ติกํ

นเหตุปจฺจยา นอารมฺมณปจฺจยา สหชาเต ตีณิ, อญฺญมญฺเญ ทฺเว, นิสฺสเย ตีณิ, กมฺเม ตีณิ, วิปาเก ตีณิ, อาหาเร ตีณิ, อินฺทฺริเย ตีณิ, ฌาเน ตีณิ, วิปฺปยุตฺเต ตีณิ, อตฺถิยา ตีณิ, อวิคเต ตีณิ…เป.…ฯ

สตฺตกํ

นเหตุปจฺจยา นอารมฺมณปจฺจยา นอธิปติปจฺจยา นอนนฺตรปจฺจยา นสมนนฺตรปจฺจยา นอญฺญมญฺญปจฺจยา สหชาเต ตีณิ, นิสฺสเย ตีณิ, กมฺเม ตีณิ, วิปาเก ตีณิ, อาหาเร ตีณิ, อินฺทฺริเย ตีณิ, ฌาเน ตีณิ, วิปฺปยุตฺเต ตีณิ, อตฺถิยา ตีณิ, อวิคเต ตีณิ (สํขิตฺตํ)ฯ

(ยถา กุสลตฺติเก นเหตุมูลกํ คณิตํ, เอวํ คเณตพฺพํฯ ยถา กุสลตฺติเก ปจฺจนียานุโลมํ วิตฺถาริตํ, เอวํ อิทํ วิตฺถาเรตพฺพํฯ)

ปจฺจนียานุโลมํฯ

ปฏิจฺจวาโรฯ

2. สหชาตวาโร

1. ปจฺจยานุโลมํ

1. วิภงฺควาโร

[53] วิปากํ ธมฺมํ สหชาโต วิปาโก ธมฺโม อุปฺปชฺชติ เหตุปจฺจยา – วิปากํ เอกํ ขนฺธํ สหชาตา ตโย ขนฺธา, ตโย ขนฺเธ สหชาโต เอโก ขนฺโธ, ทฺเว ขนฺเธ สหชาตา ทฺเว ขนฺธา (สํขิตฺตํ)ฯ

1. ปจฺจยานุโลมํ

2. สงฺขฺยาวาโร

[54] เหตุยา เตรส…เป.… อวิคเต เตรส…เป.…ฯ

2. ปจฺจยปจฺจนียํ

[55] วิปากํ ธมฺมํ สหชาโต วิปาโก ธมฺโม อุปฺปชฺชติ นเหตุปจฺจยา อเหตุกํ วิปากํ เอกํ ขนฺธํ สหชาตา ตโย ขนฺธา, ตโย ขนฺเธ สหชาโต เอโก ขนฺโธ, ทฺเว ขนฺเธ สหชาตา ทฺเว ขนฺธา (สํขิตฺตํ)ฯ

3. ปจฺจยานุโลมปจฺจนียํ

[56] เหตุปจฺจยา นอารมฺมเณ ปญฺจ…เป.… นวิปฺปยุตฺเต ตีณิ…เป.…ฯ

4. ปจฺจยปจฺจนียานุโลมํ

[57] นเหตุปจฺจยา อารมฺมเณ ปญฺจ…เป.… อวิคเต ทส…เป.…ฯ

สหชาตวาโรฯ

3. ปจฺจยวาโร

1. ปจฺจยานุโลมํ

1. วิภงฺควาโร

เหตุปจฺจโย

[58] วิปากํ ธมฺมํ ปจฺจยา วิปาโก ธมฺโม อุปฺปชฺชติ เหตุปจฺจยา – วิปากํ เอกํ ขนฺธํ ปจฺจยา ตโย ขนฺธา, ตโย ขนฺเธ ปจฺจยา เอโก ขนฺโธ, ทฺเว ขนฺเธ ปจฺจยา ทฺเว ขนฺธา; ปฏิสนฺธิกฺขเณ…เป.…ฯ (1)

วิปากํ ธมฺมํ ปจฺจยา เนววิปากนวิปากธมฺมธมฺโม อุปฺปชฺชติ เหตุปจฺจยา – วิปาเก ขนฺเธ ปจฺจยา จิตฺตสมุฏฺฐานํ รูปํ; ปฏิสนฺธิกฺขเณ วิปาเก ขนฺเธ ปจฺจยา กฏตฺตารูปํ…เป.…ฯ (2)

วิปากํ ธมฺมํ ปจฺจยา วิปาโก จ เนววิปากนวิปากธมฺมธมฺโม จ ธมฺมา อุปฺปชฺชนฺติ เหตุปจฺจยา – วิปากํ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ ปจฺจยา ทฺเว ขนฺธา จิตฺตสมุฏฺฐานญฺจ รูปํ; ปฏิสนฺธิกฺขเณ…เป.…ฯ (3)

วิปากธมฺมธมฺมํ ปจฺจยา วิปากธมฺมธมฺโม อุปฺปชฺชติ เหตุปจฺจยา – วิปากธมฺมธมฺมํ เอกํ ขนฺธํ ปจฺจยา ตโย ขนฺธา…เป.… ทฺเว ขนฺเธ ปจฺจยา ทฺเว ขนฺธาฯ (1)

วิปากธมฺมธมฺมํ ปจฺจยา เนววิปากนวิปากธมฺมธมฺโม อุปฺปชฺชติ เหตุปจฺจยา – วิปากธมฺมธมฺเม ขนฺเธ ปจฺจยา จิตฺตสมุฏฺฐานํ รูปํฯ (2)