อทุกฺขมสุขาย เวทนาย สมฺปยุตฺโต ธมฺโม สุขาย เวทนาย สมฺปยุตฺตสฺส ธมฺมสฺส อารมฺมณปจฺจเยน ปจฺจโย… อุปนิสฺสยปจฺจเยน ปจฺจโย… กมฺมปจฺจเยน ปจฺจโยฯ (2)

อทุกฺขมสุขาย เวทนาย สมฺปยุตฺโต ธมฺโม ทุกฺขาย เวทนาย สมฺปยุตฺตสฺส ธมฺมสฺส อารมฺมณปจฺจเยน ปจฺจโย… อุปนิสฺสยปจฺจเยน ปจฺจโย… กมฺมปจฺจเยน ปจฺจโยฯ (3)

2. ปจฺจยปจฺจนียํ

2. สงฺขฺยาวาโร

สุทฺธํ

[86] นเหตุยา นว, นอารมฺมเณ นว, นอธิปติยา นว, นอนนฺตเร นว, นสมนนฺตเร นว, นสหชาเต นว, นอญฺญมญฺเญ นว, นนิสฺสเย นว, นอุปนิสฺสเย นว, นปุเรชาเต นว, นปจฺฉาชาเต นว, นอาเสวเน นว, นกมฺเม นว, นวิปาเก นว, นอาหาเร นว, นอินฺทฺริเย นว, นฌาเน นว, นมคฺเค นว, นสมฺปยุตฺเต นว, นวิปฺปยุตฺเต นว, โนอตฺถิยา นว, โนนตฺถิยา นว, โนวิคเต นว, โนอวิคเต นวฯ

นเหตุทุกํ

[87] นเหตุปจฺจยา นอารมฺมเณ นว…เป.… โนอวิคเต นวฯ

ติกํ

นเหตุปจฺจยา นอารมฺมณปจฺจยา นอธิปติยา นว…เป.… นอุปนิสฺสเย อฏฺฐ…เป.… โนอวิคเต นว…เป.…ฯ

เตวีสกํ

นเหตุปจฺจยา นอารมฺมณปจฺจยา…เป.… นอุปนิสฺสยปจฺจยา นปุเรชาตปจฺจยา นปจฺฉาชาตปจฺจยา นอาเสวนปจฺจยา นวิปากปจฺจยา นอาหารปจฺจยา…เป.… โนอวิคเต อฏฺฐฯ

นเหตุมูลกํฯ

(ยถา กุสลตฺติกสฺส ปจฺจนียคณนา คณิตา, เอวํ อิทมฺปิ อสมฺมุยฺหนฺเตน สพฺพํ มูลกํ คเณตพฺพํ [คเหตพฺพํ (สฺยา.)]ฯ)

ปจฺจนียํฯ

3. ปจฺจยานุโลมปจฺจนียํ

เหตุสภาคํ

[88] เหตุปจฺจยา นอารมฺมเณ ตีณิ, นอธิปติยา ตีณิ, นอนนฺตเร ตีณิ, นสมนนฺตเร ตีณิ, นอุปนิสฺสเย ตีณิ, นปุเรชาเต ตีณิ, นปจฺฉาชาเต ตีณิ, นอาเสวเน ตีณิ, นกมฺเม ตีณิ, นวิปาเก ตีณิ, นอาหาเร ตีณิ, นอินฺทฺริเย ตีณิ, นฌาเน ตีณิ, นมคฺเค ตีณิ, นวิปฺปยุตฺเต ตีณิ, โนนตฺถิยา ตีณิ, โนวิคเต ตีณิฯ

สามญฺญฆฏนา

[89] เหตุ-สหชาต-อญฺญมญฺญ-นิสฺสย-สมฺปยุตฺต-อตฺถิ-อวิคตนฺติ นอารมฺมเณ ตีณิ…เป.… โนวิคเต ตีณิฯ

(ยถา กุสลตฺติกสฺส อนุโลมปจฺจนียคณนา สชฺฌายมคฺเคน คณิตา, เอวํ อิทมฺปิ คเณตพฺพํฯ)

กมฺมปจฺจยา นเหตุยา อฏฺฐ, นอารมฺมเณ อฏฺฐ…เป.… โนอวิคเต อฏฺฐ (สํขิตฺตํ)ฯ

อนุโลมปจฺจนียคณนาฯ

4. ปจฺจยปจฺจนียานุโลมํ

นเหตุทุกํ

[90] นเหตุปจฺจยา อารมฺมเณ นว, อธิปติยา ปญฺจ, อนนฺตเร สตฺต, สมนนฺตเร สตฺต, สหชาเต ตีณิ, อญฺญมญฺเญ ตีณิ, นิสฺสเย ตีณิ, อุปนิสฺสเย นว, อาเสวเน ตีณิ , กมฺเม อฏฺฐ, วิปาเก ตีณิ, อาหาเร ตีณิ, อินฺทฺริเย ตีณิ, ฌาเน ตีณิ, มคฺเค ตีณิ, สมฺปยุตฺเต ตีณิ, อตฺถิยา ตีณิ, นตฺถิยา สตฺต, วิคเต สตฺต, อวิคเต ตีณิฯ