นมคฺคทุกํ

[326] นมคฺคปจฺจยา อารมฺมเณ เอกํ, อนนฺตเร เอกํ, สมนนฺตเร เอกํ, สหชาเต เอกํ, อญฺญมญฺเญ เอกํ, นิสฺสเย เอกํ, อุปนิสฺสเย เอกํ, ปุเรชาเต เอกํ, อาเสวเน เอกํ, กมฺเม เอกํ, วิปาเก เอกํ, อาหาเร เอกํ, อินฺทฺริเย เอกํ, ฌาเน เอกํ, สมฺปยุตฺเต เอกํ, วิปฺปยุตฺเต เอกํ, อตฺถิยา เอกํ, นตฺถิยา เอกํ, วิคเต เอกํ, อวิคเต เอกํ…เป.…ฯ

จตุกฺกํ

นมคฺคปจฺจยา นเหตุปจฺจยา นอารมฺมณปจฺจยา สหชาเต เอกํ, อญฺญมญฺเญ เอกํ, นิสฺสเย เอกํ, กมฺเม เอกํ, วิปาเก เอกํ, อาหาเร เอกํ, อินฺทฺริเย เอกํ, ฌาเน เอกํ, วิปฺปยุตฺเต เอกํ, อตฺถิยา เอกํ, อวิคเต เอกํฯ (สํขิตฺตํฯ)

นสมฺปยุตฺตทุกํ

[327] นสมฺปยุตฺตปจฺจยา เหตุยา ปญฺจ, อธิปติยา ปญฺจ, สหชาเต ปญฺจ, อญฺญมญฺเญ เอกํ, นิสฺสเย ปญฺจ, กมฺเม ปญฺจ, วิปาเก เอกํ, อาหาเร ปญฺจ, อินฺทฺริเย ปญฺจ, ฌาเน ปญฺจ, มคฺเค ปญฺจ, วิปฺปยุตฺเต ปญฺจ, อตฺถิยา ปญฺจ, อวิคเต ปญฺจฯ

ติกํ

นสมฺปยุตฺตปจฺจยา นเหตุปจฺจยา สหชาเต เอกํ…เป.… อวิคเต เอกํฯ (สํขิตฺตํฯ)

นวิปฺปยุตฺตทุกํ

[328] นวิปฺปยุตฺตปจฺจยา เหตุยา ตีณิ, อารมฺมเณ ตีณิ, อธิปติยา ตีณิ, อนนฺตเร ตีณิ, สมนนฺตเร ตีณิ, สหชาเต ตีณิ, อญฺญมญฺเญ ตีณิ, นิสฺสเย ตีณิ, อุปนิสฺสเย ตีณิ, อาเสวเน ตีณิ, กมฺเม ตีณิ, วิปาเก เอกํ, อาหาเร ตีณิ, อินฺทฺริเย ตีณิ, ฌาเน ตีณิ, มคฺเค ตีณิ, สมฺปยุตฺเต ตีณิ, อตฺถิยา ตีณิ, นตฺถิยา ตีณิ, วิคเต ตีณิ, อวิคเต ตีณิฯ

ติกํ

นวิปฺปยุตฺตปจฺจยา นเหตุปจฺจยา อารมฺมเณ ทฺเว, อนนฺตเร ทฺเว, สมนนฺตเร ทฺเว, สหชาเต ทฺเว, อญฺญมญฺเญ ทฺเว, นิสฺสเย ทฺเว, อุปนิสฺสเย ทฺเว, อาเสวเน เอกํ กมฺเม ทฺเว, อาหาเร ทฺเว, อินฺทฺริเย ทฺเว, ฌาเน ทฺเว, มคฺเค เอกํ, สมฺปยุตฺเต ทฺเว, อตฺถิยา ทฺเว, นตฺถิยา ทฺเว, วิคเต ทฺเว, อวิคเต ทฺเวฯ

จตุกฺกํ

นวิปฺปยุตฺตปจฺจยา นเหตุปจฺจยา นอารมฺมณปจฺจยา สหชาเต เอกํ, อญฺญมญฺเญ เอกํ, นิสฺสเย เอกํ, กมฺเม เอกํ, อาหาเร เอกํ, อินฺทฺริเย เอกํ, อตฺถิยา เอกํ, อวิคเต เอกํฯ (สํขิตฺตํฯ)

โนนตฺถิปจฺจยา… โนวิคตปจฺจยา (นอารมฺมณปจฺจยสทิสํ)ฯ

ปจฺจยวาเร ปจฺจนียานุโลมํฯ

ปจฺจยวาโรฯ

4. นิสฺสยวาโร

1. ปจฺจยานุโลมํ

1. วิภงฺควาโร

เหตุปจฺจโย

[329] กุสลํ ธมฺมํ นิสฺสาย กุสโล ธมฺโม อุปฺปชฺชติ เหตุปจฺจยา – กุสลํ เอกํ ขนฺธํ นิสฺสาย ตโย ขนฺธา, ตโย ขนฺเธ นิสฺสาย เอโก ขนฺโธ, ทฺเว ขนฺเธ นิสฺสาย ทฺเว ขนฺธาฯ กุสลํ ธมฺมํ นิสฺสาย อพฺยากโต ธมฺโม อุปฺปชฺชติ เหตุปจฺจยา – กุสเล ขนฺเธ นิสฺสาย จิตฺตสมุฏฺฐานํ รูปํฯ กุสลํ ธมฺมํ นิสฺสาย กุสโล จ อพฺยากโต จ ธมฺมา อุปฺปชฺชนฺติ เหตุปจฺจยาฯ กุสลํ เอกํ ขนฺธํ นิสฺสาย ตโย ขนฺธา จิตฺตสมุฏฺฐานญฺจ รูปํ, ตโย ขนฺเธ นิสฺสาย เอโก ขนฺโธ จิตฺตสมุฏฺฐานญฺจ รูปํ, ทฺเว ขนฺเธ นิสฺสาย ทฺเว ขนฺธา จิตฺตสมุฏฺฐานญฺจ รูปํฯ (3)

[330] อกุสลํ ธมฺมํ นิสฺสาย อกุสโล ธมฺโม อุปฺปชฺชติ เหตุปจฺจยา – อกุสลํ เอกํ ขนฺธํ นิสฺสาย ตโย ขนฺธา…เป.… ทฺเว ขนฺเธ นิสฺสาย ทฺเว ขนฺธาฯ อกุสลํ ธมฺมํ นิสฺสาย อพฺยากโต ธมฺโม อุปฺปชฺชติ เหตุปจฺจยา – อกุสเล ขนฺเธ นิสฺสาย จิตฺตสมุฏฺฐานํ รูปํฯ