อารมฺมณมูลกาทิ

[39] สิยา กุสลํ ธมฺมํ ปฏิจฺจ กุสโล ธมฺโม อุปฺปชฺเชยฺย อารมฺมณปจฺจยา เหตุปจฺจยา… อารมฺมณปจฺจยา อธิปติปจฺจยา…เป.… อารมฺมณปจฺจยา อวิคตปจฺจยาฯ

สิยา กุสลํ ธมฺมํ ปฏิจฺจ กุสโล ธมฺโม อุปฺปชฺเชยฺย อธิปติปจฺจยา… อนนฺตรปจฺจยา… สมนนฺตรปจฺจยา… สหชาตปจฺจยา… อญฺญมญฺญปจฺจยา…เป.… อวิคตปจฺจยา เหตุปจฺจยา… อวิคตปจฺจยา อารมฺมณปจฺจยา… อวิคตปจฺจยา อธิปติปจฺจยา…เป.… อวิคตปจฺจยา วิคตปจฺจยาฯ

ทุมูลกํฯ

[40] สิยา กุสลํ ธมฺมํ ปฏิจฺจ กุสโล ธมฺโม อุปฺปชฺเชยฺย อวิคตปจฺจยา เหตุปจฺจยา อารมฺมณปจฺจยา… อวิคตปจฺจยา เหตุปจฺจยา อธิปติปจฺจยา… อวิคตปจฺจยา เหตุปจฺจยา อนนฺตรปจฺจยา…เป.… อวิคตปจฺจยา เหตุปจฺจยา วิคตปจฺจยาฯ

[41] สิยา กุสลํ ธมฺมํ ปฏิจฺจ กุสโล ธมฺโม อุปฺปชฺเชยฺย อวิคตปจฺจยา เหตุปจฺจยา อารมฺมณปจฺจยา อธิปติปจฺจยา… อวิคตปจฺจยา เหตุปจฺจยา อารมฺมณปจฺจยา อนนฺตรปจฺจยา…เป.… วิคตปจฺจยาฯ

(เอเกกสฺส ปทสฺส เอกมูลกํ, ทุมูลกํ, ติมูลกํ, จตุมูลกํ, ปญฺจมูลกํ, สพฺพมูลกํ อสมฺมุยฺหนฺเตน วิตฺถาเรตพฺพํฯ )

(ก) ติกญฺจ ปฏฺฐานวรํ ทุกุตฺตมํ,

ทุกํ ติกญฺเจว ติกํ ทุกญฺจ;

ติกํ ติกญฺเจว ทุกํ ทุกญฺจ,

ฉ อนุโลมมฺหิ นยา สุคมฺภีราติฯ

2. ปจฺจยปจฺจนียํ

[42] สิยา กุสลํ ธมฺมํ ปฏิจฺจ กุสโล ธมฺโม อุปฺปชฺเชยฺย นเหตุปจฺจยา ฯ

(ยถา อนุโลเม เหตุปจฺจโย วิตฺถาริโต, เอวํ ปจฺจนีเยปิ นเหตุปจฺจโย วิตฺถาเรตพฺโพฯ)

[43] สิยา กุสลํ ธมฺมํ ปฏิจฺจ กุสโล ธมฺโม อุปฺปชฺเชยฺย นอารมฺมณปจฺจยา… นอธิปติปจฺจยา… นอนนฺตรปจฺจยา… นสมนนฺตรปจฺจยา… นสหชาตปจฺจยา… นอญฺญมญฺญปจฺจยา… นนิสฺสยปจฺจยา… นอุปนิสฺสยปจฺจยา… นปุเรชาตปจฺจยา… นปจฺฉาชาตปจฺจยา … นอาเสวนปจฺจยา… นกมฺมปจฺจยา… นวิปากปจฺจยา… นอาหารปจฺจยา… นอินฺทฺริยปจฺจยา… นฌานปจฺจยา… นมคฺคปจฺจยา… นสมฺปยุตฺตปจฺจยา… นวิปฺปยุตฺตปจฺจยา… โนอตฺถิปจฺจยา… โนนตฺถิปจฺจยา… โนวิคตปจฺจยา… โนอวิคตปจฺจยาฯ

[44] สิยา กุสลํ ธมฺมํ ปฏิจฺจ กุสโล ธมฺโม อุปฺปชฺเชยฺย นเหตุปจฺจยา นอารมฺมณปจฺจยา…ฯ

(ยถา อนุโลเม เอเกกสฺส ปทสฺส เอกมูลกํ, ทุมูลกํ, ติมูลกํ, จตุมูลกํ, ยาว เตวีสติมูลกํ เอวํ ปจฺจนีเยปิ วิตฺถาเรตพฺพํฯ )

(ข) ติกญฺจ ปฏฺฐานวรํ ทุกุตฺตมํ,

ทุกํ ติกญฺเจว ติกํ ทุกญฺจ;

ติกํ ติกญฺเจว ทุกํ ทุกญฺจ,

ฉ ปจฺจนียมฺหิ นยา สุคมฺภีราติฯ

3. ปจฺจยานุโลมปจฺจนียํ

[45] สิยา กุสลํ ธมฺมํ ปฏิจฺจ กุสโล ธมฺโม อุปฺปชฺเชยฺย เหตุปจฺจยา นอารมฺมณปจฺจยา… สิยา กุสลํ ธมฺมํ ปฏิจฺจ อกุสโล ธมฺโม อุปฺปชฺเชยฺย เหตุปจฺจยา นอารมฺมณปจฺจยาฯ

(ยถา อนุโลเม เหตุปจฺจโย วิตฺถาริโต, เอวํ อนุโลมปจฺจนีเยปิ ปทํ วิตฺถาเรตพฺพํฯ)

[46] สิยา กุสลํ ธมฺมํ ปฏิจฺจ กุสโล ธมฺโม อุปฺปชฺเชยฺย เหตุปจฺจยา นอธิปติปจฺจยา… เหตุปจฺจยา นอนนฺตรปจฺจยา…เป.… เหตุปจฺจยา โนอวิคตปจฺจยาฯ