[76] วิปากญฺจ เนววิปากนวิปากธมฺมธมฺมญฺจ ธมฺมํ ปจฺจยา วิปาโก ธมฺโม อุปฺปชฺชติ…เป.… เนววิปากนวิปากธมฺมธมฺโม อุปฺปชฺชติ…เป.… วิปาโก จ เนววิปากนวิปากธมฺมธมฺโม จ ธมฺมา อุปฺปชฺชนฺติ นเหตุปจฺจยา…เป.… ตีณิฯ

วิปากธมฺมธมฺมญฺจ เนววิปากนวิปากธมฺมธมฺมญฺจ ธมฺมํ ปจฺจยา วิปากธมฺมธมฺโม อุปฺปชฺชติ นเหตุปจฺจยา – วิจิกิจฺฉาสหคเต อุทฺธจฺจสหคเต ขนฺเธ จ วตฺถุญฺจ ปจฺจยา วิจิกิจฺฉาสหคโต อุทฺธจฺจสหคโต โมโหฯ (1)

นอารมฺมณปจฺจโย

[77] วิปากํ ธมฺมํ ปจฺจยา เนววิปากนวิปากธมฺมธมฺโม อุปฺปชฺชติ นอารมฺมณปจฺจยา (สํขิตฺตํฯ สพฺพานิ ปทานิ วิตฺถาเรตพฺพานิฯ)

2. ปจฺจยปจฺจนียํ

2. สงฺขฺยาวาโร

สุทฺธํ

[78] นเหตุยา ทฺวาทส, นอารมฺมเณ ปญฺจ, นอธิปติยา สตฺตรส, นอนนฺตเร ปญฺจ, นสมนนฺตเร ปญฺจ, นอญฺญมญฺเญ ปญฺจ, นอุปนิสฺสเย ปญฺจ, นปุเรชาเต ทฺวาทส, นปจฺฉาชาเต สตฺตรส, นอาเสวเน สตฺตรส, นกมฺเม จตฺตาริ, นวิปาเก นว, นอาหาเร เอกํ, นอินฺทฺริเย เอกํ, นฌาเน จตฺตาริ, นมคฺเค นว, นสมฺปยุตฺเต ปญฺจ, นวิปฺปยุตฺเต ตีณิ, โนนตฺถิยา ปญฺจ, โนวิคเต ปญฺจฯ

นเหตุทุกํ

[79] นเหตุปจฺจยา นอารมฺมเณ ตีณิ, นอธิปติยา ทฺวาทส, นอนนฺตเร ตีณิ, นสมนนฺตเร ตีณิ…เป.… นกมฺเม เอกํ, นวิปาเก จตฺตาริ, นอาหาเร เอกํ, นอินฺทฺริเย เอกํ, นฌาเน จตฺตาริ, นมคฺเค นว, นสมฺปยุตฺเต ตีณิ, นวิปฺปยุตฺเต ทฺเว, โนนตฺถิยา ตีณิ, โนวิคเต ตีณิฯ

(ยถา กุสลตฺติเก ปจฺจนียคณนา, เอวํ คเณตพฺพํฯ)

ปจฺจนียํฯ

3. ปจฺจยานุโลมปจฺจนียํ

เหตุทุกํ

[80] เหตุปจฺจยา นอารมฺมเณ ปญฺจ, นอธิปติยา สตฺตรส…เป.… โนวิคเต ปญฺจฯ

(ยถา กุสลตฺติเก อนุโลมปจฺจนียคณนา, เอวํ คเณตพฺพํฯ)

อนุโลมปจฺจนียํฯ

4. ปจฺจยปจฺจนียานุโลมํ

นเหตุทุกํ

[81] นเหตุปจฺจยา อารมฺมเณ สตฺต, อนนฺตเร สตฺต, สมนนฺตเร สตฺต, สหชาเต ทฺวาทส, อญฺญมญฺเญ นว, นิสฺสเย ทฺวาทส, อุปนิสฺสเย สตฺต, ปุเรชาเต สตฺต, อาเสวเน จตฺตาริ, กมฺเม ทฺวาทส , วิปาเก นว, อาหาเร ทฺวาทส, อินฺทฺริเย ทฺวาทส, ฌาเน ทฺวาทส, มคฺเค ตีณิ, สมฺปยุตฺเต สตฺต, วิปฺปยุตฺเต ทฺวาทส, อตฺถิยา ทฺวาทส, นตฺถิยา สตฺต, วิคเต สตฺต, อวิคเต ทฺวาทสฯ

ติกํ

นเหตุปจฺจยา นอารมฺมณปจฺจยา สหชาเต ตีณิ, อญฺญมญฺเญ ทฺเว…เป.… อวิคเต ตีณิฯ

(ยถา กุสลตฺติเก ปจฺจนียานุโลมคณนา, เอวํ คเณตพฺพํฯ)

ปจฺจนียานุโลมํฯ

ปจฺจยวาโรฯ

4. นิสฺสยวาโร

1-4. ปจฺจยจตุกฺกํ

[82] วิปากํ ธมฺมํ นิสฺสาย วิปาโก ธมฺโม อุปฺปชฺชติ เหตุปจฺจยา – วิปากํ เอกํ ขนฺธํ นิสฺสาย ตโย ขนฺธา…เป.…ฯ