เมนู

(ก) น ฆานํ น ฆานายตนนฺติ? อามนฺตาฯ

(ข) น ฆานายตนํ น ฆานนฺติ? อามนฺตาฯ

(ก) น ชิวฺหา น ชิวฺหายตนนฺติ? อามนฺตาฯ

(ข) น ชิวฺหายตนํ น ชิวฺหาติ? อามนฺตา

(ก) น กาโย น กายายตนนฺติ? อามนฺตาฯ

(ข) น กายายตนํ น กาโยติ?

กายายตนํ ฐเปตฺวา อวเสโส น กายายตนํ, กาโยฯ กายญฺจ กายายตนญฺจ ฐเปตฺวา อวเสสํ [อวเสโส (สฺยา.)] น เจว กาโย น จ กายายตนํฯ

(ก) น รูปํ น รูปายตนนฺติ? อามนฺตาฯ

(ข) น รูปายตนํ น รูปนฺติ?

รูปายตนํ ฐเปตฺวา อวเสสํ น รูปายตนํ, รูปํฯ รูปญฺจ รูปายตนญฺจ ฐเปตฺวา อวเสสํ น เจว รูปํ น จ รูปายตนํฯ

(ก) น สทฺโท น สทฺทายตนนฺติ? อามนฺตาฯ

(ข) น สทฺทายตนํ น สทฺโทติ? อามนฺตาฯ

(ก) น คนฺโธ น คนฺธายตนนฺติ? อามนฺตาฯ

(ข) น คนฺธายตนํ น คนฺโธติ?

สีลคนฺโธ สมาธิคนฺโธ ปญฺญาคนฺโธ น คนฺธายตนํ, คนฺโธฯ คนฺธญฺจ คนฺธายตนญฺจ ฐเปตฺวา อวเสสํ [อวเสสา (สฺยา.)] น เจว คนฺโธ น จ คนฺธายตนํฯ

(ก) น รโส น รสายตนนฺติ? อามนฺตาฯ

(ข) น รสายตนํ น รโสติ?

อตฺถรโส ธมฺมรโส วิมุตฺติรโส น รสายตนํ, รโสฯ รสญฺจ รสายตนญฺจ ฐเปตฺวา อวเสสํ น เจว รโส น จ รสายตนํฯ

(ก) น โผฏฺฐพฺโพ น โผฏฺฐพฺพายตนนฺติ? อามนฺตาฯ

(ข) น โผฏฺฐพฺพายตนํ น โผฏฺฐพฺโพติ? อามนฺตาฯ

(ก) น มโน น มนายตนนฺติ? อามนฺตาฯ

(ข) น มนายตนํ น มโนติ? อามนฺตาฯ

(ก) น ธมฺโม น ธมฺมายตนนฺติ? อามนฺตาฯ

(ข) น ธมฺมายตนํ น ธมฺโมติ?

ธมฺมายตนํ ฐเปตฺวา อวเสโส น ธมฺมายตนํ, ธมฺโมฯ ธมฺมญฺจ ธมฺมายตนญฺจ ฐเปตฺวา อวเสสํ น เจว ธมฺโม น จ ธมฺมายตนํฯ

2. ปทโสธนมูลจกฺกวาโร

(ก) อนุโลมํ

[12] (ก) จกฺขุ จกฺขายตนนฺติ?

ทิพฺพจกฺขุ ปญฺญาจกฺขุ จกฺขุ, น จกฺขายตนํฯ จกฺขายตนํ จกฺขุ เจว จกฺขายตนญฺจ…เป.…ฯ

(ข) อายตนา โสตายตนนฺติ?

โสตายตนํ อายตนญฺเจว โสตายตนญฺจฯ อวเสสา อายตนา น โสตายตนํฯ

จกฺขุ จกฺขายตนนฺติ?

ทิพฺพจกฺขุ ปญฺญาจกฺขุ จกฺขุ, น จกฺขายตนํฯ จกฺขายตนํ จกฺขุ เจว จกฺขายตนญฺจ…เป.…ฯ

อายตนา ฆานายตนนฺติ…เป.… อายตนา ธมฺมายตนนฺติ?

ธมฺมายตนํ อายตนญฺเจว ธมฺมายตนญฺจฯ อวเสสา อายตนา น ธมฺมายตนํฯ

โสตํ โสตายตนนฺติ?…เป.… อวเสสา อายตนา น ธมฺมายตนํ…เป.…ฯ

ธมฺโม ธมฺมายตนนฺติ?

ธมฺมายตนํ ฐเปตฺวา อวเสโส ธมฺโม, น ธมฺมายตนํฯ ธมฺมายตนํ ธมฺโม เจว ธมฺมายตนญฺจ…เป.…ฯ

อายตนา จกฺขายตนนฺติ?

จกฺขายตนํ อายตนญฺเจว จกฺขายตนญฺจฯ อวเสสา อายตนา น จกฺขายตนํฯ

ธมฺโม ธมฺมายตนนฺติ?

ธมฺมายตนํ ฐเปตฺวา อวเสโส ธมฺโม, น ธมฺมายตนํฯ ธมฺมายตนํ ธมฺโม เจว ธมฺมายตนญฺจฯ

อายตนา โสตายตนนฺติ…เป.… อายตนา มนายตนนฺติ?

มนายตนํ อายตนญฺเจว มนายตนญฺจฯ อวเสสา อายตนา น มนายตนํฯ

(เอเกกปทมูลกํ จกฺกํ พนฺธิตพฺพํ อสมฺโมหนฺเตน)ฯ

(ข) ปจฺจนีกํ

[13] (ก) น จกฺขุ น จกฺขายตนนฺติ? อามนฺตาฯ

(ข) นายตนา น โสตายนนฺติ? อามนฺตาฯ

(ก) น จกฺขุ น จกฺขายตนนฺติ? อามนฺตาฯ

(ข) นายตนา น ฆานายตนนฺติ? อามนฺตาฯ…เป.…ฯ

นายตนา น ธมฺมายตนนฺติ? อามนฺตาฯ