เมนู

วีมํสาธิปติฆฏนา (6)

[452] อธิปติ-เหตุ-สหชาต-นิสฺสย-อินฺทฺริย-มคฺค-อตฺถิ-อวิคตนฺติ จตฺตาริฯ อธิปติ-เหตุ-สหชาต-อญฺญมญฺญ-นิสฺสย-อินฺทฺริย-มคฺค-สมฺปยุตฺต-อตฺถิ-อวิคตนฺติ ทฺเวฯ อธิปติ-เหตุ-สหชาต-นิสฺสย-อินฺทฺริย-มคฺค-วิปฺปยุตฺต-อตฺถิ-อวิคตนฺติ ทฺเวฯ (อวิปากํ – 3)

อธิปติ-เหตุ-สหชาต-นิสฺสย-วิปาก-อินฺทฺริย-มคฺค-อตฺถิ-อวิคตนฺติ เอกํฯ อธิปติเหตุ-สหชาต-อญฺญมญฺญ-นิสฺสย-วิปาก-อินฺทฺริย-มคฺค-สมฺปยุตฺต-อตฺถิ-อวิคตนฺติ เอกํฯ อธิปติ-เหตุ-สหชาต-นิสฺสย-วิปาก-อินฺทฺริย-มคฺค-วิปฺปยุตฺต-อตฺถิ-อวิคตนฺติ เอกํฯ (สวิปากํ – 3)

อธิปติมูลกํฯ

อนนฺตรสภาคํ

[453] อนนฺตรปจฺจยา สมนนฺตเร สตฺต, อุปนิสฺสเย สตฺต, อาเสวเน ตีณิ, กมฺเม เอกํ, นตฺถิยา สตฺต, วิคเต สตฺตฯ (6)

อนนฺตรฆฏนา (3)

[454] อนนฺตร-สมนนฺตร-อุปนิสฺสย-นตฺถิ-วิคตนฺติ สตฺตฯ อนนฺตรสมนนฺตร-อุปนิสฺสย-อาเสวน-นตฺถิ-วิคตนฺติ ตีณิฯ อนนฺตร-สมนนฺตรอุปนิสฺสย-กมฺม-นตฺถิ-วิคตนฺติ เอกํฯ

อนนฺตรมูลกํฯ

สมนนฺตรสภาคํ

[455] สมนนฺตรปจฺจยา อนนฺตเร สตฺต, อุปนิสฺสเย สตฺต, อาเสวเน ตีณิ, กมฺเม เอกํ, นตฺถิยา สตฺต, วิคเต สตฺตฯ (6)