วิปากญฺจ เนววิปากนวิปากธมฺมธมฺมญฺจ ธมฺมํ ปจฺจยา วิปาโก ธมฺโม อุปฺปชฺชติ อญฺญมญฺญปจฺจยา – จกฺขุวิญฺญาณสหคตํ เอกํ ขนฺธญฺจ จกฺขายตนญฺจ ปจฺจยา ตโย ขนฺธา…เป.… ทฺเว ขนฺเธ จ จกฺขายตนญฺจ ปจฺจยา ทฺเว ขนฺธา, โสต… ฆาน… ชิวฺหา… กาย…เป.… วิปากํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ จ วตฺถุญฺจ ปจฺจยา ทฺเว ขนฺธา; ปฏิสนฺธิกฺขเณ วิปากํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ จ วตฺถุญฺจ ปจฺจยา ทฺเว ขนฺธาฯ (1)

วิปากธมฺมธมฺมญฺจ เนววิปากนวิปากธมฺมธมฺมญฺจ ธมฺมํ ปจฺจยา วิปากธมฺมธมฺโม อุปฺปชฺชติ อญฺญมญฺญปจฺจยา – วิปากธมฺมธมฺมํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ จ วตฺถุญฺจ ปจฺจยา ทฺเว ขนฺธาฯ (1)

นิสฺสยปจฺจโย

[68] วิปากํ ธมฺมํ ปจฺจยา วิปาโก ธมฺโม อุปฺปชฺชติ นิสฺสยปจฺจยา (สหชาตสทิสํ)ฯ

อุปนิสฺสย-ปุเรชาตปจฺจยา

[69] อุปนิสฺสยปจฺจยา… ปุเรชาตปจฺจยา – วิปากํ เอกํ ขนฺธํ ปจฺจยา ตโย ขนฺธา…เป.… ทฺเว ขนฺเธ ปจฺจยา ทฺเว ขนฺธา, วตฺถุํ ปุเรชาตปจฺจยา (อนนฺตรสทิสํฯ สํขิตฺตํ)ฯ

อาเสวนปจฺจโย

[70] วิปากธมฺมธมฺมํ ปจฺจยา วิปากธมฺมธมฺโม อุปฺปชฺชติ อาเสวนปจฺจยา – วิปากธมฺมธมฺมํ เอกํ ขนฺธํ ปจฺจยา ตโย ขนฺธา, ตโย ขนฺเธ ปจฺจยา เอโก ขนฺโธ, ทฺเว ขนฺเธ ปจฺจยา ทฺเว ขนฺธาฯ (1)

เนววิปากนวิปากธมฺมธมฺมํ ปจฺจยา เนววิปากนวิปากธมฺมธมฺโม อุปฺปชฺชติ อาเสวนปจฺจยา – เนววิปากนวิปากธมฺมธมฺมํ เอกํ ขนฺธํ ปจฺจยา…เป.… วตฺถุํ ปจฺจยา เนววิปากนวิปากธมฺมธมฺมา ขนฺธาฯ (1)

เนววิปากนวิปากธมฺมธมฺมํ ปจฺจยา วิปากธมฺมธมฺโม อุปฺปชฺชติ อาเสวนปจฺจยา – วตฺถุํ ปจฺจยา วิปากธมฺมธมฺมา ขนฺธาฯ (2)

วิปากธมฺมธมฺมญฺจ เนววิปากนวิปากธมฺมธมฺมญฺจ ธมฺมํ ปจฺจยา วิปากธมฺมธมฺโม อุปฺปชฺชติ อาเสวนปจฺจยา – วิปากธมฺมธมฺมํ เอกํ ขนฺธญฺจ วตฺถุญฺจ ปจฺจยา ตโย ขนฺธา , ตโย ขนฺเธ จ วตฺถุญฺจ ปจฺจยา เอโก ขนฺโธ, ทฺเว ขนฺเธ จ วตฺถุญฺจ ปจฺจยา ทฺเว ขนฺธาฯ (1)

กมฺมปจฺจโย

[71] วิปากํ ธมฺมํ ปจฺจยา วิปาโก ธมฺโม อุปฺปชฺชติ กมฺมปจฺจยา… ตีณิ (สหชาตสทิสํ)ฯ

วิปากปจฺจโย

[72] วิปากํ ธมฺมํ ปจฺจยา วิปาโก ธมฺโม อุปฺปชฺชติ วิปากปจฺจยา… ตีณิฯ

เนววิปากนวิปากธมฺมธมฺมํ ปจฺจยา เนววิปากนวิปากธมฺมธมฺโม อุปฺปชฺชติ วิปากปจฺจยา – เอกํ มหาภูตํ ปจฺจยา ตโย มหาภูตา…เป.… ทฺเว มหาภูเต ปจฺจยา ทฺเว มหาภูตา, มหาภูเต ปจฺจยา จิตฺตสมุฏฺฐานํ รูปํ กฏตฺตารูปํ อุปาทารูปํ…เป.… วิปาโก จ อุภยญฺจ… ตีณิฯ

วิปากญฺจ เนววิปากนวิปากธมฺมธมฺมญฺจ… ตีณิฯ

อาหารปจฺจยาทิ

อาหารปจฺจยา… อินฺทฺริยปจฺจยา… ฌานปจฺจยา… มคฺคปจฺจยา… สมฺปยุตฺตปจฺจยา… วิปฺปยุตฺตปจฺจยา… อตฺถิปจฺจยา… นตฺถิปจฺจยา… วิคตปจฺจยา… อวิคตปจฺจยาฯ

1. ปจฺจยานุโลมํ

2. สงฺขฺยาวาโร

สุทฺธํ

[73] เหตุยา สตฺตรส, อารมฺมเณ สตฺต, อธิปติยา สตฺตรส, อนนฺตเร สตฺต, สมนนฺตเร สตฺต, สหชาเต สตฺตรส, อญฺญมญฺเญ นว, นิสฺสเย สตฺตรส, อุปนิสฺสเย สตฺต, ปุเรชาเต สตฺต, อาเสวเน จตฺตาริ, กมฺเม สตฺตรส, วิปาเก นว, อาหาเร สตฺตรส, อินฺทฺริเย สตฺตรส, ฌาเน สตฺตรส, มคฺเค สตฺตรส, สมฺปยุตฺเต สตฺต, วิปฺปยุตฺเต สตฺตรส, อตฺถิยา สตฺตรส, นตฺถิยา สตฺต, วิคเต สตฺต, อวิคเต สตฺตรสฯ