(ก) สญฺญา สญฺญากฺขนฺโธติ?
ทิฏฺฐิสญฺญา สญฺญา, น สญฺญากฺขนฺโธฯ สญฺญากฺขนฺโธ สญฺญา เจว สญฺญากฺขนฺโธ จฯ
(ข) สญฺญากฺขนฺโธ สญฺญาติ? อามนฺตาฯ
(ก) สงฺขารา สงฺขารกฺขนฺโธติ?
สงฺขารกฺขนฺธํ ฐเปตฺวา อวเสสา สงฺขารา [อวเสสา สงฺขารา สงฺขารา (สฺยา.)], น สงฺขารกฺขนฺโธฯ สงฺขารกฺขนฺโธ สงฺขารา เจว สงฺขารกฺขนฺโธ จฯ
(ข) สงฺขารกฺขนฺโธ สงฺขาราติ? อามนฺตาฯ
(ก) วิญฺญาณํ วิญฺญาณกฺขนฺโธติ? อามนฺตาฯ
(ข) วิญฺญาณกฺขนฺโธ วิญฺญาณนฺติ? อามนฺตาฯ
(ข) ปจฺจนีกํ
[27] (ก) น รูปํ น รูปกฺขนฺโธติ? อามนฺตาฯ
(ข) น รูปกฺขนฺโธ น รูปนฺติ?
ปิยรูปํ สาตรูปํ น รูปกฺขนฺโธ, รูปํฯ รูปญฺจ รูปกฺขนฺธญฺจ ฐเปตฺวา อวเสสา น เจว รูปํ น จ รูปกฺขนฺโธฯ
(ก) น เวทนา น เวทนากฺขนฺโธติ? อามนฺตาฯ
(ข) น เวทนากฺขนฺโธ น เวทนาติ? อามนฺตาฯ
(ก) น สญฺญา น สญฺญากฺขนฺโธติ? อามนฺตาฯ
(ข) น สญฺญากฺขนฺโธ น สญฺญาติ?
ทิฏฺฐิสญฺญา น สญฺญากฺขนฺโธ, สญฺญาฯ สญฺญญฺจ สญฺญากฺขนฺธญฺจ ฐเปตฺวา อวเสสา น เจว สญฺญา น จ สญฺญากฺขนฺโธฯ
(ก) น สงฺขารา น สงฺขารกฺขนฺโธติ? อามนฺตาฯ
(ข) น สงฺขารกฺขนฺโธ น สงฺขาราติ?
สงฺขารกฺขนฺธํ ฐเปตฺวา อวเสสา น สงฺขารกฺขนฺโธ, สงฺขาราฯ สงฺขาเร จ สงฺขารกฺขนฺธญฺจ ฐเปตฺวา อวเสสา น เจว สงฺขารา น จ สงฺขารกฺขนฺโธฯ
(ก) น วิญฺญาณํ น วิญฺญาณกฺขนฺโธติ? อามนฺตาฯ
(ข) น วิญฺญาณกฺขนฺโธ น วิญฺญาณนฺติ? อามนฺตาฯ
2. ปทโสธนมูลจกฺกวาโร
(ก) อนุโลมํ
[28] (ก) รูปํ รูปกฺขนฺโธติ?
ปิยรูปํ สาตรูปํ รูปํ, น รูปกฺขนฺโธฯ รูปกฺขนฺโธ รูปญฺเจว รูปกฺขนฺโธ จฯ
(ข) ขนฺธา เวทนากฺขนฺโธติ?
เวทนากฺขนฺโธ ขนฺโธ เจว เวทนากฺขนฺโธ จฯ
อวเสสา ขนฺธา [อวเสสา ขนฺธา ขนฺธา (สฺยา.) เอวมุปริปิ] น เวทนากฺขนฺโธฯ