น กามธาตุยา น รูปธาตุยา จุตสฺส น กามธาตุยา น อรูปธาตุยา อุปปตฺติ นาม นตฺถิ, เหฏฺฐา อุปปชฺชมาโน กามธาตุํเยว อุปปชฺชติ, สตฺเตว อนุสยา อนุเสนฺติ; อนุสยา ภงฺคา นตฺถิฯ น กามธาตุยา น รูปธาตุยา จุตสฺส น รูปธาตุํ น อรูปธาตุํ อุปปชฺชนฺตสฺส สตฺเตว อนุสยา อนุเสนฺติ; อนุสยา ภงฺคา นตฺถิฯ น กามธาตุยา น รูปธาตุยา จุตสฺส น กามธาตุํ น รูปธาตุํ อุปปชฺชนฺตสฺส กสฺสจิ สตฺต อนุสยา อนุเสนฺติ, กสฺสจิ ปญฺจ อนุสยา อนุเสนฺติ, กสฺสจิ ตโย อนุสยา อนุเสนฺติ; อนุสยา ภงฺคา นตฺถิฯ (นกามนรูปธาตุมูลกํ)
ธาตุวิสชฺชวาโรฯ
อนุสยยมกํ นิฏฺฐิตํฯ
ฯ นโม ตสฺส ภควโต อรหโต สมฺมาสมฺพุทฺธสฺสฯ
8. จิตฺตยมกํ
(ก) อุทฺเทโส
1. สุทฺธจิตฺตสามญฺญํ
1. ปุคฺคลวาโร
(1) อุปฺปาทนิโรธกาลสมฺเภทวาโร
[1] (ก) ยสฺส จิตฺตํ อุปฺปชฺชติ น นิรุชฺฌติ ตสฺส จิตฺตํ นิรุชฺฌิสฺสติ น อุปฺปชฺชิสฺสติ?
(ข) ยสฺส วา ปน จิตฺตํ นิรุชฺฌิสฺสติ น อุปฺปชฺชิสฺสติ ตสฺส จิตฺตํ อุปฺปชฺชติ น นิรุชฺฌติ?
(ก) ยสฺส จิตฺตํ น อุปฺปชฺชติ นิรุชฺฌติ ตสฺส จิตฺตํ น นิรุชฺฌิสฺสติ อุปฺปชฺชิสฺสติ?
(ข) ยสฺส วา ปน จิตฺตํ น นิรุชฺฌิสฺสติ อุปฺปชฺชิสฺสติ ตสฺส จิตฺตํ น อุปฺปชฺชติ นิรุชฺฌติ?
(2) อุปฺปาทุปฺปนฺนวาโร
[2] (ก) ยสฺส จิตฺตํ อุปฺปชฺชติ ตสฺส จิตฺตํ อุปฺปนฺนํ?
(ข) ยสฺส วา ปน จิตฺตํ อุปฺปนฺนํ ตสฺส จิตฺตํ อุปฺปชฺชติ?
(ก) ยสฺส จิตฺตํ น อุปฺปชฺชติ ตสฺส จิตฺตํ น อุปฺปนฺนํ?
(ข) ยสฺส วา ปน จิตฺตํ น อุปฺปนฺนํ ตสฺส จิตฺตํ น อุปฺปชฺชติ?