เมนู

อุปนิสฺสยปจฺจโย

[102] วิปาโก ธมฺโม วิปากสฺส ธมฺมสฺส อุปนิสฺสยปจฺจเยน ปจฺจโย – อนนฺตรูปนิสฺสโย, ปกตูปนิสฺสโย…เป.…ฯ

ปกตูปนิสฺสโย – กายิกํ สุขํ กายิกสฺส สุขสฺส, กายิกสฺส ทุกฺขสฺส, ผลสมาปตฺติยา อุปนิสฺสยปจฺจเยน ปจฺจโยฯ กายิกํ ทุกฺขํ กายิกสฺส สุขสฺส, กายิกสฺส ทุกฺขสฺส, ผลสมาปตฺติยา อุปนิสฺสยปจฺจเยน ปจฺจโยฯ ผลสมาปตฺติ กายิกสฺส สุขสฺส อุปนิสฺสยปจฺจเยน ปจฺจโยฯ (1)

วิปาโก ธมฺโม วิปากธมฺมธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, ปกตูปนิสฺสโย…เป.…ฯ

ปกตูปนิสฺสโย – กายิกํ สุขํ อุปนิสฺสาย ทานํ เทติ, สีลํ สมาทิยติ…เป.… สงฺฆํ ภินฺทติฯ กายิกํ ทุกฺขํ อุปนิสฺสาย ทานํ เทติ, สีลํ สมาทิยติ…เป.… สงฺฆํ ภินฺทติฯ กายิกํ สุขํ กายิกํ ทุกฺขํ สทฺธาย…เป.… ปตฺถนาย อุปนิสฺสยปจฺจเยน ปจฺจโยฯ (2)

วิปาโก ธมฺโม เนววิปากนวิปากธมฺมธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ

ปกตูปนิสฺสโย – อรหา กายิกํ สุขํ อุปนิสฺสาย อนุปฺปนฺนํ กิริยสมาปตฺติํ อุปฺปาเทติ, อุปฺปนฺนํ สมาปชฺชติ, สงฺขาเร อนิจฺจโต ทุกฺขโต อนตฺตโต วิปสฺสติ, กายิกํ ทุกฺขํ อุปนิสฺสาย อนุปฺปนฺนํ กิริยสมาปตฺติํ อุปฺปาเทติ, อุปฺปนฺนํ สมาปชฺชติ…เป.…ฯ (3)

[103] วิปากธมฺมธมฺโม วิปากธมฺมธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ

ปกตูปนิสฺสโย – สทฺธํ อุปนิสฺสาย ทานํ เทติ…เป.… มานํ ชปฺเปติ… ทิฏฺฐิํ คณฺหาติฯ สีลํ… สุตํ… จาคํ… ปญฺญํ อุปนิสฺสาย ทานํ เทติ…เป.… ทิฏฺฐิํ คณฺหาติฯ ราคํ… โทสํ… โมหํ… มานํ… ทิฏฺฐิํ… ปตฺถนํ อุปนิสฺสาย ทานํ เทติ…เป.… สมาปตฺติํ อุปฺปาเทติ, ปาณํ หนติ…เป.… สงฺฆํ ภินฺทติ…เป.… สทฺธา…เป.… ปตฺถนา สทฺธาย… สีลสฺส…เป.… ปตฺถนาย อุปนิสฺสยปจฺจเยน ปจฺจโยฯ

ปฐมสฺส ฌานสฺส ปริกมฺมํ ปฐมสฺส…เป.… เนวสญฺญานาสญฺญายตนสฺส ปริกมฺมํ เนวสญฺญานาสญฺญายตนสฺส…เป.… ปฐมํ ฌานํ ทุติยสฺส…เป.… อากิญฺจญฺญายตนํ เนวสญฺญานาสญฺญายตนสฺส…เป.… ปฐมสฺส มคฺคสฺส ปริกมฺมํ ปฐมสฺส…เป.… จตุตฺถสฺส มคฺคสฺส ปริกมฺมํ จตุตฺถสฺส…เป.… ปฐโม มคฺโค ทุติยสฺส…เป.… ตติโย มคฺโค จตุตฺถสฺส มคฺคสฺส อุปนิสฺสยปจฺจเยน ปจฺจโยฯ เสกฺขา มคฺคํ อุปนิสฺสาย อนุปฺปนฺนํ กุสลสมาปตฺติํ อุปฺปาเทนฺติ…เป.… มคฺโค เสกฺขานํ อตฺถปฺปฏิสมฺภิทาย…เป.… ฐานาฐานโกสลฺลสฺส อุปนิสฺสยปจฺจเยน ปจฺจโยฯ ปาณาติปาโต ปาณาติปาตสฺส…เป.… มิจฺฉาทิฏฺฐิยา อุปนิสฺสยปจฺจเยน ปจฺจโย…เป.… มิจฺฉาทิฏฺฐิ มิจฺฉาทิฏฺฐิยา…เป.… พฺยาปาทสฺส…เป.… มาตุฆาติกมฺมํ มาตุฆาติกมฺมสฺส…เป.… นิยตมิจฺฉาทิฏฺฐิยา…เป.… นิยตมิจฺฉาทิฏฺฐิ นิยตมิจฺฉาทิฏฺฐิยา…เป.… สงฺฆเภทกกมฺมสฺส อุปนิสฺสยปจฺจเยน ปจฺจโยฯ (1)

วิปากธมฺมธมฺโม วิปากสฺส ธมฺมสฺส อุปนิสฺสยปจฺจเยน ปจฺจโย – อนนฺตรูปนิสฺสโย, ปกตูปนิสฺสโย…เป.…ฯ

