เมนู

(ข) โย วา ปน อญฺญินฺทฺริยํ น ภาเวสฺสติ โส อนญฺญาตญฺญสฺสามีตินฺทฺริยํ น ภาเวตีติ? อามนฺตาฯ

(ก) โย อนญฺญาตญฺญสฺสามีตินฺทฺริยํ น ภาเวติ โส อญฺญาตาวินฺทฺริยํ น สจฺฉิกริสฺสตีติ?

สตฺต ปุคฺคลา อนญฺญาตญฺญสฺสามีตินฺทฺริยํ น ภาเวนฺติ, โน จ อญฺญาตาวินฺทฺริยํ น สจฺฉิกริสฺสนฺติฯ ทฺเว ปุคฺคลา อนญฺญาตญฺญสฺสามีตินฺทฺริยญฺจ น ภาเวนฺติ อญฺญาตาวินฺทฺริยญฺจ น สจฺฉิกริสฺสนฺติฯ

(ข) โย วา ปน อญฺญาตาวินฺทฺริยํ น สจฺฉิกริสฺสติ โส อนญฺญาตญฺญสฺสามีตินฺทฺริยํ น ภาเวตีติ? อามนฺตาฯ (อนญฺญาตญฺญสฺสามีตินฺทฺริยมูลกํ)

[474] (ก) โย อญฺญินฺทฺริยํ น ภาเวติ โส อญฺญาตาวินฺทฺริยํ น สจฺฉิกริสฺสตีติ?

ปญฺจ ปุคฺคลา อญฺญินฺทฺริยํ น ภาเวนฺติ, โน จ อญฺญาตาวินฺทฺริยํ น สจฺฉิกริสฺสนฺติฯ ทฺเว ปุคฺคลา อญฺญินฺทฺริยญฺจ น ภาเวนฺติ อญฺญาตาวินฺทฺริยญฺจ น สจฺฉิกริสฺสนฺติฯ

(ข) โย วา ปน อญฺญาตาวินฺทฺริยํ น สจฺฉิกริสฺสติ โส อญฺญินฺทฺริยํ น ภาเวตีติ? อามนฺตาฯ (อญฺญินฺทฺริยมูลกํ)

6. อตีตานาคตวาโร

(ก) อนุโลมํ

[475] (ก) โย จกฺขุนฺทฺริยํ ปริชานิตฺถ โส โทมนสฺสินฺทฺริยํ ปชหิสฺสตีติ? โนฯ

(ข) โย วา ปน โทมนสฺสินฺทฺริยํ ปชหิสฺสติ โส จกฺขุนฺทฺริยํ ปริชานิตฺถาติ? โนฯ

(ก) โย จกฺขุนฺทฺริยํ ปริชานิตฺถ โส อนญฺญาตญฺญสฺสามีตินฺทฺริยํ ภาเวสฺสตีติ? โนฯ

(ข) โย วา ปน อนญฺญาตญฺญสฺสามีตินฺทฺริยํ ภาเวสฺสติ โส จกฺขุนฺทฺริยํ ปริชานิตฺถาติ? โนฯ

(ก) โย จกฺขุนฺทฺริยํ ปริชานิตฺถ โส อญฺญินฺทฺริยํ ภาเวสฺสตีติ? โนฯ

(ข) โย วา ปน อญฺญินฺทฺริยํ ภาเวสฺสติ โส จกฺขุนฺทฺริยํ ปริชานิตฺถาติ? โนฯ

(ก) โย จกฺขุนฺทฺริยํ ปริชานิตฺถ โส อญฺญาตาวินฺทฺริยํ สจฺฉิกริสฺสตีติ? โนฯ

(ข) โย วา ปน อญฺญาตาวินฺทฺริยํ สจฺฉิกริสฺสติ โส จกฺขุนฺทฺริยํ ปริชานิตฺถาติ? โนฯ (จกฺขุนฺทฺริยมูลกํ)

[476] (ก) โย โทมนสฺสินฺทฺริยํ ปชหิตฺถ โส อนญฺญาตญฺญสฺสามีตินฺทฺริยํ ภาเวสฺสตีติ? โนฯ

(ข) โย วา ปน อนญฺญาตญฺญสฺสามีตินฺทฺริยํ ภาเวสฺสติ โส โทมนสฺสินฺทฺริยํ ปชหิตฺถาติ? โนฯ

(ก) โย โทมนสฺสินฺทฺริยํ ปชหิตฺถ โส อญฺญินฺทฺริยํ ภาเวสฺสตีติ?

ทฺเว ปุคฺคลา โทมนสฺสินฺทฺริยํ ปชหิตฺถ, โน จ อญฺญินฺทฺริยํ ภาเวสฺสนฺติฯ อนาคามี โทมนสฺสินฺทฺริยญฺจ ปชหิตฺถ อญฺญินฺทฺริยญฺจ ภาเวสฺสติฯ

(ข) โย วา ปน อญฺญินฺทฺริยํ ภาเวสฺสติ โส โทมนสฺสินฺทฺริยํ ปชหิตฺถาติ?

