สฺเวว ปุคฺคโล กามธาตุยา ทฺวีสุ เวทนาสุ โส ตโต อวิชฺชานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ นปฺปชหติ, โน จ โส ตโต กามราคานุสยํ นปฺปชหติฯ สฺเวว ปุคฺคโล รูปธาตุยา อรูปธาตุยา อปริยาปนฺเน โส ตโต อวิชฺชานุสยญฺจ นปฺปชหติ กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ นปฺปชหติฯ ทฺวินฺนํ มคฺคสมงฺคีนญฺจ อฏฺฐมกญฺจ ฐเปตฺวา อวเสสา ปุคฺคลา สพฺพตฺถ อวิชฺชานุสยญฺจ นปฺปชหนฺติ กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ นปฺปชหนฺติฯ (ฉกฺกมูลกํ)
ปชหนาวาเร ปฏิโลมํฯ
ปชหนวาโรฯ
4. ปริญฺญาวาโร
(ก) อนุโลมปุคฺคโล
[198] (ก) โย กามราคานุสยํ ปริชานาติ โส ปฏิฆานุสยํ ปริชานาตีติ? อามนฺตาฯ
(ข) โย วา ปน ปฏิฆานุสยํ ปริชานาติ โส กามราคานุสยํ ปริชานาตีติ? อามนฺตาฯ
(ก) โย กามราคานุสยํ ปริชานาติ โส มานานุสยํ ปริชานาตีติ?
ตเทกฏฺฐํ ปริชานาติฯ
(ข) โย วา ปน มานานุสยํ ปริชานาติ โส กามราคานุสยํ ปริชานาตีติ? โนฯ
โย กามราคานุสยํ ปริชานาติ โส ทิฏฺฐานุสยํ…เป.… วิจิกิจฺฉานุสยํ ปริชานาตีติ? โนฯ
โย วา ปน วิจิกิจฺฉานุสยํ ปริชานาติ โส กามราคานุสยํ ปริชานาตีติ?
ตเทกฏฺฐํ ปริชานาติฯ
โย กามราคานุสยํ ปริชานาติ โส ภวราคานุสยํ…เป.… อวิชฺชานุสยํ ปริชานาตีติ?
ตเทกฏฺฐํ ปริชานาติฯ
โย วา ปน อวิชฺชานุสยํ ปริชานาติ โส กามราคานุสยํ ปริชานาตีติ? โนฯ
[199] (ก) โย ปฏิฆานุสยํ ปริชานาติ โส มานานุสยํ ปริชานาตีติ?
ตเทกฏฺฐํ ปริชานาติฯ
(ข) โย วา ปน มานานุสยํ ปริชานาติ โส ปฏิฆานุสยํ ปริชานาตีติ? โนฯ
โย ปฏิฆานุสยํ ปริชานาติ โส ทิฏฺฐานุสยํ…เป.… วิจิกิจฺฉานุสยํ ปริชานาตีติ? โนฯ
โย วา ปน วิจิกิจฺฉานุสยํ ปริชานาติ โส ปฏิฆานุสยํ ปริชานาตีติ?
ตเทกฏฺฐํ ปริชานาติฯ
โย ปฏิฆานุสยํ ปริชานาติ โส ภวราคานุสยํ…เป.… อวิชฺชานุสยํ ปริชานาตีติ?
ตเทกฏฺฐํ ปริชานาติฯ
โย วา ปน อวิชฺชานุสยํ ปริชานาติ โส ปฏิฆานุสยํ ปริชานาตีติ? โนฯ
[200] โย มานานุสยํ ปริชานาติ โส ทิฏฺฐานุสยํ…เป.… วิจิกิจฺฉานุสยํ ปริชานาตีติ? โนฯ
โย วา ปน วิจิกิจฺฉานุสยํ ปริชานาติ โส มานานุสยํ ปริชานาตีติ?
