(ข) ปจฺจนีกํ

[9] (ก) น จกฺขุ นายตนํ?

(ข) นายตนา น โสตํ?

(ก) น จกฺขุ นายตนํ?

(ข) นายตนา น ฆานํ?…เป.…

(ก) น จกฺขุ นายตนํ?

(ข) นายตนา น ธมฺโม?

(ก) น โสตํ นายตนํ?

(ข) นายตนา น จกฺขุ?…เป.…

(ก) น โสตํ นายตนํ?

(ข) นายตนา น ธมฺโม?

(ก) น ฆานํ นายตนํ?

(ข) นายตนา น จกฺขุ?…เป.…

(ก) น ฆานํ นายตนํ?

(ข) นายตนา น ธมฺโม?…เป.…

(ก) น ธมฺโม นายตนํ?

(ข) นายตนา น จกฺขุ?

(ก) น ธมฺโม นายตนํ?

(ข) นายตนา น โสตํ?…เป.…

(ก) น ธมฺโม นายตนํ?

(ข) นายตนา น มโน?

(จกฺกํ พนฺธิตพฺพํ)

ปณฺณตฺติอุทฺเทสวาโรฯ

(ข) นิทฺเทโส

1. ปณฺณตฺติวารนิทฺเทส

1. ปทโสธนวาโร

(ก) อนุโลมํ

[10] (ก) จกฺขุ จกฺขายตนนฺติ?

ทิพฺพจกฺขุ ปญฺญาจกฺขุ จกฺขุ, น จกฺขายตนํฯ จกฺขายตนํ จกฺขุ เจว จกฺขายตนญฺจฯ

(ข) จกฺขายตนํ จกฺขูติ? อามนฺตาฯ

(ก) โสตํ โสตายตนนฺติ?

ทิพฺพโสตํ ตณฺหาโสตํ โสตํ, น โสตายตนํฯ โสตายตนํ โสตญฺเจว โสตายตนญฺจฯ

(ข) โสตายตนํ โสตนฺติ? อามนฺตาฯ

(ก) ฆานํ ฆานายตนนฺติ? อามนฺตาฯ

(ข) ฆานายตนํ ฆานนฺติ? อามนฺตาฯ

(ก) ชิวฺหา ชิวฺหายตนนฺติ? อามนฺตาฯ

(ข) ชิวฺหายตนํ ชิวฺหาติ? อามนฺตาฯ

(ก) กาโย กายายตนนฺติ?

กายายตนํ ฐเปตฺวา อวเสโส กาโย, น กายายตนํฯ กายายตนํ กาโย เจว กายายตนญฺจฯ

(ข) กายายตนํ กาโยติ? อามนฺตาฯ

(ก) รูปํ รูปายตนนฺติ?

รูปายตนํ ฐเปตฺวา อวเสสํ รูปํ, น รูปายตนํฯ รูปายตนํ รูปญฺเจว รูปายตนญฺจฯ

(ข) รูปายตนํ รูปนฺติ? อามนฺตาฯ

(ก) สทฺโท สทฺทายตนนฺติ? อามนฺตาฯ

(ข) สทฺทายตนํ สทฺโทติ? อามนฺตาฯ

(ก) คนฺโธ คนฺธายตนนฺติ?

สีลคนฺโธ สมาธิคนฺโธ ปญฺญาคนฺโธ คนฺโธ, น คนฺธายตนํฯ คนฺธายตนํ คนฺโธ เจว คนฺธายตนญฺจฯ

(ข) คนฺธายตนํ คนฺโธติ? อามนฺตาฯ

(ก) รโส รสายตนนฺติ?

อตฺถรโส ธมฺมรโส วิมุตฺติรโส รโส, น รสายตนํฯ รสายตนํ รโส เจว รสายตนญฺจฯ

(ข) รสายตนํ รโสติ? อามนฺตาฯ

(ก) โผฏฺฐพฺโพ โผฏฺฐพฺพายตนนฺติ? อามนฺตาฯ

(ข) โผฏฺฐพฺพายตนํ โผฏฺฐพฺโพติ? อามนฺตาฯ

(ก) มโน มนายตนนฺติ? อามนฺตาฯ

(ข) มนายตนํ มโนติ? อามนฺตาฯ

(ก) ธมฺโม ธมฺมายตนนฺติ?

ธมฺมายตนํ ฐเปตฺวา อวเสโส ธมฺโม, น ธมฺมายตนํฯ ธมฺมายตนํ ธมฺโม เจว ธมฺมายตนญฺจฯ

(ข) ธมฺมายตนํ ธมฺโมติ? อามนฺตาฯ

(ข) ปจฺจนีกํ

[11] (ก) น จกฺขุ น จกฺขายตนนฺติ? อามนฺตาฯ

(ข) น จกฺขายตนํ น จกฺขูติ?

ทิพฺพจกฺขุ ปญฺญาจกฺขุ น จกฺขายตนํ, จกฺขุฯ จกฺขุญฺจ จกฺขายตนญฺจ ฐเปตฺวา อวเสสํ [อวเสสา (สฺยา. ปี.)] น เจว จกฺขุ น จ จกฺขายตนํฯ

(ก) น โสตํ น โสตายตนนฺติ? อามนฺตาฯ

(ข) น โสตายตนํ น โสตนฺติ?

ทิพฺพโสตํ ตณฺหาโสตํ น โสตายตนํ, โสตํฯ โสตญฺจ โสตายตนญฺจ ฐเปตฺวา อวเสสํ น เจว โสตํ น จ โสตายตนํฯ