ติกํ

นวิปฺปยุตฺตปจฺจยา นเหตุปจฺจยา อารมฺมเณ ทฺเว, อนนฺตเร ทฺเว, สมนนฺตเร ทฺเว, สหชาเต ทฺเว, อญฺญมญฺเญ ทฺเว, นิสฺสเย ทฺเว, อุปนิสฺสเย ทฺเว, อาเสวเน เอกํ กมฺเม ทฺเว, อาหาเร ทฺเว, อินฺทฺริเย ทฺเว, ฌาเน ทฺเว, มคฺเค เอกํ, สมฺปยุตฺเต ทฺเว, อตฺถิยา ทฺเว, นตฺถิยา ทฺเว, วิคเต ทฺเว, อวิคเต ทฺเวฯ

จตุกฺกํ

นวิปฺปยุตฺตปจฺจยา นเหตุปจฺจยา นอารมฺมณปจฺจยา สหชาเต เอกํ, อญฺญมญฺเญ เอกํ, นิสฺสเย เอกํ, กมฺเม เอกํ, อาหาเร เอกํ, อินฺทฺริเย เอกํ, อตฺถิยา เอกํ, อวิคเต เอกํฯ (สํขิตฺตํฯ)

โนนตฺถิปจฺจยา… โนวิคตปจฺจยา (นอารมฺมณปจฺจยสทิสํ)ฯ

ปจฺจยวาเร ปจฺจนียานุโลมํฯ

ปจฺจยวาโรฯ

4. นิสฺสยวาโร

1. ปจฺจยานุโลมํ

1. วิภงฺควาโร

เหตุปจฺจโย

[329] กุสลํ ธมฺมํ นิสฺสาย กุสโล ธมฺโม อุปฺปชฺชติ เหตุปจฺจยา – กุสลํ เอกํ ขนฺธํ นิสฺสาย ตโย ขนฺธา, ตโย ขนฺเธ นิสฺสาย เอโก ขนฺโธ, ทฺเว ขนฺเธ นิสฺสาย ทฺเว ขนฺธาฯ กุสลํ ธมฺมํ นิสฺสาย อพฺยากโต ธมฺโม อุปฺปชฺชติ เหตุปจฺจยา – กุสเล ขนฺเธ นิสฺสาย จิตฺตสมุฏฺฐานํ รูปํฯ กุสลํ ธมฺมํ นิสฺสาย กุสโล จ อพฺยากโต จ ธมฺมา อุปฺปชฺชนฺติ เหตุปจฺจยาฯ กุสลํ เอกํ ขนฺธํ นิสฺสาย ตโย ขนฺธา จิตฺตสมุฏฺฐานญฺจ รูปํ, ตโย ขนฺเธ นิสฺสาย เอโก ขนฺโธ จิตฺตสมุฏฺฐานญฺจ รูปํ, ทฺเว ขนฺเธ นิสฺสาย ทฺเว ขนฺธา จิตฺตสมุฏฺฐานญฺจ รูปํฯ (3)

[330] อกุสลํ ธมฺมํ นิสฺสาย อกุสโล ธมฺโม อุปฺปชฺชติ เหตุปจฺจยา – อกุสลํ เอกํ ขนฺธํ นิสฺสาย ตโย ขนฺธา…เป.… ทฺเว ขนฺเธ นิสฺสาย ทฺเว ขนฺธาฯ อกุสลํ ธมฺมํ นิสฺสาย อพฺยากโต ธมฺโม อุปฺปชฺชติ เหตุปจฺจยา – อกุสเล ขนฺเธ นิสฺสาย จิตฺตสมุฏฺฐานํ รูปํฯ

อกุสลํ ธมฺมํ นิสฺสาย อกุสโล จ อพฺยากโต จ ธมฺมา อุปฺปชฺชนฺติ เหตุปจฺจยา – อกุสลํ เอกํ ขนฺธํ นิสฺสาย ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ นิสฺสาย ทฺเว ขนฺธา จิตฺตสมุฏฺฐานญฺจ รูปํฯ (3)

[331] อพฺยากตํ ธมฺมํ นิสฺสาย อพฺยากโต ธมฺโม อุปฺปชฺชติ เหตุปจฺจยา – วิปากาพฺยากตํ กิริยาพฺยากตํ เอกํ ขนฺธํ นิสฺสาย ตโย ขนฺธา จิตฺตสมุฏฺฐานญฺจ รูปํ, ตโย ขนฺเธ นิสฺสาย เอโก ขนฺโธ จิตฺตสมุฏฺฐานญฺจ รูปํ, ทฺเว ขนฺเธ นิสฺสาย ทฺเว ขนฺธา จิตฺตสมุฏฺฐานญฺจ รูปํ; ปฏิสนฺธิกฺขเณ วิปากาพฺยากตํ เอกํ ขนฺธํ นิสฺสาย ตโย ขนฺธา กฏตฺตา จ รูปํ, ตโย ขนฺเธ นิสฺสาย เอโก ขนฺโธ กฏตฺตา จ รูปํ, ทฺเว ขนฺเธ นิสฺสาย ทฺเว ขนฺธา กฏตฺตา จ รูปํ; ขนฺเธ นิสฺสาย วตฺถุ, วตฺถุํ นิสฺสาย ขนฺธา; เอกํ มหาภูตํ นิสฺสาย ตโย มหาภูตา, ตโย มหาภูเต นิสฺสาย เอกํ มหาภูตํ, ทฺเว มหาภูเต นิสฺสาย ทฺเว มหาภูตา, มหาภูเต นิสฺสาย จิตฺตสมุฏฺฐานํ รูปํ กฏตฺตารูปํ อุปาทารูปํ; วตฺถุํ นิสฺสาย วิปากาพฺยากตา กิริยาพฺยากตา ขนฺธาฯ (1)