ตเทกฏฺฐํ ปริชานาติฯ
โย มานานุสยํ ปริชานาติ โส ภวราคานุสยํ…เป.… อวิชฺชานุสยํ ปริชานาตีติ? อามนฺตาฯ
โย วา ปน อวิชฺชานุสยํ ปริชานาติ โส มานานุสยํ ปริชานาตีติ? อามนฺตาฯ
[201] (ก) โย ทิฏฺฐานุสยํ ปริชานาติ โส วิจิกิจฺฉานุสยํ ปริชานาตีติ? อามนฺตาฯ
(ข) โย วา ปน วิจิกิจฺฉานุสยํ ปริชานาติ โส ทิฏฺฐานุสยํ ปริชานาตีติ? อามนฺตา …เป.…ฯ
[202] โย วิจิกิจฺฉานุสยํ ปริชานาติ โส ภวราคานุสยํ…เป.… อวิชฺชานุสยํ ปริชานาตีติ?
ตเทกฏฺฐํ ปริชานาติฯ
โย วา ปน อวิชฺชานุสยํ ปริชานาติ โส วิจิกิจฺฉานุสยํ ปริชานาตีติ? โนฯ
[203] (ก) โย ภวราคานุสยํ ปริชานาติ โส อวิชฺชานุสยํ ปริชานาตีติ? อามนฺตาฯ
(ข) โย วา ปน อวิชฺชานุสยํ ปริชานาติ โส ภวราคานุสยํ ปริชานาตีติ? อามนฺตาฯ (เอกมูลกํ)
[204] (ก) โย กามราคานุสยญฺจ ปฏิฆานุสยญฺจ ปริชานาติ โส มานานุสยํ ปริชานาตีติ?
ตเทกฏฺฐํ ปริชานาติฯ
(ข) โย วา ปน มานานุสยํ ปริชานาติ โส กามราคานุสยญฺจ ปฏิฆานุสยญฺจ ปริชานาตีติ? โนฯ
โย กามราคานุสยญฺจ ปฏิฆานุสยญฺจ ปริชานาติ โส ทิฏฺฐานุสยํ…เป.… วิจิกิจฺฉานุสยํ ปริชานาตีติ? โนฯ
โย วา ปน วิจิกิจฺฉานุสยํ ปริชานาติ โส กามราคานุสยญฺจ ปฏิฆานุสยญฺจ ปริชานาตีติ?
ตเทกฏฺฐํ ปริชานาติฯ
โย กามราคานุสยญฺจ ปฏิฆานุสยญฺจ ปริชานาติ โส ภวราคานุสยํ…เป.… อวิชฺชานุสยํ ปริชานาตีติ?
ตเทกฏฺฐํ ปริชานาติฯ
โย วา ปน อวิชฺชานุสยํ ปริชานาติ โส กามราคานุสยญฺจ ปฏิฆานุสยญฺจ ปริชานาตีติ? โนฯ (ทุกมูลกํ)
[205] โย กามราคานุสยญฺจ ปฏิฆานุสยญฺจ มานานุสยญฺจ ปริชานาติ โส ทิฏฺฐานุสยํ…เป.… วิจิกิจฺฉานุสยํ ปริชานาตีติ? นตฺถิฯ
โย วา ปน วิจิกิจฺฉานุสยํ ปริชานาติ โส กามราคานุสยญฺจ ปฏิฆานุสยญฺจ มานานุสยญฺจ ปริชานาตีติ?
ตเทกฏฺฐํ ปริชานาติฯ
โย กามราคานุสยญฺจ ปฏิฆานุสยญฺจ มานานุสยญฺจ ปริชานาติ โส ภวราคานุสยํ…เป.… อวิชฺชานุสยํ ปริชานาตีติ? นตฺถิฯ
โย วา ปน อวิชฺชานุสยํ ปริชานาติ โส กามราคานุสยญฺจ ปฏิฆานุสยญฺจ มานานุสยญฺจ ปริชานาตีติ?
มานานุสยํ ปริชานาติฯ (ติกมูลกํ)
[206] โย กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ ปริชานาติ โส วิจิกิจฺฉานุสยํ ปริชานาตีติ? นตฺถิฯ
โย วา ปน วิจิกิจฺฉานุสยํ ปริชานาติ โส กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ ปริชานาตีติ?
