญฆฏนา (9)

[32] เหตุ-สหชาต-นิสฺสย-อตฺถิ-อวิคตนฺติ สตฺตฯ เหตุ-สหชาต-อญฺญมญฺญ-นิสฺสยอตฺถิ-อวิคตนฺติ ตีณิฯ เหตุ-สหชาต-อญฺญมญฺญ-นิสฺสย-สมฺปยุตฺต-อตฺถิ-อวิคตนฺติ ตีณิฯ เหตุ-สหชาต-นิสฺสย-วิปฺปยุตฺต-อตฺถิ-อวิคตนฺติ ตีณิฯ (อวิปากํ – 4)

เหตุ-สหชาต-นิสฺสย-วิปาก-อตฺถิ-อวิคตนฺติ จตฺตาริฯ เหตุ-สหชาต-อญฺญมญฺญนิสฺสย-วิปาก-อตฺถิ-อวิคตนฺติ ทฺเวฯ เหตุ-สหชาต-อญฺญมญฺญ-นิสฺสย-วิปากสมฺปยุตฺต-อตฺถิ-อวิคตนฺติ ทฺเวฯ เหตุ-สหชาต-นิสฺสย-วิปาก-วิปฺปยุตฺต-อตฺถิ-อวิคตนฺติ ทฺเวฯ เหตุ-สหชาต-อญฺญมญฺญ-นิสฺสย-วิปาก-วิปฺปยุตฺต-อตฺถิ-อวิคตนฺติ เอกํฯ (สวิปากํ – 5) (สํขิตฺตํฯ)

(ยถา กุสลตฺติเก, เอวํ วิตฺถาเรตพฺพํ)ฯ

อนุโลมํฯ

ปจฺจนียุทฺธาโร

[33] สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ (1)

สํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปจฺฉาชาตปจฺจเยน ปจฺจโย… กมฺมปจฺจเยน ปจฺจโยฯ (2)

สํกิลิฏฺฐสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส อุปนิสฺสยปจฺจเยน ปจฺจโยฯ (3)

สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส จ อสํกิลิฏฺฐสํกิเลสิกสฺส จ ธมฺมสฺส สหชาตปจฺจเยน ปจฺจโยฯ (4)

[34] อสํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโย… ปจฺฉาชาตปจฺจเยน ปจฺจโย… กมฺมปจฺจเยน ปจฺจโย… อาหารปจฺจเยน ปจฺจโย… อินฺทฺริยปจฺจเยน ปจฺจโยฯ (1)