[450] (ก) โย อญฺญินฺทฺริยํ น ภาวิตฺถ โส อญฺญาตาวินฺทฺริยํ น สจฺฉิกริตฺถาติ? อามนฺตาฯ

(ข) โย วา ปน อญฺญาตาวินฺทฺริยํ น สจฺฉิกริตฺถ โส อญฺญินฺทฺริยํ น ภาวิตฺถาติ?

โย อคฺคผลํ สจฺฉิกโรติ โส อญฺญาตาวินฺทฺริยํ น สจฺฉิกริตฺถ, โน จ อญฺญินฺทฺริยํ น ภาวิตฺถฯ อฏฺฐ ปุคฺคลา อญฺญาตาวินฺทฺริยญฺจ น สจฺฉิกริตฺถ อญฺญินฺทฺริยญฺจ น ภาวิตฺถฯ (อญฺญินฺทฺริยมูลกํ)

3. อนาคตวาโร

(ก) อนุโลมํ

[451] (ก) โย จกฺขุนฺทฺริยํ ปริชานิสฺสติ โส โทมนสฺสินฺทฺริยํ ปชหิสฺสตีติ?

ทฺเว ปุคฺคลา จกฺขุนฺทฺริยํ ปริชานิสฺสนฺติ, โน จ โทมนสฺสินฺทฺริยํ ปชหิสฺสนฺติฯ ปญฺจ ปุคฺคลา จกฺขุนฺทฺริยญฺจ ปริชานิสฺสนฺติ โทมนสฺสินฺทฺริยญฺจ ปชหิสฺสนฺติฯ

(ข) โย วา ปน โทมนสฺสินฺทฺริยํ ปชหิสฺสติ โส จกฺขุนฺทฺริยํ ปริชานิสฺสตีติ? อามนฺตาฯ

(ก) โย จกฺขุนฺทฺริยํ ปริชานิสฺสติ โส อนญฺญาตญฺญสฺสามีตินฺทฺริยํ ภาเวสฺสตีติ?

ฉ ปุคฺคลา จกฺขุนฺทฺริยํ ปริชานิสฺสนฺติ, โน จ อนญฺญาตญฺญสฺสามีตินฺทฺริยํ ภาเวสฺสนฺติฯ เย ปุถุชฺชนา มคฺคํ ปฏิลภิสฺสนฺติ เต จกฺขุนฺทฺริยญฺจ ปริชานิสฺสนฺติ อนญฺญาตญฺญสฺสามีตินฺทฺริยญฺจ ภาเวสฺสนฺติฯ

(ข) โย วา ปน อนญฺญาตญฺญสฺสามีตินฺทฺริยํ ภาเวสฺสติ โส จกฺขุนฺทฺริยํ ปริชานิสฺสตีติ? อามนฺตาฯ

(ก) โย จกฺขุนฺทฺริยํ ปริชานิสฺสติ โส อญฺญินฺทฺริยํ ภาเวสฺสตีติ ? อามนฺตาฯ

(ข) โย วา ปน อญฺญินฺทฺริยํ ภาเวสฺสติ โส จกฺขุนฺทฺริยํ ปริชานิสฺสตีติ? อามนฺตาฯ

(ก) โย จกฺขุนฺทฺริยํ ปริชานิสฺสติ โส อญฺญาตาวินฺทฺริยํ สจฺฉิกริสฺสตีติ? อามนฺตาฯ

(ข) โย วา ปน อญฺญาตาวินฺทฺริยํ สจฺฉิกริสฺสติ โส จกฺขุนฺทฺริยํ ปริชานิสฺสตีติ?

อคฺคมคฺคสมงฺคี อญฺญาตาวินฺทฺริยํ สจฺฉิกริสฺสติ, โน จ จกฺขุนฺทฺริยํ ปริชานิสฺสติฯ สตฺต ปุคฺคลา อญฺญาตาวินฺทฺริยญฺจ สจฺฉิกริสฺสนฺติ จกฺขุนฺทฺริยญฺจ ปริชานิสฺสนฺติฯ (จกฺขุนฺทฺริยมูลกํ)

[452] (ก) โย โทมนสฺสินฺทฺริยํ ปชหิสฺสติ โส อนญฺญาตญฺญสฺสามีตินฺทฺริยํ ภาเวสฺสตีติ?