จกฺขุวิญฺญาณธาตุ ธาตุ เจว จกฺขุวิญฺญาณธาตุ จฯ อวเสสา ธาตู น จกฺขุวิญฺญาณธาตุฯ โสตวิญฺญาณํ…เป.… ฆานวิญฺญาณํ… ชิวฺหาวิญฺญาณํ… กายวิญฺญาณํ…ฯ
(ก) มโน ธาตูติ? อามนฺตาฯ
(ข) ธาตู มโนธาตูติ?
มโนธาตุ ธาตุ เจว มโนธาตุ จฯ อวเสสา ธาตู น มโนธาตุฯ
(ก) มโนวิญฺญาณํ ธาตูติ? อามนฺตาฯ
(ข) ธาตู มโนวิญฺญาณธาตูติ?
มโนวิญฺญาณธาตุ ธาตุ เจว มโนวิญฺญาณธาตุ จฯ อวเสสา ธาตู น มโนวิญฺญาณธาตุฯ
(ก) ธมฺโม ธาตูติ? อามนฺตาฯ
(ข) ธาตู ธมฺมธาตูติ?
ธมฺมธาตุ ธาตุ เจว ธมฺมธาตุ จฯ อวเสสา ธาตู น ธมฺมธาตุฯ
(ข) ปจฺจนีกํ
[15] (ก) น จกฺขุ น ธาตูติ?
จกฺขุํ ฐเปตฺวา อวเสสา ธาตู น จกฺขุ, ธาตุฯ จกฺขุญฺจ ธาตุญฺจ ฐเปตฺวา อวเสสา น เจว จกฺขุ น จ ธาตูฯ
(ข) น ธาตู น จกฺขูติ? อามนฺตาฯ
น โสตํ น ธาตูติ?
โสตํ ฐเปตฺวา…เป.… ฆานํ ฐเปตฺวา…เป.… ชิวฺห ฐเปตฺวา…เป.…ฯ
(ก) น กาโย น ธาตูติ? อามนฺตาฯ
(ข) น ธาตู น กายธาตูติ? อามนฺตาฯ
น รูปํ น ธาตูติ?
รูปํ ฐเปตฺวา…เป.… สทฺทํ… คนฺธํ… รสํ… โผฏฺฐพฺพํ… จกฺขุวิญฺญาณํ…เป.… มโนวิญฺญาณํ ฐเปตฺวา…เป.…ฯ
(ก) น ธมฺโม น ธาตูติ? อามนฺตาฯ
(ข) น ธาตู น ธมฺมธาตูติ? อามนฺตาฯ
4. สุทฺธธาตุมูลจกฺกวาโร
(ก) อนุโลมํ
[16] (ก) จกฺขุ ธาตูติ? อามนฺตาฯ
(ข) ธาตู โสตธาตูติ?
โสตธาตุ ธาตุ เจว โสตธาตุ จฯ อวเสสา ธาตู น โสตธาตุฯ
จกฺขุ ธาตูติ? อามนฺตาฯ
ธาตู ฆานธาตุ…เป.… ธาตู ธมฺมธาตูติ?
ธมฺมธาตุ ธาตุ เจว ธมฺมธาตุ จฯ อวเสสา ธาตู น ธมฺมธาตุฯ (จกฺกํ พนฺธิตพฺพํ)ฯ
(ข) ปจฺจนีกํ
[17] (ก) น จกฺขุ น ธาตูติ?
จกฺขุํ ฐเปตฺวา อวเสสา ธาตู น จกฺขุธาตุฯ จกฺขุญฺจ ธาตุญฺจ ฐเปตฺวา อวเสสา น เจว จกฺขุ น จ ธาตุฯ
(ข) น ธาตู น โสตธาตูติ? อามนฺตาฯ
น จกฺขุ น ธาตูติ?
จกฺขุํ ฐเปตฺวา อวเสสา ธาตู น จกฺขุ, ธาตุฯ จกฺขุ จ ธาตุญฺจ ฐเปตฺวา อวเสสา น เจว จกฺขุ น จ ธาตุฯ น ธาตู น ฆานธาตุ…เป.… น ธาตู น ธมฺมธาตูติ? อามนฺตาฯ
(ก) น ธมฺโม น ธาตูติ? อามนฺตาฯ
(ข) น ธาตู น จกฺขุธาตูติ? อามนฺตาฯ
น ธมฺโม น ธาตูติ? อามนฺตาฯ
น ธาตู น โสตธาตุ…เป.… น ธาตู น มโนวิญฺญาณธาตูติ? อามนฺตาฯ (จกฺกํ พนฺธิตพฺพํ)ฯ
(ยถา อายตนยมกสฺส ปณฺณตฺติ เอวํ ธาตุยมกสฺส ปณฺณตฺติ วิตฺถาเรตพฺพา)
ปณฺณตฺตินิทฺเทสวาโรฯ
2. ปวตฺติวาโร 1. อุปฺปาทวาโร
(1) ปจฺจุปฺปนฺนวาโร
(ก) อนุโลมปุคฺคโล
[18] (ก) ยสฺส จกฺขุธาตุ อุปฺปชฺชติ ตสฺส โสตธาตุ อุปฺปชฺชตีติ?
สจกฺขุกานํ อโสตกานํ อุปปชฺชนฺตานํ เตสํ จกฺขุธาตุ อุปฺปชฺชติ, โน จ เตสํ โสตธาตุ อุปฺปชฺชติฯ สจกฺขุกานํ สโสตกานํ อุปปชฺชนฺตานํ เตสํ จกฺขุธาตุ จ อุปฺปชฺชติ โสตธาตุ จ อุปฺปชฺชติฯ
(ข) ยสฺส วา ปน โสตธาตุ อุปฺปชฺชติ ตสฺส จกฺขุธาตุ อุปฺปชฺชตีติ?
สโสตกานํ อจกฺขุกานํ อุปปชฺชนฺตานํ เตสํ โสตธาตุ อุปฺปชฺชติ, โน จ เตสํ จกฺขุธาตุ อุปฺปชฺชติฯ สโสตกานํ สจกฺขุกานํ อุปปชฺชนฺตานํ เตสํ โสตธาตุ จ อุปฺปชฺชติ จกฺขุธาตุ จ อุปฺปชฺชติฯ
(ก) ยสฺส จกฺขุธาตุ อุปฺปชฺชติ ตสฺส ฆานธาตุ อุปฺปชฺชตีติ?