[29] (ก) อพฺยากตา ธมฺมาติ? อามนฺตาฯ

(ข) ธมฺมา กุสลา ธมฺมาติ?

กุสลา ธมฺมา ธมฺมา เจว กุสลา ธมฺมา จฯ อวเสสา ธมฺมา น กุสลา ธมฺมาฯ

(ก) อพฺยากตา ธมฺมาติ? อามนฺตาฯ

(ข) ธมฺมา อกุสลา ธมฺมาติ?

อกุสลา ธมฺมา ธมฺมา เจว อกุสลา ธมฺมา จฯ อวเสสา ธมฺมา น อกุสลา ธมฺมาฯ

(ข) ปจฺจนีกํ

[30] (ก) น กุสลา น ธมฺมาติ?

กุสลํ ฐเปตฺวา อวเสสา ธมฺมา น กุสลา, ธมฺมาฯ กุสลญฺจ ธมฺเม จ ฐเปตฺวา อวเสสา น เจว กุสลา น จ ธมฺมาฯ

(ข) น ธมฺมา น อกุสลา ธมฺมาติ? อามนฺตาฯ

(ก) น กุสลา น ธมฺมาติ?

กุสลํ ฐเปตฺวา อวเสสา ธมฺมา น กุสลา, ธมฺมาฯ กุสลญฺจ ธมฺเม จ ฐเปตฺวา อวเสสา น เจว กุสลา น จ ธมฺมาฯ

(ข) น ธมฺมา น อพฺยากตา ธมฺมาติ? อามนฺตาฯ

[31] (ก) น อกุสลา น ธมฺมาติ?

อกุสลํ ฐเปตฺวา อวเสสา ธมฺมา น อกุสลา, ธมฺมาฯ อกุสลญฺจ ธมฺเม จ ฐเปตฺวา อวเสสา น เจว อกุสลา น จ ธมฺมาฯ

(ข) น ธมฺมา น อกุสลา ธมฺมาติ? อามนฺตาฯ

(ก) น อกุสลา น ธมฺมาติ?

อกุสลํ ฐเปตฺวา อวเสสา ธมฺมา น อกุสลา, ธมฺมาฯ อกุสลญฺจ ธมฺเม จ ฐเปตฺวา อวเสสา น เจว อกุสลา น จ ธมฺมาฯ

(ข) น ธมฺมา น อพฺยากตา ธมฺมาติ? อามนฺตาฯ

[32] (ก) น อพฺยากตา น ธมฺมาติ?

อพฺยากตํ ฐเปตฺวา อวเสสา ธมฺมา น อพฺยากตา, ธมฺมาฯ อพฺยากตญฺจ ธมฺเม จ ฐเปตฺวา อวเสสา น เจว อพฺยากตา น จ ธมฺมาฯ

(ข) น ธมฺมา น กุสลา ธมฺมาติ? อามนฺตาฯ

(ก) น อพฺยากตา น ธมฺมาติ?

อพฺยากตํ ฐเปตฺวา อวเสสา ธมฺมา น อพฺยากตา, ธมฺมาฯ อพฺยากตญฺจ ธมฺเม จ ฐเปตฺวา อวเสสา น เจว อพฺยากตา น จ ธมฺมาฯ

(ข) น ธมฺมา น อกุสลา ธมฺมาติ? อามนฺตาฯ

ปณฺณตฺตินิทฺเทสวาโรฯ

2. ปวตฺติวาโร

1. อุปฺปาทวาโร

(1) ปจฺจุปฺปนฺนวาโร

(ก) อนุโลมปุคฺคโล

[33] (ก) ยสฺส กุสลา ธมฺมา อุปฺปชฺชนฺติ ตสฺส อกุสลา ธมฺมา อุปฺปชฺชนฺตีติ? โนฯ

(ข) ยสฺส วา ปน อกุสลา ธมฺมา อุปฺปชฺชนฺติ ตสฺส กุสลา ธมฺมา อุปฺปชฺชนฺตีติ? โนฯ

(ก) ยสฺส กุสลา ธมฺมา อุปฺปชฺชนฺติ ตสฺส อพฺยากตา ธมฺมา อุปฺปชฺชนฺตีติ?

อรูเป กุสลานํ อุปฺปาทกฺขเณ เตสํ กุสลา ธมฺมา อุปฺปชฺชนฺติ, โน จ เตสํ อพฺยากตา ธมฺมา อุปฺปชฺชนฺติฯ ปญฺจโวกาเร กุสลานํ อุปฺปาทกฺขเณ เตสํ กุสลา จ ธมฺมา อุปฺปชฺชนฺติ อพฺยากตา จ ธมฺมา อุปฺปชฺชนฺติฯ

(ข) ยสฺส วา ปน อพฺยากตา ธมฺมา อุปฺปชฺชนฺติ ตสฺส กุสลา ธมฺมา อุปฺปชฺชนฺตีติ?

สพฺเพสํ อุปปชฺชนฺตานํ ปวตฺเต กุสลวิปฺปยุตฺตจิตฺตสฺส อุปฺปาทกฺขเณ เตสํ อพฺยากตา ธมฺมา อุปฺปชฺชนฺติ, โน จ เตสํ กุสลา ธมฺมา อุปฺปชฺชนฺติฯ ปญฺจโวกาเร กุสลานํ อุปฺปาทกฺขเณ เตสํ อพฺยากตา จ ธมฺมา อุปฺปชฺชนฺติ กุสลา จ ธมฺมา อุปฺปชฺชนฺติฯ

[34] (ก) ยสฺส อกุสลา ธมฺมา อุปฺปชฺชนฺติ ตสฺส อพฺยากตา ธมฺมา อุปฺปชฺชนฺตีติ?

อรูเป อกุสลานํ อุปฺปาทกฺขเณ เตสํ อกุสลา ธมฺมา อุปฺปชฺชนฺติ, โน จ เตสํ อพฺยากตา ธมฺมา อุปฺปชฺชนฺติฯ ปญฺจโวกาเร อกุสลานํ อุปฺปาทกฺขเณ เตสํ อกุสลา จ ธมฺมา อุปฺปชฺชนฺติ อพฺยากตา จ ธมฺมา อุปฺปชฺชนฺติฯ

(ข) ยสฺส วา ปน อพฺยากตา ธมฺมา อุปฺปชฺชนฺติ ตสฺส อกุสลา ธมฺมา อุปฺปชฺชนฺตีติ?

สพฺเพสํ อุปปชฺชนฺตานํ ปวตฺเต อกุสลวิปฺปยุตฺตจิตฺตสฺส อุปฺปาทกฺขเณ เตสํ อพฺยากตา ธมฺมา อุปฺปชฺชนฺติ, โน จ เตสํ อกุสลา ธมฺมา อุปฺปชฺชนฺติฯ ปญฺจโวกาเร อกุสลานํ อุปฺปาทกฺขเณ เตสํ อพฺยากตา จ ธมฺมา อุปฺปชฺชนฺติ อกุสลา จ ธมฺมา อุปฺปชฺชนฺติฯ

(ข) อนุโลมโอกาโส

[35] (ก) ยตฺถ กุสลา ธมฺมา อุปฺปชฺชนฺติ ตตฺถ อกุสลา ธมฺมา อุปฺปชฺชนฺตีติ? อามนฺตาฯ

(ข) ยตฺถ วา ปน อกุสลา ธมฺมา อุปฺปชฺชนฺติ ตตฺถ กุสลา ธมฺมา อุปฺปชฺชนฺตีติ? อามนฺตาฯ