เมนู

ตสฺเสว ปุคฺคลสฺส ทุกฺขาย เวทนาย ตสฺส ตตฺถ อวิชฺชานุสโย จ ปฏิฆานุสโย จ ทิฏฺฐานุสโย จ วิจิกิจฺฉานุสโย จ อนุเสนฺติ, โน จ ตสฺส ตตฺถ กามราคานุสโย จ มานานุสโย จ ภวราคานุสโย จ อนุเสนฺติฯ (ฉกฺกมูลกํ)

อนุสยวาเร อนุโลมํฯ

1. อนุสยวาร

(ฆ) ปฏิโลมปุคฺคโล

[36] (ก) ยสฺส กามราคานุสโย นานุเสติ ตสฺส ปฏิฆานุสโย นานุเสตีติ? อามนฺตาฯ

(ข) ยสฺส วา ปน ปฏิฆานุสโย นานุเสติ ตสฺส กามราคานุสโย นานุเสตีติ? อามนฺตาฯ

(ก) ยสฺส กามราคานุสโย นานุเสติ ตสฺส มานานุสโย นานุเสตีติ?

อนาคามิสฺส กามราคานุสโย นานุเสติ, โน จ ตสฺส มานานุสโย นานุเสติฯ อรหโต กามราคานุสโย จ นานุเสติ มานานุสโย จ นานุเสติฯ

(ข) ยสฺส วา ปน มานานุสโย นานุเสติ ตสฺส กามราคานุสโย นานุเสตีติ? อามนฺตาฯ

ยสฺส กามราคานุสโย นานุเสติ ตสฺส ทิฏฺฐานุสโย…เป.… วิจิกิจฺฉานุสโย นานุเสตีติ? อามนฺตาฯ

ยสฺส วา ปน วิจิกิจฺฉานุสโย นานุเสติ ตสฺส กามราคานุสโย นานุเสตีติ?

ทฺวินฺนํ ปุคฺคลานํ วิจิกิจฺฉานุสโย นานุเสติ, โน จ เตสํ กามราคานุสโย นานุเสติ ฯ ทฺวินฺนํ ปุคฺคลานํ วิจิกิจฺฉานุสโย จ นานุเสติ กามราคานุสโย จ นานุเสติฯ

ยสฺส กามราคานุสโย นานุเสติ ตสฺส ภวราคานุสโย…เป.… อวิชฺชานุสโย นานุเสตีติ?

อนาคามิสฺส กามราคานุสโย นานุเสติ, โน จ ตสฺส อวิชฺชานุสโย นานุเสติฯ อรหโต กามราคานุสโย จ นานุเสติ อวิชฺชานุสโย จ นานุเสติฯ

ยสฺส วา ปน อวิชฺชานุสโย นานุเสติ ตสฺส กามราคานุสโย นานุเสตีติ? อามนฺตาฯ

[37] (ก) ยสฺส ปฏิฆานุสโย นานุเสติ ตสฺส มานานุสโย นานุเสตีติ?