[86] นเหตุยา ตีณิ, น อธิปติยา ตีณิ, นปุเรชาเต ตีณิ, นปจฺฉาชาเต ตีณิ, นอาเสวเน ตีณิ, นกมฺเม ทฺเว, นวิปาเก ทฺเว, นฌาเน เอกํ, นมคฺเค ทฺเว, นวิปฺปยุตฺเต ตีณิฯ

(ยถา กุสลตฺติเก ปจฺจนียคณนา, เอวํ คเณตพฺพํฯ)

ปจฺจนียํฯ

3. ปจฺจยานุโลมปจฺจนียํ

[87] เหตุปจฺจยา นอธิปติยา ตีณิ…เป.… นวิปฺปยุตฺเต ตีณิฯ

(ยถา กุสลตฺติเก อนุโลมปจฺจนียคณนา, เอวํ คเณตพฺพํฯ)

อนุโลมปจฺจนียํฯ

4. ปจฺจยปจฺจนียานุโลมํ

[88] นเหตุปจฺจยา อารมฺมเณ ตีณิ…เป.… มคฺเค เอกํ…เป.… อวิคเต ตีณิฯ

(ยถา กุสลตฺติเก ปจฺจนียานุโลมคณนา, เอวํ คเณตพฺพํฯ)

ปจฺจนียานุโลมํฯ

สํสฏฺฐวาโรฯ

6. สมฺปยุตฺตวาโร

1-4. ปจฺจยจตุกฺกํ

[89] วิปากํ ธมฺมํ สมฺปยุตฺโต วิปาโก ธมฺโม อุปฺปชฺชติ เหตุปจฺจยา – วิปากํ เอกํ ขนฺธํ สมฺปยุตฺตา ตโย ขนฺธา…เป.…ฯ