เมนู

เหตุปจฺจโย

[338] กุสลํ ธมฺมํ สํสฏฺโฐ กุสโล ธมฺโม อุปฺปชฺชติ เหตุปจฺจยา – กุสลํ เอกํ ขนฺธํ สํสฏฺฐา ตโย ขนฺธา, ตโย ขนฺเธ สํสฏฺโฐ เอโก ขนฺโธ, ทฺเว ขนฺเธ สํสฏฺฐา ทฺเว ขนฺธาฯ (1)

อกุสลํ ธมฺมํ สํสฏฺโฐ อกุสโล ธมฺโม อุปฺปชฺชติ เหตุปจฺจยา – อกุสลํ เอกํ ขนฺธํ สํสฏฺฐา ตโย ขนฺธา, ตโย ขนฺเธ สํสฏฺโฐ เอโก ขนฺโธ, ทฺเว ขนฺเธ สํสฏฺฐา ทฺเว ขนฺธาฯ (1)

อพฺยากตํ ธมฺมํ สํสฏฺโฐ อพฺยากโต ธมฺโม อุปฺปชฺชติ เหตุปจฺจยา – วิปากาพฺยากตํ กิริยาพฺยากตํ เอกํ ขนฺธํ สํสฏฺฐา ตโย ขนฺธา, ตโย ขนฺเธ สํสฏฺโฐ เอโก ขนฺโธ, ทฺเว ขนฺเธ สํสฏฺฐา ทฺเว ขนฺธา; ปฏิสนฺธิกฺขเณ วิปากาพฺยากตํ เอกํ ขนฺธํ สํสฏฺฐา ตโย ขนฺธา, ตโย ขนฺเธ สํสฏฺโฐ เอโก ขนฺโธ, ทฺเว ขนฺเธ สํสฏฺฐา ทฺเว ขนฺธาฯ (1)

อารมฺมณาทิปจฺจยา

[339] กุสลํ ธมฺมํ สํสฏฺโฐ กุสโล ธมฺโม อุปฺปชฺชติ อารมฺมณปจฺจยา… อธิปติปจฺจยา… (อธิปติ ปฏิสนฺธิกฺขเณ นตฺถิฯ) อนนฺตรปจฺจยา… สมนนฺตรปจฺจยา… สหชาตปจฺจยา… อญฺญมญฺญปจฺจยา… นิสฺสยปจฺจยา… อุปนิสฺสยปจฺจยาฯ (สพฺพานิ ปทานิ เหตุมูลกสทิสานิ)ฯ

ปุเรชาตปจฺจโย

[340] กุสลํ ธมฺมํ สํสฏฺโฐ กุสโล ธมฺโม อุปฺปชฺชติ ปุเรชาตปจฺจยา – กุสลํ เอกํ ขนฺธํ สํสฏฺฐา ตโย ขนฺธา, ตโย ขนฺเธ สํสฏฺโฐ เอโก ขนฺโธ, ทฺเว ขนฺเธ สํสฏฺฐา ทฺเว ขนฺธา, วตฺถุํ ปุเรชาตปจฺจยาฯ (1)

อกุสลํ ธมฺมํ สํสฏฺโฐ อกุสโล ธมฺโม อุปฺปชฺชติ ปุเรชาตปจฺจยา – อกุสลํ เอกํ ขนฺธํ สํสฏฺฐา ตโย ขนฺธา, ตโย ขนฺเธ สํสฏฺโฐ เอโก ขนฺโธ, ทฺเว ขนฺเธ สํสฏฺฐา ทฺเว ขนฺธา; วตฺถุํ ปุเรชาตปจฺจยาฯ (1)

อพฺยากตํ ธมฺมํ สํสฏฺโฐ อพฺยากโต ธมฺโม อุปฺปชฺชติ ปุเรชาตปจฺจยา – วิปากาพฺยากตํ กิริยาพฺยากตํ เอกํ ขนฺธํ สํสฏฺฐา ตโย ขนฺธา, ตโย ขนฺเธ สํสฏฺโฐ เอโก ขนฺโธ, ทฺเว ขนฺเธ สํสฏฺฐา ทฺเว ขนฺธา; วตฺถุํ ปุเรชาตปจฺจยาฯ (1)

อาเสวนปจฺจโย

[341] กุสลํ ธมฺมํ สํสฏฺโฐ…เป.… อกุสลํ ธมฺมํ…เป.… อพฺยากตํ ธมฺมํ สํสฏฺโฐ อพฺยากโต ธมฺโม อุปฺปชฺชติ อาเสวนปจฺจยา – กิริยาพฺยากตํ เอกํ ขนฺธํ สํสฏฺฐา…เป.…ฯ

กมฺมปจฺจโย

[342] กุสลํ ธมฺมํ สํสฏฺโฐ กุสโล ธมฺโม อุปฺปชฺชติ กมฺมปจฺจยา…เป.… อกุสลํ ธมฺมํ สํสฏฺโฐ…เป.… อพฺยากตํ ธมฺมํ สํสฏฺโฐ…เป.…ฯ

วิปากปจฺจโย

[343] อพฺยากตํ ธมฺมํ สํสฏฺโฐ อพฺยากโต ธมฺโม อุปฺปชฺชติ วิปากปจฺจยา – วิปากาพฺยากตํ…เป.…ฯ

อาหาราทิปจฺจยา

[344] กุสลํ ธมฺมํ สํสฏฺโฐ กุสโล ธมฺโม อุปฺปชฺชติ อาหารปจฺจยา… อินฺทฺริยปจฺจยา … ฌานปจฺจยา… มคฺคปจฺจยา… สมฺปยุตฺตปจฺจยาฯ (อิมานิ ปทานิ เหตุปจฺจยสทิสานิฯ)

วิปฺปยุตฺตปจฺจโย

[345] กุสลํ ธมฺมํ สํสฏฺโฐ กุสโล ธมฺโม อุปฺปชฺชติ วิปฺปยุตฺตปจฺจยา – กุสลํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ สํสฏฺฐา ทฺเว ขนฺธา; วตฺถุํ วิปฺปยุตฺตปจฺจยาฯ

อกุสลํ ธมฺมํ…เป.… วตฺถุํ วิปฺปยุตฺตปจฺจยาฯ

อพฺยากตํ ธมฺมํ…เป.… วตฺถุํ วิปฺปยุตฺตปจฺจยาฯ