กุสโล จ อพฺยากโต จ ธมฺมา อพฺยากตสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํ, อาหารํ, อินฺทฺริยํฯ สหชาตา – กุสลา ขนฺธา จ มหาภูตา จ จิตฺตสมุฏฺฐานานํ รูปานํ อตฺถิปจฺจเยน ปจฺจโยฯ ปจฺฉาชาตา – กุสลา ขนฺธา จ กพฬีกาโร อาหาโร จ อิมสฺส กายสฺส อตฺถิปจฺจเยน ปจฺจโยฯ ปจฺฉาชาตา กุสลา ขนฺธา จ รูปชีวิตินฺทฺริยญฺจ กฏตฺตารูปานํ อตฺถิปจฺจเยน ปจฺจโยฯ (2)

อกุสโล จ อพฺยากโต จ ธมฺมา อกุสลสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาโต – อกุสโล เอโก ขนฺโธ จ วตฺถุ จ ติณฺณนฺนํ ขนฺธานํ อตฺถิปจฺจเยน ปจฺจโยฯ ตโย ขนฺธา จ วตฺถุ จ เอกสฺส ขนฺธสฺส อตฺถิปจฺจเยน ปจฺจโยฯ ทฺเว ขนฺธา จ วตฺถุ จ ทฺวินฺนํ ขนฺธานํ อตฺถิปจฺจเยน ปจฺจโยฯ (1)

อกุสโล จ อพฺยากโต จ ธมฺมา อพฺยากตสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํ, อาหารํ, อินฺทฺริยํฯ สหชาตา – อกุสลา ขนฺธา จ มหาภูตา จ จิตฺตสมุฏฺฐานานํ รูปานํ อตฺถิปจฺจเยน ปจฺจโยฯ ปจฺฉาชาตา – อกุสลา ขนฺธา จ กพฬีกาโร อาหาโร จ อิมสฺส กายสฺส อตฺถิปจฺจเยน ปจฺจโยฯ ปจฺฉาชาตา – อกุสลา ขนฺธา จ รูปชีวิตินฺทฺริยญฺจ กฏตฺตารูปานํ อตฺถิปจฺจเยน ปจฺจโยฯ (2)

นตฺถิปจฺจโย

[436] กุสโล ธมฺโม กุสลสฺส ธมฺมสฺส นตฺถิปจฺจเยน ปจฺจโย – ปุริมา ปุริมา กุสลา ขนฺธา ปจฺฉิมานํ ปจฺฉิมานํ กุสลานํ ขนฺธานํ นตฺถิปจฺจเยน ปจฺจโยฯ (สํขิตฺตํ)

(ยถา อนนฺตรปจฺจยํ, เอวํ วิตฺถาเรตพฺพํฯ)

วิคตปจฺจโย

[437] กุสโล ธมฺโม กุสลสฺส ธมฺมสฺส วิคตปจฺจเยน ปจฺจโย – ปุริมา ปุริมา กุสลา ขนฺธา ปจฺฉิมานํ ปจฺฉิมานํ กุสลานํ ขนฺธานํ วิคตปจฺจเยน ปจฺจโยฯ (สํขิตฺตํ)

(ยถา อนนฺตรปจฺจยํ, เอวํ วิตฺถาเรตพฺพํฯ)

อวิคตปจฺจโย

[438] กุสโล ธมฺโม กุสลสฺส ธมฺมสฺส อวิคตปจฺจเยน ปจฺจโย – กุสโล เอโก ขนฺโธ ติณฺณนฺนํ ขนฺธานํ อวิคตปจฺจเยน ปจฺจโย ฯ ตโย ขนฺธา เอกสฺส ขนฺธสฺส อวิคตปจฺจเยน ปจฺจโยฯ ทฺเว ขนฺธา ทฺวินฺนํ ขนฺธานํ อวิคตปจฺจเยน ปจฺจโยฯ (สํขิตฺตํ)

(ยถา อตฺถิปจฺจยํ, เอวํ วิตฺถาเรตพฺพํฯ)

ปญฺหาวารสฺส วิภงฺโคฯ

1. ปจฺจยานุโลมํ

2. สงฺขฺยาวาโร

สุทฺธํ

[439] เหตุยา สตฺต, อารมฺมเณ นว, อธิปติยา ทส, อนนฺตเร สตฺต, สมนนฺตเร สตฺต, สหชาเต นว, อญฺญมญฺเญ ตีณิ, นิสฺสเย เตรส, อุปนิสฺสเย นว, ปุเรชาเต ตีณิ, ปจฺฉาชาเต ตีณิ, อาเสวเน ตีณิ, กมฺเม สตฺต, วิปาเก เอกํ, อาหาเร สตฺต, อินฺทฺริเย สตฺต, ฌาเน สตฺต, มคฺเค สตฺต, สมฺปยุตฺเต ตีณิ, วิปฺปยุตฺเต ปญฺจ, อตฺถิยา เตรส, นตฺถิยา สตฺต, วิคเต สตฺต, อวิคเต เตรสฯ

เหตุสภาคํ

[440] เหตุปจฺจยา อธิปติยา จตฺตาริ, สหชาเต สตฺต, อญฺญมญฺเญ ตีณิ, นิสฺสเย สตฺต, วิปาเก เอกํ, อินฺทฺริเย จตฺตาริ, มคฺเค จตฺตาริ, สมฺปยุตฺเต ตีณิ, วิปฺปยุตฺเต ตีณิ, อตฺถิยา สตฺต, อวิคเต สตฺตฯ (11)

เหตุสามญฺญฆฏนา (9)

[441] เหตุ-สหชาต-นิสฺสย-อตฺถิ-อวิคตนฺติ สตฺตฯ เหตุ-สหชาต-อญฺญมญฺญนิสฺสย-อตฺถิ-อวิคตนฺติ ตีณิฯ เหตุ-สหชาต-อญฺญมญฺญ-นิสฺสย-สมฺปยุตฺต-อตฺถิ-อวิคตนฺติ ตีณิฯ เหตุ-สหชาต-นิสฺสย-วิปฺปยุตฺต-อตฺถิ-อวิคตนฺติ ตีณิฯ (อวิปากํ – 4)