ปกตูปนิสฺสโย – สทฺธํ อุปนิสฺสาย อตฺตานํ อาตาเปติ ปริตาเปติ, ปริยิฏฺฐิมูลกํ ทุกฺขํ ปจฺจนุโภติ…เป.… ปตฺถนํ อุปนิสฺสาย อตฺตานํ อาตาเปติ ปริตาเปติ …เป.… สทฺธา…เป.… ปตฺถนา กายิกสฺส สุขสฺส, กายิกสฺส ทุกฺขสฺส, ผลสมาปตฺติยา อุปนิสฺสยปจฺจเยน ปจฺจโยฯ กุสลากุสลํ กมฺมํ วิปากสฺส [กมฺมวิปากสฺส (สฺยา.)] อุปนิสฺสยปจฺจเยน ปจฺจโยฯ มคฺโค ผลสมาปตฺติยา อุปนิสฺสยปจฺจเยน ปจฺจโยฯ (2)

วิปากธมฺมธมฺโม เนววิปากนวิปากธมฺมธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, ปกตูปนิสฺสโย…เป.…ฯ

ปกตูปนิสฺสโย – อรหา มคฺคํ อุปนิสฺสาย อนุปฺปนฺนํ กิริยสมาปตฺติํ อุปฺปาเทติ, อุปฺปนฺนํ สมาปชฺชติ, สงฺขาเร อนิจฺจโต ทุกฺขโต อนตฺตโต วิปสฺสติฯ มคฺโค อรหโต อตฺถปฺปฏิสมฺภิทาย…เป.… ฐานาฐานโกสลฺลสฺส อุปนิสฺสยปจฺจเยน ปจฺจโยฯ (3)

[104] เนววิปากนวิปากธมฺมธมฺโม เนววิปากนวิปากธมฺมธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ

ปกตูปนิสฺสโย – อรหา อุตุํ… โภชนํ… เสนาสนํ อุปนิสฺสาย อนุปฺปนฺนํ กิริยสมาปตฺติํ อุปฺปาเทติ…เป.…ฯ (1)

เนววิปากนวิปากธมฺมธมฺโม วิปากสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…

ปกตูปนิสฺสโย – อุตุ… โภชนํ… เสนาสนํ, กายิกสฺส สุขสฺส, กายิกสฺส ทุกฺขสฺส, ผลสมาปตฺติยา อุปนิสฺสยปจฺจเยน ปจฺจโยฯ (2)

เนววิปากนวิปากธมฺมธมฺโม วิปากธมฺมธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย …เป.…ฯ

ปกตูปนิสฺสโย – อุตุํ อุปนิสฺสาย ทานํ เทติ…เป.… สงฺฆํ ภินฺทติฯ โภชนํ… เสนาสนํ อุปนิสฺสาย ทานํ เทติ…เป.… สงฺฆํ ภินฺทติฯ อุตุ… โภชนํ… เสนาสนํ สทฺธาย…เป.… ปตฺถนาย อุปนิสฺสยปจฺจเยน ปจฺจโยฯ (3)

ปุเรชาตปจฺจโย

[105] เนววิปากนวิปากธมฺมธมฺโม เนววิปากนวิปากธมฺมธมฺมสฺส ปุเรชาตปจฺจเยน ปจฺจโย – อารมฺมณปุเรชาตํ, วตฺถุปุเรชาตํฯ

อารมฺมณปุเรชาตํ – อรหา จกฺขุํ อนิจฺจโต…เป.… กายํ… รูเป… โผฏฺฐพฺเพ… วตฺถุํ อนิจฺจโต…เป.… ทิพฺเพน จกฺขุนา รูปํ…เป.… ทิพฺพาย โสตธาตุยา สทฺทํ…เป.…ฯ วตฺถุปุเรชาตํ – วตฺถุ เนววิปากนวิปากธมฺมธมฺมานํ ขนฺธานํ ปุเรชาตปจฺจเยน ปจฺจโยฯ (1)

เนววิปากนวิปากธมฺมธมฺโม วิปากสฺส ธมฺมสฺส ปุเรชาตปจฺจเยน ปจฺจโย – อารมฺมณปุเรชาตํ, วตฺถุปุเรชาตํฯ

อารมฺมณปุเรชาตํ – เสกฺขา วา ปุถุชฺชนา วา จกฺขุํ อนิจฺจโต ทุกฺขโต อนตฺตโต วิปสฺสนฺติ, อสฺสาเทนฺติ อภินนฺทนฺติ; ตํ อารพฺภ ราโค อุปฺปชฺชติ…เป.… โทมนสฺสํ อุปฺปชฺชติฯ กุสลากุสเล นิรุทฺเธ วิปาโก ตทารมฺมณตา อุปฺปชฺชติฯ โสตํ…เป.… วตฺถุํ อนิจฺจโต…เป.… ตทารมฺมณตา อุปฺปชฺชติฯ รูปายตนํ จกฺขุวิญฺญาณสฺส ปุเรชาต…เป.… โผฏฺฐพฺพายตนํ กายวิญฺญาณสฺส…เป.…ฯ วตฺถุปุเรชาตํ – จกฺขายตนํ จกฺขุวิญฺญาณสฺส…เป.… กายายตนํ กายวิญฺญาณสฺส…เป.… วตฺถุ วิปากานํ ขนฺธานํ ปุเรชาตปจฺจเยน ปจฺจโยฯ (2)