เมนู

(ข) ยสฺส วา ปน ยตฺถ อพฺยากตา ธมฺมา น นิรุชฺฌิสฺสนฺติ ตสฺส ตตฺถ อกุสลา ธมฺมา น อุปฺปชฺชิตฺถาติ? อุปฺปชฺชิตฺถฯ

อุปฺปาทนิโรธวาโรฯ

ปวตฺติวาโร นิฏฺฐิโตฯ

3. ภาวนาวาโร

[229] (ก) โย กุสลํ ธมฺมํ ภาเวติ โส อกุสลํ ธมฺมํ ปชหตีติ? อามนฺตาฯ

(ข) โย วา ปน อกุสลํ ธมฺมํ ปชหติ โส กุสลํ ธมฺมํ ภาเวตีติ? อามนฺตาฯ

(ก) โย กุสลํ ธมฺมํ น ภาเวติ โส อกุสลํ ธมฺมํ นปฺปชหตีติ? อามนฺตาฯ

(ข) โย วา ปน อกุสลํ ธมฺมํ นปฺปชหติ โส กุสลํ ธมฺมํ น ภาเวตีติ? อามนฺตา…เป.…ฯ

ภาวนาวาโรฯ

ธมฺมยมกํ นิฏฺฐิตํฯ

ฯ นโม ตสฺส ภควโต อรหโต สมฺมาสมฺพุทฺธสฺสฯ

อภิธมฺมปิฏเก

10. อินฺทฺริยยมกํ

1. ปณฺณตฺติวาโร

(ก) อุทฺเทโส

[1] พาวีสตินฺทฺริยานิ – จกฺขุนฺทฺริยํ, โสตินฺทฺริยํ, ฆานินฺทฺริยํ, ชิวฺหินฺทฺริยํ, กายินฺทฺริยํ, มนินฺทฺริยํ, อิตฺถินฺทฺริยํ, ปุริสินฺทฺริยํ, ชีวิตินฺทฺริยํ, สุขินฺทฺริยํ, ทุกฺขินฺทฺริยํ, โสมนสฺสินฺทฺริยํ, โทมนสฺสินฺทฺริยํ, อุเปกฺขินฺทฺริยํ, สทฺธินฺทฺริยํ, วีริยินฺทฺริยํ [วิริยินฺทิยํ (สี. สฺยา.)], สตินฺทฺริยํ, สมาธินฺทฺริยํ, ปญฺญินฺทฺริยํ, อนญฺญาตญฺญสฺสามีตินฺทฺริยํ, อญฺญินฺทฺริยํ, อญฺญาตาวินฺทฺริยํฯ

1. ปทโสธนวาโร

(ก) อนุโลมํ

[2] (ก) จกฺขุ จกฺขุนฺทฺริยํ?

(ข) จกฺขุนฺทฺริยํ จกฺขุํ?

(ก) โสตํ โสตินฺทฺริยํ?

(ข) โสตินฺทฺริยํ โสตํ?

(ก) ฆานํ ฆานินฺทฺริยํ?

(ข) ฆานินฺทฺริยํ ฆานํ?

(ก) ชิวฺหา ชิวฺหินฺทฺริยํ?

(ข) ชิวฺหินฺทฺริยํ ชิวฺหา?

(ก) กาโย กายินฺทฺริยํ?

(ข) กายินฺทฺริยํ กาโย?

(ก) มโน มนินฺทฺริยํ?

(ข) มนินฺทฺริยํ มโน?

(ก) อิตฺถี อิตฺถินฺทฺริยํ?

(ข) อิตฺถินฺทฺริยํ อิตฺถี?

(ก) ปุริโส ปุริสินฺทฺริยํ?

(ข) ปุริสินฺทฺริยํ ปุริโส?

(ก) ชีวิตํ ชีวิตินฺทฺริยํ?

(ข) ชีวิตินฺทฺริยํ ชีวิตํ?

(ก) สุขํ สุขินฺทฺริยํ?

(ข) สุขินฺทฺริยํ สุขํ?

(ก) ทุกฺขํ ทุกฺขินฺทฺริยํ?

(ข) ทุกฺขินฺทฺริยํ ทุกฺขํ?