(ก) น ปญฺญา น อินฺทฺริยนฺติ?

ปญฺญํ ฐเปตฺวา อวเสสา อินฺทฺริยา น ปญฺญา, อินฺทฺริยาฯ ปญฺญญฺจ อินฺทฺริเย จ ฐเปตฺวา อวเสสา น เจว ปญฺญา น จ อินฺทฺริยาฯ

(ข) น อินฺทฺริยา น อญฺญาตาวินฺทฺริยนฺติ? อามนฺตาฯ

[183] (ก) น อนญฺญาตญฺญสฺสามีติ น อินฺทฺริยนฺติ?

อนญฺญาตญฺญสฺสามีติํ ฐเปตฺวา อวเสสา อินฺทฺริยา น อนญฺญาตญฺญสฺสามีติ, อินฺทฺริยาฯ อนญฺญาตญฺญสฺสามีติญฺจ อินฺทฺริเย จ ฐเปตฺวา อวเสสา น เจว อนญฺญาตญฺญสฺสามีติ น จ อินฺทฺริยาฯ

(ข) น อินฺทฺริยา น จกฺขุนฺทฺริยนฺติ? อามนฺตา …เป.…ฯ

(ก) น อนญฺญาตญฺญสฺสามีติ น อินฺทฺริยนฺติ?

อนญฺญาตญฺญสฺสามีติํ ฐเปตฺวา อวเสสา อินฺทฺริยา น อนญฺญาตญฺญสฺสามีติ, อินฺทฺริยาฯ อนญฺญาตญฺญสฺสามีติญฺจ อินฺทฺริเย จ ฐเปตฺวา อวเสสา น เจว อนญฺญาตญฺญสฺสามีติ น จ อินฺทฺริยาฯ

(ข) น อินฺทฺริยา น อญฺญาตาวินฺทฺริยนฺติ? อามนฺตาฯ

[184] (ก) น อญฺญํ น อินฺทฺริยนฺติ?

อญฺญํ ฐเปตฺวา อวเสสา อินฺทฺริยา น อญฺญํ, อินฺทฺริยาฯ อญฺญญฺจ อินฺทฺริเย จ ฐเปตฺวา อวเสสา น เจว อญฺญํ น จ อินฺทฺริยาฯ

(ข) น อินฺทฺริยา น จกฺขุนฺทฺริยนฺติ? อามนฺตา …เป.…ฯ

(ก) น อญฺญํ น อินฺทฺริยนฺติ?

อญฺญํ ฐเปตฺวา อวเสสา อินฺทฺริยา น อญฺญํ, อินฺทฺริยาฯ อญฺญญฺจ อินฺทฺริเย จ ฐเปตฺวา อวเสสา น เจว อญฺญํ น จ อินฺทฺริยาฯ

(ข) น อินฺทฺริยา น อญฺญาตาวินฺทฺริยนฺติ? อามนฺตาฯ

[185] (ก) น อญฺญาตาวี น อินฺทฺริยนฺติ?

อญฺญาตาวิํ ฐเปตฺวา อวเสสา อินฺทฺริยา น อญฺญาตาวี, อินฺทฺริยาฯ อญฺญาตาวิญฺจ อินฺทฺริเย จ ฐเปตฺวา อวเสสา น เจว อญฺญาตาวี น จ อินฺทฺริยาฯ

(ข) น อินฺทฺริยา น จกฺขุนฺทฺริยนฺติ? อามนฺตา …เป.…ฯ

(ก) น อญฺญาตาวี น อินฺทฺริยนฺติ?

อญฺญาตาวิํ ฐเปตฺวา อวเสสา อินฺทฺริยา น อญฺญาตาวี, อินฺทฺริยาฯ อญฺญาตาวิญฺจ อินฺทฺริเย จ ฐเปตฺวา อวเสสา น เจว อญฺญาตาวี น จ อินฺทฺริยาฯ

(ข) น อินฺทฺริยา น อญฺญินฺทฺริยนฺติ? อามนฺตาฯ

ปณฺณตฺตินิทฺเทสวาโรฯ

2. ปวตฺติวาโร

1. อุปฺปาทวาโร

(1) ปจฺจุปฺปนฺนวาโร

(ก) อนุโลมปุคฺคโล

[186] (ก) ยสฺส จกฺขุนฺทฺริยํ อุปฺปชฺชติ ตสฺส โสตินฺทฺริยํ อุปฺปชฺชตีติ?