ฉ ปุคฺคลา อญฺญินฺทฺริยํ ภาเวสฺสนฺติ, โน จ โทมนสฺสินฺทฺริยํ ปชหิตฺถฯ อนาคามี อญฺญินฺทฺริยญฺจ ภาเวสฺสติ โทมนสฺสินฺทฺริยญฺจ ปชหิตฺถฯ

(ก) โย โทมนสฺสินฺทฺริยํ ปชหิตฺถ โส อญฺญาตาวินฺทฺริยํ สจฺฉิกริสฺสตีติ?

อรหา โทมนสฺสินฺทฺริยํ ปชหิตฺถ, โน จ อญฺญาตาวินฺทฺริยํ สจฺฉิกริสฺสติฯ ทฺเว ปุคฺคลา โทมนสฺสินฺทฺริยญฺจ ปชหิตฺถ อญฺญาตาวินฺทฺริยญฺจ สจฺฉิกริสฺสนฺติฯ

(ข) โย วา ปน อญฺญาตาวินฺทฺริยํ สจฺฉิกริสฺสติ โส โทมนสฺสินฺทฺริยํ ปชหิตฺถาติ?

ฉ ปุคฺคลา อญฺญาตาวินฺทฺริยํ สจฺฉิกริสฺสนฺติ, โน จ โทมนสฺสินฺทฺริยํ ปชหิตฺถฯ ทฺเว ปุคฺคลา อญฺญาตาวินฺทฺริยญฺจ สจฺฉิกริสฺสนฺติ โทมนสฺสินฺทฺริยญฺจ ปชหิตฺถฯ (โทมนสฺสินฺทฺริยมูลกํ)

[477] (ก) โย อนญฺญาตญฺญสฺสามีตินฺทฺริยํ ภาวิตฺถ โส อญฺญินฺทฺริยํ ภาเวสฺสตีติ?

ทฺเว ปุคฺคลา อนญฺญาตญฺญสฺสามีตินฺทฺริยํ ภาวิตฺถ, โน จ อญฺญินฺทฺริยํ ภาเวสฺสนฺติฯ ปญฺจ ปุคฺคลา อนญฺญาตญฺญสฺสามีตินฺทฺริยญฺจ ภาวิตฺถ อญฺญินฺทฺริยญฺจ ภาเวสฺสนฺติฯ

(ข) โย วา ปน อญฺญินฺทฺริยํ ภาเวสฺสติฯ โส อนญฺญาตญฺญสฺสามีตินฺทฺริยํ ภาวิตฺถาติ?

ทฺเว ปุคฺคลา อญฺญินฺทฺริยํ ภาเวสฺสนฺติ โน จ อนญฺญาตญฺญสฺสามีตินฺทฺริยํ ภาวิตฺถฯ ตโย ปุคฺคลา อญฺญินฺทฺริยญฺจ ภาเวสฺสนฺติ อนญฺญาตญฺญสฺสามีตินฺทฺริยญฺจ ภาวิตฺถฯ

(ก) โย อนญฺญาตญฺญสฺสามีตินฺทฺริยํ ภาวิตฺถ โส อญฺญาตาวินฺทฺริยํ สจฺฉิกริสฺสตีติ?

อรหา อนญฺญาตญฺญสฺสามีตินฺทฺริยํ ภาวิตฺถ, โน จ อญฺญาตาวินฺทฺริยํ สจฺฉิกริสฺสติฯ ฉ ปุคฺคลา อนญฺญาตญฺญสฺสามีตินฺทฺริยญฺจ ภาวิตฺถ อญฺญาตาวินฺทฺริยญฺจ สจฺฉิกริสฺสนฺติฯ

(ข) โย วา ปน อญฺญาตาวินฺทฺริยํ สจฺฉิกริสฺสติ โส อนญฺญาตญฺญสฺสามีตินฺทฺริยํ ภาวิตฺถาติ?

ทฺเว ปุคฺคลา อญฺญาตาวินฺทฺริยํ สจฺฉิกริสฺสนฺติ, โน จ อนญฺญาตญฺญสฺสามีตินฺทฺริยํ ภาวิตฺถฯ ฉ ปุคฺคลา อญฺญาตาวินฺทฺริยญฺจ สจฺฉิกริสฺสนฺติ อนญฺญาตญฺญสฺสามีตินฺทฺริยญฺจ ภาวิตฺถฯ (อนญฺญาตญฺญสฺสามีตินฺทฺริยมูลกํ)

[478] (ก) โย อญฺญินฺทฺริยํ ภาวิตฺถ โส อญฺญาตาวินฺทฺริยํ สจฺฉิกริสฺสตีติ? โนฯ

(ข) โย วา ปน อญฺญาตาวินฺทฺริยํ สจฺฉิกริสฺสติ โส อญฺญินฺทฺริยํ ภาวิตฺถาติ? โนฯ (อญฺญินฺทฺริยมูลกํ)

(ข) ปจฺจนีกํ

[479] (ก) โย จกฺขุนฺทฺริยํ น ปริชานิตฺถ โส โทมนสฺสินฺทฺริยํ นปฺปชหิสฺสตีติ ?