อพฺยากตํ ธมฺมํ นิสฺสาย กุสโล ธมฺโม อุปฺปชฺชติ เหตุปจฺจยา – วตฺถุํ นิสฺสาย กุสลา ขนฺธาฯ (2)

อพฺยากตํ ธมฺมํ นิสฺสาย อกุสโล ธมฺโม อุปฺปชฺชติ เหตุปจฺจยา – วตฺถุํ นิสฺสาย อกุสลา ขนฺธาฯ (3)

อพฺยากตํ ธมฺมํ นิสฺสาย กุสโล จ อพฺยากโต จ ธมฺมา อุปฺปชฺชนฺติ เหตุปจฺจยา – วตฺถุํ นิสฺสาย กุสลา ขนฺธา, มหาภูเต นิสฺสาย จิตฺตสมุฏฺฐานํ รูปํฯ (4)

อพฺยากตํ ธมฺมํ นิสฺสาย อกุสโล จ อพฺยากโต จ ธมฺมา อุปฺปชฺชนฺติ เหตุปจฺจยา – วตฺถุํ นิสฺสาย อกุสลา ขนฺธา, มหาภูเต นิสฺสาย จิตฺตสมุฏฺฐานํ รูปํฯ (5)

[332] กุสลญฺจ อพฺยากตญฺจ ธมฺมํ นิสฺสาย กุสโล ธมฺโม อุปฺปชฺชติ เหตุปจฺจยา – กุสลํ เอกํ ขนฺธญฺจ วตฺถุญฺจ นิสฺสาย ตโย ขนฺธา…เป.… ทฺเว ขนฺเธ จ วตฺถุญฺจ นิสฺสาย ทฺเว ขนฺธาฯ กุสลญฺจ อพฺยากตญฺจ ธมฺมํ นิสฺสาย อพฺยากโต ธมฺโม อุปฺปชฺชติ เหตุปจฺจยา – กุสเล ขนฺเธ จ มหาภูเต จ นิสฺสาย จิตฺตสมุฏฺฐานํ รูปํฯ

กุสลญฺจ อพฺยากตญฺจ ธมฺมํ นิสฺสาย กุสโล จ อพฺยากโต จ ธมฺมา อุปฺปชฺชนฺติ เหตุปจฺจยา – กุสลํ เอกํ ขนฺธญฺจ วตฺถุญฺจ นิสฺสาย ตโย ขนฺธา…เป.… ทฺเว ขนฺเธ จ วตฺถุญฺจ นิสฺสาย ทฺเว ขนฺธา, กุสเล ขนฺเธ จ มหาภูเต จ นิสฺสาย จิตฺตสมุฏฺฐานํ รูปํฯ (3)

อกุสลญฺจ อพฺยากตญฺจ ธมฺมํ นิสฺสาย อกุสโล ธมฺโม อุปฺปชฺชติ เหตุปจฺจยา – อกุสลํ เอกํ ขนฺธญฺจ วตฺถุญฺจ นิสฺสาย ตโย ขนฺธา …เป.… ทฺเว ขนฺเธ จ วตฺถุญฺจ นิสฺสาย ทฺเว ขนฺธาฯ อกุสลญฺจ อพฺยากตญฺจ ธมฺมํ นิสฺสาย อพฺยากโต ธมฺโม อุปฺปชฺชติ เหตุปจฺจยา – อกุสเล ขนฺเธ จ มหาภูเต จ นิสฺสาย จิตฺตสมุฏฺฐานํ รูปํฯ อกุสลญฺจ อพฺยากตญฺจ ธมฺมํ นิสฺสาย อกุสโล จ อพฺยากโต จ ธมฺมา อุปฺปชฺชนฺติ เหตุปจฺจยา – อกุสลํ เอกํ ขนฺธญฺจ วตฺถุญฺจ นิสฺสาย ตโย ขนฺธา…เป.… ทฺเว ขนฺเธ จ วตฺถุญฺจ นิสฺสาย ทฺเว ขนฺธา, อกุสเล ขนฺเธ จ มหาภูเต จ นิสฺสาย จิตฺตสมุฏฺฐานํ รูปํฯ (3)

(ยถา ปจฺจยวาเร, เอวํ วิตฺถาเรตพฺพํฯ)

1. ปจฺจยานุโลมํ

2. สงฺขฺยาวาโร

สุทฺธํ

[333] เหตุยา สตฺตรส, อารมฺมเณ สตฺต, อธิปติยา สตฺตรส, อนนฺตเร สตฺต, สมนนฺตเร สตฺต, สหชาเต สตฺตรส, อญฺญมญฺเญ สตฺต, นิสฺสเย สตฺตรส, อุปนิสฺสเย สตฺต, ปุเรชาเต สตฺต, อาเสวเน สตฺต, กมฺเม สตฺตรส, วิปาเก เอกํ, อาหาเร สตฺตรส, อินฺทฺริเย สตฺตรส, ฌาเน สตฺตรส, มคฺเค สตฺตรส, สมฺปยุตฺเต สตฺต, วิปฺปยุตฺเต สตฺตรส, อตฺถิยา สตฺตรส, นตฺถิยา สตฺต, วิคเต สตฺต, อวิคเต สตฺตรสฯ

(ยถา ปจฺจยวาเร, เอวํ วิตฺถาเรตพฺพํฯ)

นิสฺสยวาเร อนุโลมํฯ

2. ปจฺจยปจฺจนียํ

1. วิภงฺควาโร