เมนู

เหตุทุกํ

[51] เหตุปจฺจยา นอารมฺมเณ ปญฺจ, นอธิปติยา เตรส, นอนนฺตเร ปญฺจ, นสมนนฺตเร ปญฺจ, นอญฺญมญฺเญ ปญฺจ, นอุปนิสฺสเย ปญฺจ, นปุเรชาเต ทฺวาทส, นปจฺฉาชาเต เตรส, นอาเสวเน เตรส, นกมฺเม ทฺเว, นวิปาเก ปญฺจ, นสมฺปยุตฺเต ปญฺจ, นวิปฺปยุตฺเต ตีณิ, โนนตฺถิยา ปญฺจ, โนวิคเต ปญฺจฯ

ติกํ

เหตุปจฺจยา อารมฺมณปจฺจยา นอธิปติยา ปญฺจ, นปุเรชาเต ปญฺจ, นปจฺฉาชาเต ปญฺจ, นอาเสวเน ปญฺจ, นกมฺเม ทฺเว, นวิปาเก ทฺเว, นวิปฺปยุตฺเต ตีณิฯ

จตุกฺกํ

เหตุปจฺจยา อารมฺมณปจฺจยา อธิปติปจฺจยา นปุเรชาเต ตีณิ, นปจฺฉาชาเต ตีณิ, นอาเสวเน ตีณิ, นกมฺเม ทฺเว, นวิปาเก ทฺเว, นวิปฺปยุตฺเต ตีณิ…เป.…ฯ

เอกาทสกํ

เหตุปจฺจยา อารมฺมณปจฺจยา อธิปติปจฺจยา อนนฺตรปจฺจยา (มูลกํ สํขิตฺตํ) ปุเรชาตปจฺจยา นปจฺฉาชาเต ตีณิ, นอาเสวเน ตีณิ, นกมฺเม ทฺเว, นวิปาเก ทฺเว (สํขิตฺตํ)ฯ

(ยถา กุสลตฺติเก อนุโลมปจฺจนียคณนา คณิตา, เอวํ คเณตพฺพํฯ)

อนุโลมปจฺจนียํฯ

4. ปจฺจยปจฺจนียานุโลมํ

นเหตุทุกํ

[52] นเหตุปจฺจยา อารมฺมเณ ปญฺจ, อนนฺตเร ปญฺจ, สมนนฺตเร ปญฺจ, สหชาเต ทส, อญฺญมญฺเญ สตฺต, นิสฺสเย ทส, อุปนิสฺสเย ปญฺจ, ปุเรชาเต ตีณิ, อาเสวเน ทฺเว, กมฺเม ทส, วิปาเก นว, อาหาเร ทส, อินฺทฺริเย ทส, ฌาเน ทส, มคฺเค เอกํ, สมฺปยุตฺเต ปญฺจ, วิปฺปยุตฺเต ทส, อตฺถิยา ทส, นตฺถิยา ปญฺจ, วิคเต ปญฺจ, อวิคเต ทสฯ