สจกฺขุกานํ อโสตกานํ อุปปชฺชนฺตานํ เตสํ จกฺขุนฺทฺริยํ อุปฺปชฺชติ, โน จ เตสํ โสตินฺทฺริยํ อุปฺปชฺชติฯ สจกฺขุกานํ สโสตกานํ อุปปชฺชนฺตานํ เตสํ จกฺขุนฺทฺริยญฺจ อุปฺปชฺชติ โสตินฺทฺริยญฺจ อุปฺปชฺชติฯ

(ข) ยสฺส วา ปน โสตินฺทฺริยํ อุปฺปชฺชติ ตสฺส จกฺขุนฺทฺริยํ อุปฺปชฺชตีติ?

สโสตกานํ อจกฺขุกานํ อุปปชฺชนฺตานํ เตสํ โสตินฺทฺริยํ อุปฺปชฺชติ, โน จ เตสํ จกฺขุนฺทฺริยํ อุปฺปชฺชติฯ สโสตกานํ สจกฺขุกานํ อุปปชฺชนฺตานํ เตสํ โสตินฺทฺริยญฺจ อุปฺปชฺชติ จกฺขุนฺทฺริยญฺจ อุปฺปชฺชติฯ

(ก) ยสฺส จกฺขุนฺทฺริยํ อุปฺปชฺชติ ตสฺส ฆานินฺทฺริยํ อุปฺปชฺชตีติ?

สจกฺขุกานํ อฆานกานํ อุปปชฺชนฺตานํ เตสํ จกฺขุนฺทฺริยํ อุปฺปชฺชติ, โน จ เตสํ ฆานินฺทฺริยํ อุปฺปชฺชติฯ สจกฺขุกานํ สฆานกานํ อุปปชฺชนฺตานํ เตสํ จกฺขุนฺทฺริยญฺจ อุปฺปชฺชติ ฆานินฺทฺริยญฺจ อุปฺปชฺชติฯ

(ข) ยสฺส วา ปน ฆานินฺทฺริยํ อุปฺปชฺชติ ตสฺส จกฺขุนฺทฺริยํ อุปฺปชฺชตีติ?

สฆานกานํ อจกฺขุกานํ อุปปชฺชนฺตานํ เตสํ ฆานินฺทฺริยํ อุปฺปชฺชติ, โน จ เตสํ จกฺขุนฺทฺริยํ อุปฺปชฺชติฯ สฆานกานํ สจกฺขุกานํ อุปปชฺชนฺตานํ เตสํ ฆานินฺทฺริยญฺจ อุปฺปชฺชติ จกฺขุนฺทฺริยญฺจ อุปฺปชฺชติฯ

(ก) ยสฺส จกฺขุนฺทฺริยํ อุปฺปชฺชติ ตสฺส อิตฺถินฺทฺริยํ อุปฺปชฺชตีติ ?

สจกฺขุกานํ น อิตฺถีนํ อุปปชฺชนฺตานํ เตสํ จกฺขุนฺทฺริยํ อุปฺปชฺชติ, โน จ เตสํ อิตฺถินฺทฺริยํ อุปฺปชฺชติฯ สจกฺขุกานํ อิตฺถีนํ อุปปชฺชนฺตีนํ ตาสํ จกฺขุนฺทฺริยญฺจ อุปฺปชฺชติ อิตฺถินฺทฺริยญฺจ อุปฺปชฺชติฯ

(ข) ยสฺส วา ปน อิตฺถินฺทฺริยํ อุปฺปชฺชติ ตสฺส จกฺขุนฺทฺริยํ อุปฺปชฺชตีติ?

อิตฺถีนํ อจกฺขุกานํ อุปปชฺชนฺตีนํ ตาสํ อิตฺถินฺทฺริยํ อุปฺปชฺชติ, โน จ ตาสํ จกฺขุนฺทฺริยํ อุปฺปชฺชติฯ อิตฺถีนํ สจกฺขุกานํ อุปปชฺชนฺตีนํ ตาสํ อิตฺถินฺทฺริยญฺจ อุปฺปชฺชติ จกฺขุนฺทฺริยญฺจ อุปฺปชฺชติฯ

(ก) ยสฺส จกฺขุนฺทฺริยํ อุปฺปชฺชติ ตสฺส ปุริสินฺทฺริยํ อุปฺปชฺชตีติ?

สจกฺขุกานํ น ปุริสานํ อุปปชฺชนฺตานํ เตสํ จกฺขุนฺทฺริยํ อุปฺปชฺชติ, โน จ เตสํ ปุริสินฺทฺริยํ อุปฺปชฺชติฯ สจกฺขุกานํ ปุริสานํ อุปปชฺชนฺตานํ เตสํ จกฺขุนฺทฺริยญฺจ อุปฺปชฺชติ ปุริสินฺทฺริยญฺจ อุปฺปชฺชติฯ