เมนู

โสตํ…เป.… โผฏฺฐพฺเพ… วตฺถุํ อสฺสาเทติ อภินนฺทติ ; ตํ อารพฺภ ราโค อุปฺปชฺชติ…เป.… โทมนสฺสํ อุปฺปชฺชติฯ วตฺถุปุเรชาตํ – วตฺถุ สํกิลิฏฺฐสํกิเลสิกานํ ขนฺธานํ ปุเรชาตปจฺจเยน ปจฺจโยฯ (2)

อสํกิลิฏฺฐสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส ปุเรชาตปจฺจเยน ปจฺจโย – วตฺถุ อสํกิลิฏฺฐอสํกิเลสิกานํ ขนฺธานํ ปุเรชาตปจฺจเยน ปจฺจโยฯ (3)

ปจฺฉาชาตปจฺจโย

[18] สํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส ปจฺฉาชาตปจฺจเยน ปจฺจโย – ปจฺฉาชาตา สํกิลิฏฺฐสํกิเลสิกา ขนฺธา ปุเรชาตสฺส อิมสฺส กายสฺส ปจฺฉาชาตปจฺจเยน ปจฺจโยฯ (1)

อสํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส ปจฺฉาชาตปจฺจเยน ปจฺจโย – ปจฺฉาชาตา อสํกิลิฏฺฐสํกิเลสิกา ขนฺธา ปุเรชาตสฺส อิมสฺส กายสฺส ปจฺฉาชาตปจฺจเยน ปจฺจโยฯ (1)

อสํกิลิฏฺฐอสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส ปจฺฉาชาตปจฺจเยน ปจฺจโย – ปจฺฉาชาตา อสํกิลิฏฺฐอสํกิเลสิกา ขนฺธา ปุเรชาตสฺส อิมสฺส กายสฺส ปจฺฉาชาตปจฺจเยน ปจฺจโยฯ (1)

อาเสวนปจฺจโย

[19] สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส อาเสวนปจฺจเยน ปจฺจโย – ปุริมา ปุริมา สํกิลิฏฺฐสํกิเลสิกา ขนฺธา ปจฺฉิมานํ ปจฺฉิมานํ สํกิลิฏฺฐสํกิเลสิกานํ ขนฺธานํ อาเสวนปจฺจเยน ปจฺจโยฯ (1)

อสํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อาเสวนปจฺจเยน ปจฺจโย – ปุริมา ปุริมา…เป.… อนุโลมํ โคตฺรภุสฺส… อนุโลมํ โวทานสฺส อาเสวนปจฺจเยน ปจฺจโยฯ (1)

อสํกิลิฏฺฐสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส อาเสวนปจฺจเยน ปจฺจโย – โคตฺรภุ มคฺคสฺส… โวทานํ มคฺคสฺส อาเสวนปจฺจเยน ปจฺจโยฯ (2)

กมฺมปจฺจโย

[20] สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส กมฺมปจฺจเยน ปจฺจโย – สํกิลิฏฺฐสํกิเลสิกา เจตนา สมฺปยุตฺตกานํ ขนฺธานํ กมฺมปจฺจเยน ปจฺจโยฯ (1)

สํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกาฯ สหชาตา – สํกิลิฏฺฐสํกิเลสิกา เจตนา จิตฺตสมุฏฺฐานานํ รูปานํ กมฺมปจฺจเยน ปจฺจโยฯ นานากฺขณิกา – สํกิลิฏฺฐสํกิเลสิกา เจตนา วิปากานํ ขนฺธานํ กฏตฺตา จ รูปานํ กมฺมปจฺจเยน ปจฺจโยฯ (2)

สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส จ อสํกิลิฏฺฐสํกิเลสิกสฺส จ ธมฺมสฺส กมฺมปจฺจเยน ปจฺจโย – สํกิลิฏฺฐสํกิเลสิกา เจตนา สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ กมฺมปจฺจเยน ปจฺจโยฯ (3)

อสํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกาฯ สหชาตา – อสํกิลิฏฺฐสํกิเลสิกา เจตนา สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ กมฺมปจฺจเยน ปจฺจโยฯ ปฏิสนฺธิกฺขเณ…เป.…ฯ นานากฺขณิกา – อสํกิลิฏฺฐสํกิเลสิกา เจตนา วิปากานํ ขนฺธานํ กฏตฺตา จ รูปานํ กมฺมปจฺจเยน ปจฺจโยฯ (1)

อสํกิลิฏฺฐอสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกาฯ สหชาตา – อสํกิลิฏฺฐอสํกิเลสิกา เจตนา สมฺปยุตฺตกานํ ขนฺธานํ กมฺมปจฺจเยน ปจฺจโยฯ นานากฺขณิกา – อสํกิลิฏฺฐอสํกิเลสิกา กุสลา เจตนา วิปากานํ อสํกิลิฏฺฐอสํกิเลสิกานํ ขนฺธานํ กมฺมปจฺจเยน ปจฺจโยฯ (1)

อสํกิลิฏฺฐอสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส กมฺมปจฺจเยน ปจฺจโย – สหชาตา อสํกิลิฏฺฐอสํกิเลสิกา เจตนา จิตฺตสมุฏฺฐานานํ รูปานํ กมฺมปจฺจเยน ปจฺจโยฯ (2)