อคฺคมคฺคสมงฺคี ทุกฺขาย เวทนาย โส ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ น ปริชานาติ, โน จ โส ตโต อวิชฺชานุสยํ น ปริชานาติฯ สฺเวว ปุคฺคโล อปริยาปนฺเน โส ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ น ปริชานาติ อวิชฺชานุสยญฺจ น ปริชานาติฯ ทฺวินฺนํ มคฺคสมงฺคีนญฺจ อฏฺฐมกญฺจ ฐเปตฺวา อวเสสา ปุคฺคลา สพฺพตฺถ กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ น ปริชานนฺติ อวิชฺชานุสยญฺจ น ปริชานนฺติฯ

(ข) โย วา ปน ยโต อวิชฺชานุสยํ น ปริชานาติ โส ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ น ปริชานาตีติ?

อฏฺฐมโก กามธาตุยา ตีสุ เวทนาสุ รูปธาตุยา อรูปธาตุยา โส ตโต อวิชฺชานุสยญฺจ กามราคานุสยญฺจ ปฏิฆานุสยญฺจ มานานุสยญฺจ ภวราคานุสยญฺจ น ปริชานาติ, โน จ โส ตโต ทิฏฺฐานุสยญฺจ วิจิกิจฺฉานุสยญฺจ น ปริชานาติฯ สฺเวว ปุคฺคโล อปริยาปนฺเน โส ตโต อวิชฺชานุสยญฺจ น ปริชานาติ กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ น ปริชานาติฯ อนาคามิมคฺคสมงฺคี ทุกฺขาย เวทนาย โส ตโต อวิชฺชานุสยญฺจ กามราคานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ น ปริชานาติ, โน จ โส ตโต ปฏิฆานุสยํ น ปริชานาติฯ สฺเวว ปุคฺคโล กามธาตุยา ทฺวีสุ เวทนาสุ โส ตโต อวิชฺชานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ น ปริชานาติ, โน จ โส ตโต กามราคานุสยํ น ปริชานาติฯ สฺเวว ปุคฺคโล รูปธาตุยา อรูปธาตุยา อปริยาปนฺเน โส ตโต อวิชฺชานุสยญฺจ น ปริชานาติ กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ น ปริชานาติฯ ทฺวินฺนํ มคฺคสมงฺคีนญฺจ อฏฺฐมกญฺจ ฐเปตฺวา อวเสสา ปุคฺคลา สพฺพตฺถ อวิชฺชานุสยญฺจ น ปริชานนฺติ กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ น ปริชานนฺติฯ (ฉกฺกมูลกํ)

ปริญฺญาวาเร ปฏิโลมํฯ

ปริญฺญาวาโรฯ

5. ปหีนวาโร

(ก) อนุโลมปุคฺคโล

[264] (ก) ยสฺส กามราคานุสโย ปหีโน ตสฺส ปฏิฆานุสโย ปหีโนติ? อามนฺตาฯ

(ข) ยสฺส วา ปน ปฏิฆานุสโย ปหีโน ตสฺส กามราคานุสโย ปหีโนติ? อามนฺตาฯ

(ก) ยสฺส กามราคานุสโย ปหีโน ตสฺส มานานุสโย ปหีโนติ?

อนาคามิสฺส กามราคานุสโย ปหีโน, โน จ ตสฺส มานานุสโย ปหีโนฯ อรหโต กามราคานุสโย จ ปหีโน มานานุสโย จ ปหีโนฯ

(ข) ยสฺส วา ปน มานานุสโย ปหีโน ตสฺส กามราคานุสโย ปหีโนติ? อามนฺตาฯ

ยสฺส กามราคานุสโย ปหีโน ตสฺส ทิฏฺฐานุสโย…เป.… วิจิกิจฺฉานุสโย ปหีโนติ? อามนฺตาฯ

ยสฺส วา ปน วิจิกิจฺฉานุสโย ปหีโน ตสฺส กามราคานุสโย ปหีโนติ?

ทฺวินฺนํ ปุคฺคลานํ วิจิกิจฺฉานุสโย ปหีโน, โน จ เตสํ กามราคานุสโย ปหีโนฯ ทฺวินฺนํ ปุคฺคลานํ วิจิกิจฺฉานุสโย จ ปหีโน กามราคานุสโย จ ปหีโนฯ

ยสฺส กามราคานุสโย ปหีโน ตสฺส ภวราคานุสโย…เป.… อวิชฺชานุสโย ปหีโนติ?

อนาคามิสฺส กามราคานุสโย ปหีโน, โน จ ตสฺส อวิชฺชานุสโย ปหีโนฯ อรหโต กามราคานุสโย จ ปหีโน อวิชฺชานุสโย จ ปหีโนฯ

ยสฺส วา ปน อวิชฺชานุสโย ปหีโน ตสฺส กามราคานุสโย ปหีโนติ? อามนฺตาฯ

[265] (ก) ยสฺส ปฏิฆานุสโย ปหีโน ตสฺส มานานุสโย ปหีโนติ?

อนาคามิสฺส ปฏิฆานุสโย ปหีโน, โน จ ตสฺส มานานุสโย ปหีโนฯ อรหโต ปฏิฆานุสโย จ ปหีโน มานานุสโย จ ปหีโนฯ

(ข) ยสฺส วา ปน มานานุสโย ปหีโน ตสฺส ปฏิฆานุสโย ปหีโนติ? อามนฺตาฯ

ยสฺส ปฏิฆานุสโย ปหีโน ตสฺส ทิฏฺฐานุสโย…เป.… วิจิกิจฺฉานุสโย ปหีโนติ? อามนฺตาฯ