เมนู

ติกํ

นวิปฺปยุตฺตปจฺจยา นเหตุปจฺจยา อารมฺมเณ ทฺเว, อนนฺตเร ทฺเว, สมนนฺตเร ทฺเว, สหชาเต ทฺเว, อญฺญมญฺเญ ทฺเว, นิสฺสเย ทฺเว, อุปนิสฺสเย ทฺเว, อาเสวเน เอกํ, กมฺเม ทฺเว, อาหาเร ทฺเว, อินฺทฺริเย ทฺเว, ฌาเน ทฺเว, มคฺเค เอกํ, สมฺปยุตฺเต ทฺเว, อตฺถิยา ทฺเว, นตฺถิยา ทฺเว, วิคเต ทฺเว, อวิคเต ทฺเว…เป.…ฯ

นวกํ

นวิปฺปยุตฺตปจฺจยา นเหตุปจฺจยา นอธิปติปจฺจยา นปุเรชาตปจฺจยา นปจฺฉาชาตปจฺจยา (นอาเสวนปจฺจยมูลกมฺปิ นเหตุมูลกสทิสํฯ) นกมฺมปจฺจยา นวิปากปจฺจยา นมคฺคปจฺจยา (อิมานิ ตีณิ มูลานิ เอกสทิสานิ) อารมฺมเณ เอกํ, อนนฺตเร เอกํ, สมนนฺตเร เอกํ, สหชาเต เอกํ, อญฺญมญฺเญ เอกํ, นิสฺสเย เอกํ, อุปนิสฺสเย เอกํ, อาหาเร เอกํ, อินฺทฺริเย เอกํ, ฌาเน เอกํ, สมฺปยุตฺเต เอกํ, อตฺถิยา เอกํ, นตฺถิยา เอกํ, วิคเต เอกํ, อวิคเต เอกํฯ

ปจฺจนียานุโลมํฯ

สํสฏฺฐวาโรฯ

6. สมฺปยุตฺตวาโร

1. ปจฺจยานุโลมํ

1. วิภงฺควาโร

เหตุปจฺจโย

[392] กุสลํ ธมฺมํ สมฺปยุตฺโต กุสโล ธมฺโม อุปฺปชฺชติ เหตุปจฺจยา – กุสลํ เอกํ ขนฺธํ สมฺปยุตฺตา ตโย ขนฺธา, ตโย ขนฺเธ สมฺปยุตฺโต เอโก ขนฺโธ, ทฺเว ขนฺเธ สมฺปยุตฺตา ทฺเว ขนฺธาฯ (1)

[393] อกุสลํ ธมฺมํ สมฺปยุตฺโต อกุสโล ธมฺโม อุปฺปชฺชติ เหตุปจฺจยา – อกุสลํ เอกํ ขนฺธํ สมฺปยุตฺตา ตโย ขนฺธา, ตโย ขนฺเธ สมฺปยุตฺโต เอโก ขนฺโธ, ทฺเว ขนฺเธ สมฺปยุตฺตา ทฺเว ขนฺธาฯ (1)