สมุทโย สจฺจนฺติ? อามนฺตา…เป.…ฯ

นิโรโธ สจฺจนฺติ? อามนฺตา…เป.…ฯ

(ก) มคฺโค สจฺจนฺติ? อามนฺตาฯ

(ข) สจฺจา มคฺคสจฺจนฺติ?

มคฺคสจฺจํ สจฺจญฺเจว มคฺคสจฺจญฺจฯ อวเสสา สจฺจา น มคฺคสจฺจํฯ

(ข) ปจฺจนีกํ

[21] (ก) น ทุกฺขํ น สจฺจนฺติ?

ทุกฺขํ ฐเปตฺวา อวเสสา สจฺจา น ทุกฺขํ, สจฺจาฯ ทุกฺขญฺจ สจฺจญฺจ ฐเปตฺวา อวเสสํ น เจว ทุกฺขํ น จ สจฺจาฯ

(ข) น สจฺจา น ทุกฺขสจฺจนฺติ? อามนฺตาฯ

น สมุทโย น สจฺจนฺติ?

สมุทยํ ฐเปตฺวา…เป.… นิโรธํ ฐเปตฺวา…เป.…ฯ

(ก) น มคฺโค น สจฺจนฺติ?

มคฺคํ ฐเปตฺวา อวเสสา สจฺจา น มคฺโค, สจฺจาฯ มคฺคญฺจ สจฺจญฺจ ฐเปตฺวา อวเสสา น เจว มคฺโค น จ สจฺจาฯ

(ข) น สจฺจา น มคฺคสจฺจนฺติ? อามนฺตาฯ

4. สุทฺธสจฺจมูลจกฺกวาโร

(ก) อนุโลมํ

[22] (ก) ทุกฺขํ สจฺจนฺติ? อามนฺตาฯ

(ข) สจฺจา สมุทยสจฺจนฺติ?

สมุทยสจฺจํ สจฺจญฺเจว สมุทยสจฺจญฺจฯ อวเสสา สจฺจา น สมุทยสจฺจํฯ

ทุกฺขํ สจฺจนฺติ? อามนฺตาฯ

สจฺจา นิโรธสจฺจนฺติ?…เป.…ฯ สจฺจา มคฺคสจฺจนฺติ?

มคฺคสจฺจํ สจฺจญฺเจว มคฺคสจฺจญฺจฯ อวเสสา สจฺจา น มคฺคสจฺจํฯ

สมุทโย สจฺจนฺติ? อามนฺตาฯ…เป.…ฯ

นิโรโธ สจฺจนฺติ? อามนฺตาฯ…เป.…ฯ

มคฺโค สจฺจนฺติ? อามนฺตาฯ

สจฺจา ทุกฺขสจฺจนฺติ?…เป.… สจฺจา สมุทยสจฺจนฺติ? …เป.… สจฺจา นิโรธสจฺจนฺติ?

นิโรธสจฺจํ สจฺจญฺเจว นิโรธสจฺจญฺจฯ อวเสสา สจฺจา น นิโรธสจฺจํฯ