(ก) น ฆานํ น ฆานธาตูติ? อามนฺตาฯ

(ข) น ฆานธาตุ น ฆานนฺติ? อามนฺตาฯ

น ชิวฺหา… (สํขิตฺตํ [ยํ สํขิตฺตํ (สฺยา.)], อุภโต อามนฺตา)ฯ

(ก) น กาโย น กายธาตูติ? อามนฺตาฯ

(ข) น กายธาตุ น กาโยติ?

กายธาตุํ ฐเปตฺวา อวเสโส น กายธาตุ, กาโยฯ กายญฺจ กายธาตุญฺจ ฐเปตฺวา อวเสโส [อวเสโส กาโย (สฺยา.)] น เจว กาโย น จ กายธาตุฯ

(ก) น รูปํ น รูปธาตูติ? อามนฺตาฯ

(ข) น รูปธาตุ น รูปนฺติ?

รูปธาตุํ ฐเปตฺวา อวเสสํ น รูปธาตุ, รูปํฯ รูปญฺจ รูปธาตุญฺจ ฐเปตฺวา อวเสสํ น เจว รูปํ น จ รูปธาตุฯ

น สทฺโท…เป.… น คนฺโธ น คนฺธธาตูติ? อามนฺตาฯ

น คนฺธธาตุ น คนฺโธติ?

สีลคนฺโธ สมาธิคนฺโธ ปญฺญาคนฺโธ น คนฺธธาตุ, คนฺโธฯ คนฺธญฺจ คนฺธธาตุญฺจ ฐเปตฺวา อวเสโส น เจว คนฺโธ น จ คนฺธธาตุฯ

(ก) น รโส น รสธาตูติ? อามนฺตาฯ

(ข) น รสธาตุ น รโสติ?

อตฺถรโส ธมฺมรโส วิมุตฺติรโส น รสธาตุ, รโสฯ รสญฺจ รสธาตุญฺจ ฐเปตฺวา อวเสโส น เจว รโส น จ รสธาตุฯ

น โผฏฺฐพฺโพ…เป.… น จกฺขุวิญฺญาณํ น จกฺขุวิญฺญาณธาตูติ? อามนฺตาฯ

น จกฺขุวิญฺญาณธาตุ น จกฺขุวิญฺญาณนฺติ? อามนฺตาฯ

น โสตวิญฺญาณํ…เป.… น ฆานวิญฺญาณํ… น ชิวฺหาวิญฺญาณํ… น กายวิญฺญาณํ…ฯ

(ก) น มโน น มโนธาตูติ? อามนฺตาฯ

(ข) น มโนธาตุ น มโนติ?

มโนธาตุํ ฐเปตฺวา อวเสโส น มโนธาตุ, มโนฯ มนญฺจ มโนธาตุญฺจ ฐเปตฺวา อวเสโส น เจว มโน น จ มโนธาตุฯ

(ก) น มโนวิญฺญาณํ น มโนวิญฺญาณธาตูติ? อามนฺตาฯ

(ข) น มโนวิญฺญาณธาตุ น มโนวิญฺญาณนฺติ? อามนฺตาฯ

(ก) น ธมฺโม น ธมฺมธาตูติ? อามนฺตาฯ

(ข) น ธมฺมธาตุ น ธมฺโมติ?

ธมฺมธาตุํ ฐเปตฺวา อวเสโส น ธมฺมธาตุ, ธมฺโมฯ ธมฺมญฺจ ธมฺมธาตุญฺจ ฐเปตฺวา อวเสโส น เจว ธมฺโม น จ ธมฺมธาตุฯ

2. ปทโสธนมูลจกฺกวาโร

(ก) อนุโลมํ

[12] (ก) จกฺขุ จกฺขุธาตูติ?

ทิพฺพจกฺขุ ปญฺญาจกฺขุ จกฺขุ, น จกฺขุธาตุฯ จกฺขุธาตุ จกฺขุ เจว จกฺขุธาตุ จฯ

(ข) ธาตู โสตธาตูติ?

โสตธาตุ ธาตุ เจว โสตธาตุ จฯ อวเสสา ธาตู [อวเสสา ธาตู ธาตู (สฺยา.)] น โสตธาตุฯ

(ก) จกฺขุ จกฺขุธาตูติ?

ทิพฺพจกฺขุ ปญฺญาจกฺขุ จกฺขุ, น จกฺขุธาตุฯ จกฺขุธาตุ จกฺขุ เจว จกฺขุธาตุ จฯ ธาตู ฆานธาตุ…เป.… ธาตู ธมฺมธาตูติ?

ธมฺมธาตุ ธาตุ เจว ธมฺมธาตุ จฯ อวเสสา ธาตู น ธมฺมธาตุฯ

(ยถา อายตนยมเก ปณฺณตฺติ เอวํ ธาตุยมเกปิ ปณฺณตฺติฯ จกฺกํ พนฺธิตพฺพํ)ฯ

(ข) ปจฺจนีกํ

[13] (ก) น จกฺขุ น จกฺขุธาตูติ? อามนฺตาฯ

(ข) น ธาตู น โสตธาตูติ? อามนฺตาฯ

น จกฺขุ น จกฺขุธาตูติ? อามนฺตาฯ

น ธาตู น ฆานธาตุ…เป.… น ธาตู น ธมฺมธาตูติ? อามนฺตาฯ

(จกฺกํ พนฺธิตพฺพํ, สพฺเพ อามนฺตา อุภโตปิ เสเสปิ)ฯ

3. สุทฺธธาตุวาโร

(ก) อนุโลมํ

[14] (ก) จกฺขุ ธาตูติ? อามนฺตาฯ

(ข) ธาตู จกฺขุธาตูติ?

จกฺขุธาตุ ธาตุ เจว จกฺขุธาตุ จฯ อวเสสา ธาตู น จกฺขุธาตุฯ

โสตํ ธาตูติ? อามนฺตาฯ

ฆานํ…เป.… ชิวฺหา… กาโย… รูปํ… สทฺโท… คนฺโธ… รโส… โผฏฺฐพฺโพ…ฯ

(ก) จกฺขุวิญฺญาณํ ธาตูติ? อามนฺตาฯ

(ข) ธาตู จกฺขุวิญฺญาณธาตูติ?