(ก) อนุโลมํ
[8] (ก) กาโย กายสงฺขาโรติ? โนฯ
(ข) กายสงฺขาโร กาโยติ? โนฯ
(ก) วจี วจีสงฺขาโรติ? โนฯ
(ข) วจีสงฺขาโร วจีติ? โนฯ
(ก) จิตฺตํ จิตฺตสงฺขาโรติ? โนฯ
(ข) จิตฺตสงฺขาโร จิตฺตนฺติ? โนฯ
(ข) ปจฺจนีกํ
[9] (ก) น กาโย น กายสงฺขาโรติ?
กายสงฺขาโร น กาโย, กายสงฺขาโรฯ กายญฺจ กายสงฺขารญฺจ ฐเปตฺวา อวเสสา น เจว กาโย น จ กายสงฺขาโรฯ
(ข) น กายสงฺขาโร น กาโยติ?
กาโย น กายสงฺขาโร, กาโยฯ กายญฺจ กายสงฺขารญฺจ ฐเปตฺวา อวเสสา น เจว กาโย น จ กายสงฺขาโรฯ
(ก) น วจี น วจีสงฺขาโรติ?
วจีสงฺขาโร น วจี, วจีสงฺขาโรฯ วจิญฺจ วจีสงฺขารญฺจ ฐเปตฺวา อวเสสา น เจว วจี น จ วจีสงฺขาโรฯ
(ข) น วจีสงฺขาโร น วจีติ?
วจี น วจีสงฺขาโร, วจีฯ วจิญฺจ วจีสงฺขารญฺจ ฐเปตฺวา อวเสสา น เจว วจี น จ วจีสงฺขาโรฯ
(ก) น จิตฺตํ น จิตฺตสงฺขาโรติ?
จิตฺตสงฺขาโร น จิตฺตํ, จิตฺตสงฺขาโรฯ จิตฺตญฺจ จิตฺตสงฺขารญฺจ ฐเปตฺวา อวเสสา น เจว จิตฺตํ น จ จิตฺตสงฺขาโรฯ
(ข) น จิตฺตสงฺขาโร น จิตฺตนฺติ?
จิตฺตํ น จิตฺตสงฺขาโร, จิตฺตํฯ จิตฺตญฺจ จิตฺตสงฺขารญฺจ ฐเปตฺวา อวเสสา น เจว จิตฺตํ น จ จิตฺตสงฺขาโรฯ
2. ปทโสธนมูลจกฺกวาโร
(ก) อนุโลมํ
[10] (ก) กาโย กายสงฺขาโรติ? โนฯ
(ข) สงฺขารา วจีสงฺขาโรติ?
วจีสงฺขาโร สงฺขาโร เจว วจีสงฺขาโร จฯ อวเสสา สงฺขารา [อวเสสา สงฺขารา สงฺขารา (สี. สฺยา. กํ.)] น วจีสงฺขาโรฯ