ทิฏฺฐานุสยํ ปริชานาติ กามราคานุสยญฺจ ปฏิฆานุสยญฺจ มานานุสยญฺจ ตเทกฏฺฐํ ปริชานาติ …เป.…ฯ (จตุกฺกมูลกํ)
[207] โย กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปริชานาติ โส ภวราคานุสยํ…เป.… อวิชฺชานุสยํ ปริชานาตีติ? นตฺถิฯ
โย วา ปน อวิชฺชานุสยํ ปริชานาติ โส กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปริชานาตีติ?
มานานุสยํ ปริชานาติฯ (ปญฺจกมูลกํ)
[208] (ก) โย กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปริชานาติ โส อวิชฺชานุสยํ ปริชานาตีติ? นตฺถิฯ
(ข) โย วา ปน อวิชฺชานุสยํ ปริชานาติ โส กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปริชานาตีติ?
มานานุสยญฺจ ภวราคานุสยญฺจ ปริชานาติฯ (ฉกฺกมูลกํ)
(ข) อนุโลมโอกาโส
[209] (ก) ยโต กามราคานุสยํ ปริชานาติ ตโต ปฏิฆานุสยํ ปริชานาตีติ? โนฯ
(ข) ยโต วา ปน ปฏิฆานุสยํ ปริชานาติ ตโต กามราคานุสยํ ปริชานาตีติ? โนฯ
(ก) ยโต กามราคานุสยํ ปริชานาติ ตโต มานานุสยํ ปริชานาตีติ? อามนฺตาฯ
(ข) ยโต วา ปน มานานุสยํ ปริชานาติ ตโต กามราคานุสยํ ปริชานาตีติ?
รูปธาตุยา อรูปธาตุยา ตโต มานานุสยํ ปริชานาติ, โน จ ตโต กามราคานุสยํ ปริชานาติฯ กามธาตุยา ทฺวีสุ เวทนาสุ ตโต มานานุสยญฺจ ปริชานาติ กามราคานุสยญฺจ ปริชานาติฯ
ยโต กามราคานุสยํ ปริชานาติ ตโต ทิฏฺฐานุสยํ…เป.… วิจิกิจฺฉานุสยํ ปริชานาตีติ? อามนฺตา ฯ
ยโต วา ปน วิจิกิจฺฉานุสยํ ปริชานาติ ตโต กามราคานุสยํ ปริชานาตีติ?
ทุกฺขาย เวทนาย รูปธาตุยา อรูปธาตุยา ตโต วิจิกิจฺฉานุสยํ ปริชานาติ, โน จ ตโต กามราคานุสยํ ปริชานาติฯ กามธาตุยา ทฺวีสุ เวทนาสุ ตโต วิจิกิจฺฉานุสยญฺจ ปริชานาติ กามราคานุสยญฺจ ปริชานาติฯ
(ก) ยโต กามราคานุสยํ ปริชานาติ ตโต ภวราคานุสยํ ปริชานาตีติ? โนฯ
(ข) ยโต วา ปน ภวราคานุสยํ ปริชานาติ ตโต กามราคานุสยํ ปริชานาตีติ? โนฯ
(ก) ยโต กามราคานุสยํ ปริชานาติ ตโต อวิชฺชานุสยํ ปริชานาตีติ? อามนฺตาฯ
(ข) ยโต วา ปน อวิชฺชานุสยํ ปริชานาติ ตโต กามราคานุสยํ ปริชานาตีติ?
ทุกฺขาย เวทนาย รูปธาตุยา อรูปธาตุยา ตโต อวิชฺชานุสยํ ปริชานาติ, โน จ ตโต กามราคานุสยํ ปริชานาติฯ กามธาตุยา ทฺวีสุ เวทนาสุ ตโต อวิชฺชานุสยญฺจ ปริชานาติ กามราคานุสยญฺจ ปริชานาติฯ