ปญฺจ ปุคฺคลา จกฺขุนฺทฺริยํ น ปริชานิตฺถ, โน จ โทมนสฺสินฺทฺริยํ นปฺปชหิสฺสนฺติฯ จตฺตาโร ปุคฺคลา จกฺขุนฺทฺริยญฺจ น ปริชานิตฺถ โทมนสฺสินฺทฺริยญฺจ นปฺปชหิสฺสนฺติฯ

(ข) โย วา ปน โทมนสฺสินฺทฺริยํ นปฺปชหิสฺสติ โส จกฺขุนฺทฺริยํ น ปริชานิตฺถาติ?

อรหา โทมนสฺสินฺทฺริยํ นปฺปชหิสฺสติ, โน จ จกฺขุนฺทฺริยํ น ปริชานิตฺถฯ จตฺตาโร ปุคฺคลา โทมนสฺสินฺทฺริยญฺจ นปฺปชหิสฺสนฺติ จกฺขุนฺทฺริยญฺจ น ปริชานิตฺถฯ

(ก) โย จกฺขุนฺทฺริยํ น ปริชานิตฺถ โส อนญฺญาตญฺญสฺสามีตินฺทฺริยํ น ภาเวสฺสตีติ?

เย ปุถุชฺชนา มคฺคํ ปฏิลภิสฺสนฺติ เต จกฺขุนฺทฺริยํ น ปริชานิตฺถ, โน จ อนญฺญาตญฺญสฺสามีตินฺทฺริยํ น ภาเวสฺสนฺติฯ อฏฺฐ ปุคฺคลา จกฺขุนฺทฺริยญฺจ น ปริชานิตฺถ อนญฺญาตญฺญสฺสามีตินฺทฺริยญฺจ น ภาเวสฺสนฺติฯ

(ข) โย วา ปน อนญฺญาตญฺญสฺสามีตินฺทฺริยํ น ภาเวสฺสติ โส จกฺขุนฺทฺริยํ น ปริชานิตฺถาติ?

อรหา อนญฺญาตญฺญสฺสามีตินฺทฺริยํ น ภาเวสฺสติ, โน จ จกฺขุนฺทฺริยํ น ปริชานิตฺถฯ อฏฺฐ ปุคฺคลา อนญฺญาตญฺญสฺสามีตินฺทฺริยญฺจ น ภาเวสฺสนฺติ จกฺขุนฺทฺริยญฺจ น ปริชานิตฺถฯ

(ก) โย จกฺขุนฺทฺริยํ น ปริชานิตฺถ โส อญฺญินฺทฺริยํ น ภาเวสฺสตีติ?

สตฺต ปุคฺคลา จกฺขุนฺทฺริยํ น ปริชานิตฺถ, โน จ อญฺญินฺทฺริยํ น ภาเวสฺสนฺติฯ ทฺเว ปุคฺคลา จกฺขุนฺทฺริยญฺจ น ปริชานิตฺถ อญฺญินฺทฺริยญฺจ น ภาเวสฺสนฺติฯ

(ข) โย วา ปน อญฺญินฺทฺริยํ น ภาเวสฺสติ โส จกฺขุนฺทฺริยํ น ปริชานิตฺถาติ?

อรหา อญฺญินฺทฺริยํ น ภาเวสฺสติ, โน จ จกฺขุนฺทฺริยํ น ปริชานิตฺถฯ ทฺเว ปุคฺคลา อญฺญินฺทฺริยญฺจ น ภาเวสฺสนฺติ จกฺขุนฺทฺริยญฺจ น ปริชานิตฺถฯ

(ก) โย จกฺขุนฺทฺริยํ น ปริชานิตฺถ โส อญฺญาตาวินฺทฺริยํ น สจฺฉิกริสฺสตีติ?

อฏฺฐ ปุคฺคลา จกฺขุนฺทฺริยํ น ปริชานิตฺถ, โน จ อญฺญาตาวินฺทฺริยํ น สจฺฉิกริสฺสนฺติฯ เย ปุถุชฺชนา มคฺคํ น ปฏิลภิสฺสนฺติ เต จกฺขุนฺทฺริยญฺจ น ปริชานิตฺถ อญฺญาตาวินฺทฺริยญฺจ น สจฺฉิกริสฺสนฺติฯ

(ข) โย วา ปน อญฺญาตาวินฺทฺริยํ น สจฺฉิกริสฺสติ โส จกฺขุนฺทฺริยํ น ปริชานิตฺถาติ?

อรหา อญฺญาตาวินฺทฺริยํ น สจฺฉิกริสฺสติ, โน จ จกฺขุนฺทฺริยํ น ปริชานิตฺถฯ เย ปุถุชฺชนา มคฺคํ น ปฏิลภิสฺสนฺติ เต อญฺญาตาวินฺทฺริยญฺจ น สจฺฉิกริสฺสนฺติ จกฺขุนฺทฺริยญฺจ น ปริชานิตฺถฯ (จกฺขุนฺทฺริยมูลกํ)